அப்துல் கலாமின் 89 வது பிறந்த நாள் இன்று...சமூக வலைத்தளத்தில் பிரதமர் மோடி அஞ்சலி

என்னை அரசியலுக்கு வரவைத்த வார்த்தைகளுக்கு சொந்தக்காரர் அப்துல்கலாம் என்று, மக்கள் நீதி மய்யம் தலைவர் கமல்ஹாசன் தெரிவித்துள்ளார். அப்துல்கலாமின் பிறந்தநாளையொட்டி, ட்விட்டரில் கருத்து பதிவிட்டுள்ள அவர், அப்துல்கலாமின், சாதனைகளும், தொலைநோக்குப் பார்வையும் நாளைய சந்ததியினரை நல்வழிப் படுத்தவேண்டும் என்று கூறியுள்ளார். மேலும் அப்துல்கலாமின் வாழ்வும் நினைவும் நம் அனைவருக்கும் வலிமையான வினையூக்கி என்று கமல் குறிப்பிட்டுள்ளார்.

மறைந்த முன்னாள் குடியரசு தலைவர் அப்துல்கலாமின் பிறந்த நாள் விழாவை ஒட்டி ராமேஸ்வரம் பேய்கரும்பில் அமைந்துள்ள அவரது நினைவிடத்தில் மாவட்ட ஆட்சியர் வீரராகவ ராவ், அப்துல்கலாமின் குடும்பத்தினர் மற்றும் அரசுத்துறை அதிகாரிகள் மரியாதை செலுத்தினர். அப்துல்கலாமின் பிறந்தநாளையொட்டி அவரது நினைவிடம் வண்ண மலர்களால் அலங்கரிக்கப்பட்டுள்ளது. கொரோனா நோய்த்தொற்று காரணமாக பொதுமக்கள் அஞ்சலி செலுத்த அனுமதி வழங்கப்படவில்லை.