பொன்விழா ஆண்டில் அதிமுக - அதிமுகவில் ஜெயலலிதா ஆளுமை
பதிவு : அக்டோபர் 17, 2021, 07:51 AM
பொன்விழா ஆண்டில் அடியெடுத்து வைக்கும் அதிமுகவில், எம்ஜிஆருக்கு பின்னர் ஜெயலலிதாவின் ஆளுமை குறித்து ஒரு தொகுப்பை பார்க்கலாம்...
எம்.ஜி.ஆரை போலவே திரையுலகில் வெற்றிப்பாதையில் பயணித்த ஜெயலலிதா, 1982 ஜூன் 5 ஆம் தேதி எம்.ஜி.ஆர். முன்னிலையில் அதிமுகவில் இணைந்தார். 

எம்.ஜி.ஆரின் சத்துணவு திட்டத்தை மேற்பார்வையிடும் உயர்மட்ட கமிட்டி  உறுப்பினரான ஜெயலலிதா, 1983 ஆம் ஆண்டு அதிமுக கொள்கை பரப்பு செயலளாராகவும், 1984 ஆம் ஆண்டு கட்சியின் மாநிலங்களவை உறுப்பினராகவும் உயர்ந்தார்.

தமிழ், ஆங்கிலம், தெலுங்கு, கன்னடம், இந்தி என்ற பன்மொழி ஆளுமை அரசியலில் ஜெயலலிதாவுக்கு சிறப்பான இடத்தை பெற்று தந்தது. கட்சி பொதுக்கூட்டங்களில் அவருடைய ஆவேச பேச்சு பொதுமக்களை வெகுவாக ஈர்த்தது. 

எம்.ஜி.ஆர். மறைவையடுத்து கட்சி பிளவுப்பட்டு,  இரட்டை இலை முடக்கப்பட்டது. ஜெயலலிதா தலைமையில் செயல்பட்ட அணி சேவல் சின்னத்தில் களமிறங்கி 1989 சட்டப்பேரவை தேர்தலில் 27 இடங்களை வென்றது. 

"கட்சி காணாமல் போய்விடும் என்றார்கள்"
"இயக்கத்தை ஒன்றிணைத்தார் ஜெயலலிதா"
"இரட்டை இலை சின்னத்தை மீட்டார்"
"1991ல் அதிமுக அமோக வெற்றி"

அதே ஆண்டு நடைபெற்ற நாடாளுமன்றத் தேர்தலில் அதிமுக, காங்கிரஸ் கூட்டணி தமிழகம், புதுச்சேரியில் 39 இடங்களில் வென்றது. தேசிய அரசியலில் முக்கியத்துவம் பெற்றார் ஜெயலலிதா. 

1991 ஆம் ஆண்டு சட்டப்பேரவை தேர்தலில் அதிமுக, காங்கிரஸ் கூட்டணி 234 இடங்களில் 224 இடங்களை வென்றது. 39 நாடாளுமன்ற தொகுதிகளையும் கைப்பற்றியது.

பெரும்பான்மையுடன் முதல்வர் அரியணையில் ஏறினார் ஜெயலலிதா. அப்போது தமிழக சட்டப்பேரவையில் அதிகப்பட்சமாக 25 பெண் எம்.எல்.ஏ.க்கள் இருந்தனர். 

1992 ஆம் ஆண்டு பெண் சிசுக்கொலையை தவிர்க்கும் வகையில் அவர் கொண்டுவந்த தொட்டில் குழந்தை திட்டம்; மகளிர் காவல் நிலையம், அம்மா உணவகம் போன்ற திட்டங்கள் பெரும் வரவேற்பை பெற்று இன்றும் நடைமுறையில் உள்ளது. 

"தொட்டில் குழந்தை திட்டம் அறிமுகம்"
"மகளிர் மேம்பாட்டு திட்டங்களை கொண்டுவந்தார்"
"மகளிர் காவல் நிலையம், கமாண்டோ படை உருவாக்கம்"
"உள்ளாட்சி தேர்தலில் மகளிருக்கு 50 % இட ஒதுக்கீடு"


பின்னர் 1996 சட்டப்பேரவை தேர்தலில் அவரது தலைமையில் கட்சி தோல்வியை தழுவிய நிலையில் 2001-ல் ஆட்சியை கைப்பற்றியது. 

2006  சட்டப்பேரவை தேர்தலில் தோல்வியை தழுவிய அதிமுக, 2011, 2016 தேர்தலில் அமோக வெற்றியை பெற்று தொடர்ச்சியாக 2 முறை எம்.ஜி.ஆர். வழியில் அதிமுகவை அரியணையில் ஏற்றிக் காட்டினார், ஜெயலலிதா... 
 
எம்.ஜி.ஆருக்கு பின்னர் பெரிய கட்சி என்ற அந்தஸ்துக்கு அதிமுகவை வலுப்படுத்தினார்.

"ராணுவ கட்டமைப்புடன் கட்சியை வழிநடத்தினார்"
"1.5 கோடி தொண்டர்கள் கொண்ட இயக்கமாக்கினார்"
"உலகம் இருக்கும் வரையில் அவர்கள் புகழ் இருக்கும்"
"1000 ஆண்டுகளுக்கு அதிமுக தழைத்து வளரும்"


கடந்த 2016 ஆம் ஆண்டு அவரது மறைவையடுத்து இரண்டு அணிகளாக அதிமுக பிரிந்தது. 

