வாக்காளர் பட்டியலில் சசிகலா பெயர் இல்லை - வேதா இல்லம் முகவரியில் நீக்கம்

தமிழக சட்டமன்ற தேர்தலுக்கான வாக்காளர் பட்டியலில் சசிகலாவின் பெயர் இல்லை என தகவல் வெளியாகியுள்ளதால், இந்த தேர்தலில் அவர் வாக்களிக்க முடியாத சூழல் ஏற்பட்டுள்ளது.
வாக்காளர் பட்டியலில் சசிகலா பெயர் இல்லை - வேதா இல்லம் முகவரியில் நீக்கம்
x
தமிழக முன்னாள் முதல்வர் ஜெயலலிதா வாழ்ந்த வேதா இல்லம் அரசுடைமையாக்கப்பட்ட நிலையில், அந்த முகவரியில் இருந்த அனைத்து வாக்காளர்கள் பெயரும் நீக்கப்பட்டுள்ளது. சசிகலாவின் பெயரும் அந்த முகவரியில் இருந்ததால், அவரது பெயரும் வாக்காளர் பட்டியலில் இடம்பெறவில்லை. தற்போது தியாகராய நகரில் உள்ள ஹபிபுல்லா  சாலையில் உள்ள வீட்டில் வசித்து வரும் சசிகலா, அந்த முகவரியில் இருந்து வாக்காளர் அட்டைக்கு விண்ணப்பிக்கவில்லை என தெரிகிறது. இதனால் வாக்காளர் பட்டியலில் சசிகலாவின் பெயர் இல்லையெனவும், எனவே அவர் சட்டமன்ற தேர்தலில் வாக்களிப்பது கேள்விக்குறியாகியுள்ளது எனவும் தெரிவிக்கப்பட்டிருக்கிறது.

Next Story

மேலும் செய்திகள்