கடலூர் மாவட்ட ஊராட்சி தலைவர் தேர்தல் முடிவில் சர்ச்சை : தேர்தல் அதிகாரியை சஸ்பெண்ட் செய்து ஆட்சியர் உத்தரவு
பதிவு : ஜனவரி 08, 2020, 01:24 AM
கடலூரில் ஊராட்சி தலைவர் தேர்தலில் பெயரை மாற்றி, வெற்றி வேட்பாளரை அறிவித்த தேர்தல் அதிகாரியை சஸ்பெண்ட் செய்து கடலூர் ஆட்சியர் உத்தரவிட்டுள்ளார்.
உள்ளாட்சித் தேர்தல் வாக்கு எண்ணிக்கையின்போது, கடலூர் ஊராட்சி ஒன்றியத்திற்கு உட்பட்ட குமளங்குளம் ஊராட்சி தலைவர் பதவிக்கான முடிவில் ஜெயலட்சுமி என்பவருக்கு பதிலாக விஜயலட்சுமி என்பவர் வெற்றி பெற்றதாக தவறாக அறிவிக்கப்பட்டது. 1370 வாக்குகள் வித்தியாசத்தில் தோற்றவரை வெற்றி பெற்றதாக உதவி தேர்தல் அதிகாரி தவறாக அறிவித்த நிலையில், பின்னர் அந்த தவறை தேர்தல் அதிகாரி சுப்பிரமணியனிடம் கூறினார். ஆனால், அதை ஏற்க மறுத்து, விஜயலட்சுமி வெற்றி பெற்றதாக சான்றிதழை வழங்கி விட்டார். இந்த விவகாரத்தால், கிராம மக்களிடையே பெரும் கொந்தளிப்பு ஏற்பட்டதோடு பதவியேற்பும் ஒத்தி வைக்கப்பட்டது. 
இந்நிலையில், இது குறித்து விசாரணை நடத்திய மாவட்ட ஆட்சியர் அன்பு செல்வன், தேர்தல் அதிகாரியும் வட்டார வளர்ச்சி அலுவலருமான சுப்பிரமணியனை பணியிடை நீக்கம் செய்து உத்தரவிட்டுள்ளார். வெற்றி சான்றிதழ் வழங்கும் முன்பே, உதவி தேர்தல் அதிகாரி கூறியதையும் பொருட்படுத்தாமல் சான்றிதழ் வழங்கியது தெரியவந்ததால், இந்த நடவடிக்கை எடுக்கப்பட்டுள்ளது.

பிற செய்திகள்

"கொரோனா தொற்று பரவல் கட்டுக்குள் உள்ளது" - டெல்லி முதலமைச்சர் கெஜ்ரிவால் தகவல்

டெல்லியில் கொரோனா தொற்று பரவல் கட்டுக்குள் உள்ளது என்றும், யாரும் அச்சம் கொள்ள வேண்டாம் எனவும் முதலமைச்சர் அரவிந்த் கெஜ்ரிவால் தெரிவித்துள்ளார்.

49 views

சிங்கம்பட்டி குறுநில மன்னர் மறைவு - மதிமுக பொதுச்செயலாளர் வைகோ இரங்கல்

தமிழகத்தில் கடைசியாக முடி சூட்டப்பட்ட, சிங்கம்பட்டி குறுநில மன்னர், நல்லகுத்தி சிவசுப்பிரமணிய சங்கர முருகதாஸ் தீர்த்தபதி, நேற்று இயற்கை எய்திய செய்தி அறிந்து வருந்துவதாக மதிமுக பொதுச்செயலாளர் வைகோ இரங்கல் தெரிவித்துள்ளார்.

46 views

துணை முதலமைச்சர் ஓ.பி.எஸ். மருத்துவமனையில் அனுமதி - முதல்வர் எடப்பாடி பழனிசாமி நேரில் சந்தித்து நலம் விசாரிப்பு

தமிழக துணை முதலமைச்சர் ஓ.பன்னீர்செல்வம், மருத்துவ பரிசோதனைக்காக மருத்துவமனையில் அனுமதிக்கப்பட்டுள்ளார்.

1390 views

"காவிரி டெல்டா பாசன பகுதிகளை போர்க்கால அடிப்படையில் தூர்வார வேண்டும்" - அரசுக்கு மு.க ஸ்டாலின் வலியுறுத்தல்

காவிரி டெல்டா பாசன பகுதிகளில் கால்வாய் தூர்வாரும் பணியை போர்க்கால அடிப்படையில் நிறைவு செய்ய வேண்டும் என தி.மு.க தலைவர் ஸ்டாலின் வலியுறுத்தியுள்ளார்.

18 views

உத்தரப்பிரதேச தொழிலாளர்களை வேலைக்கு அமர்த்த புதிய கட்டுப்பாடு - முதலமைச்சர் யோகி ஆதித்யநாத் தகவல்

உத்தரப்பிரதேச மாநில தொழிலாளர்களை பணிக்கு அமர்த்த, இனிமேல் அம்மாநிலத்தின் அனுமதியை மற்ற மாநிலங்கள் பெற வேண்டிய கட்டாயம் உருவாகி உள்ளது.

22 views

கல்லூரி மாணவிகள் உள்பட 400 பேருக்கு கொரோனா நிவாரணம் வழங்கினார் ஸ்டாலின்

சென்னையில், திமுக சார்பில் கொரோனா நிவாரண பொருட்கள் வழங்கும் நிகழ்ச்சி நடைபெற்றது.

90 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.