பின்னர் ஓ.பி.எஸ்., ஈ.பி.எஸ்., இரட்டை தலைமையின் கீழ் அதிமுக வந்தது. 

ஜெயலலிதா இல்லாமல் இரட்டை தலைமையின் கீழ் சட்டமன்ற தேர்தலை சந்தித்த அதிமுக, ஆட்சியை இழந்து, பிரதான எதிர்க்கட்சி அந்தஸ்தை பெற்றது.

உள்ளாட்சி தேர்தல் தோல்வி, சசிகலாவின் அரசியல் பிரவேசம், இரட்டை தலைமை மீது எழும் தொடர் கேள்விகள் என பொன்விழா ஆண்டில் அந்த கட்சியில் அடுத்து என்ன நடக்க போகிறது என்பதை தமிழகம் உன்னிப்பாக கவனித்து கொண்டிருக்கிறது. 


தொடர்புடைய செய்திகள்

கனடாவில் கனமழை எதிரொலி - பொதுமக்களின் இயல்பு வாழ்க்கை பாதிப்பு

கனடாவில் கனமழை காரணமாக ஏற்பட்ட வெள்ளப்பெருக்கில் சிக்கி இதுவரை ஒருவர் உயிரிழந்துள்ளதாகத் தெரிவிக்கப்பட்டுள்ளது.

129 views

காதலியைக் கரம் பிடித்த க்ரிஸ்டன் ஸ்டுவர்ட் - 2 வருடக் காதல் கை கூடியது

"ட்வைலைட்" படப் புகழ் அமெரிக்க நடிகை க்ரிஸ்டன் ஸ்டுவர்ட் தனது நீண்ட நாள் காதலியான டிலன் மெயரைக் கரம் பிடித்தார்.

73 views

விராட் கோலிக்கு இன்று பிறந்த நாள் - "ரன் மெஷின்"-க்கு வயது 33...

ரன் மெஷின் என்று அன்போடு அழைக்கப்படும் இந்திய கிரிக்கெட் அணியின் கேப்டன் விராட் கோலி இன்று தனது 33வது பிறந்த நாளைக் கொண்டாடுகிறார்.

61 views

இந்தியாவில் 10 ஆண்டுகளில் 4 ஐசிசி தொடர்கள் - அட்டவணையை வெளியிட்ட ஐசிசி

2031ஆம் ஆண்டு வரை நடைபெறும் ஐசிசி தொடர்களுக்கான அட்டவணை வெளியிடப்பட்டுள்ளது.

37 views

ஒகேனக்கல் அருவியில் குளிக்க சுற்றுலா பயணிகளுக்கு அனுமதி

தருமபுரி மாவட்டம் ஒகேனக்கலுக்கு நீர்வரத்து சரிந்ததை தொடர்ந்து, காவிரி ஆற்றில் பரிசல் இயக்க அனுமதி வழங்கப்பட்டுள்ளது.

31 views

விடுதலை புலிகள் தலைவர் பிரபாகரன் பிறந்தநாள் - சட்டமன்ற உறுப்பினர் வேல் முருகன் தலைமையில் கேக் வெட்டி கொண்டாடப்பட்டது

பிரபாகரனின் பிறந்தநாளையொட்டி, சட்டமன்ற உறுப்பினர் வேல் முருகன் தலைமையில் நள்ளிரவில் கேக் வெட்டி கொண்டாடப்பட்டது.

20 views

பிற செய்திகள்

காலை 6 மணி தலைப்புச் செய்திகள் (01/12/2021) | Headlines | Thanthi TV

காலை 6 மணி தலைப்புச் செய்திகள் (01/12/2021) | Headlines | Thanthi TV

2 views

முதல்வர் சாலை மேம்பாட்டு திட்டம் - அரசாணை

முதலமைச்சரின் சாலை மேம்பாட்டு திட்டத்திற்கு அனுமதி வழங்கி தமிழக அரசு அரசாணை வெளியிட்டுள்ளது.

15 views

TN Corona Update | தினசரி கொரோனா பாதிப்பு நிலவரம்

தமிழகத்தில் தினசரி கொரோனா பாதிப்பு மீண்டும் குறைந்து வருகிறது.

10 views

அதிமுகவில் இருந்து முன்னாள் அமைச்சர் அன்வர் ராஜா நீக்கம்

அதிமுகவில் இருந்து முன்னாள் அமைச்சர் அன்வர் ராஜா நீக்கம் - ஓபிஎஸ், ஈ பி எஸ் கூட்டாக அறிவிப்பு

29 views

விவசாய குடும்பத்தின் மாதம் வருமானம் ரூ.10,218 - மக்களவையில் மத்திய அரசு தகவல்

இந்தியாவில் ஓரு விவசாய குடும்பத்தின் மாதம் வருமானம், 10,218 ரூபாய் என, மத்திய வேளாண் அமைச்சகம் மக்களவையில் தெரிவித்துள்ளது.

10 views

(30/11/2021) PRIME TIME HEADLINES | இரவு 9 மணி தலைப்புச் செய்திகள்

(30/11/2021) PRIME TIME HEADLINES | இரவு 9 மணி தலைப்புச் செய்திகள்

24 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.