"தேசத்தின் எதிரியான தி.மு.க ஆட்சிக்கு வர கூடாது" - பா.ஜ.கவினருக்கு எல்.முருகன் வேண்டுகோள்

தேசத்தின் எதிரியான திமுக ஆட்சிக்கு வர கூடாது  என்பதே தமது நோக்கம் என பா.ஜ.க மாநில தலைவர் எல்.முருகன் கருத்து கூறியுள்ளார். சிங்காரவேலரின் 162வது பிறந்தநாளையொட்டி சென்னை தி நகரில் உள்ள பாஜக அலுவலகத்தில் அவரது உருவ படத்திற்கு மரியாதை செய்யப்பட்டது.  இதையடுத்து பா.ஜ.க தேர்தல் பொறுப்பாளர்களின் ஆலோசனை கூட்டம் நடைபெற்றது. அதில் பங்கேற்று பேசிய பா.ஜ.க மாநில தலைவர் எல். முருகன், தி.மு.க ஆட்சியை கைப்பற்றாத வகையில், பா.ஜ.கவினர் போர் வீரர்களாக செயல்பட வேண்டும் எனக் கேட்டுக்கொண்டார்.