ப.சிதம்பரத்திற்கு ஜாமீன் கிடைக்குமா ? - உச்ச நீதிமன்றம் இன்று தீர்ப்பு

முன்னாள் நிதியமைச்சர் ப.சிதம்பரம் மீது ஐ.என்.எக்ஸ். மீடியா முறைகேடு வழக்கில் சி.பி.ஐ. மற்றும் அமலாக்கத்துறை தனித்தனியாக வழக்கு பதிவு செய்தது. இதில் சி.பி.ஐ. வழக்கில் ப.சிதம்பரம் கடந்த ஆகஸ்டு மாதம் 22- ந்தேதி கைது செய்யப்பட்டு திகார் சிறையில் அடைக்கப்பட்டார். தொடர்ந்து அவர் அமலாக்கத்துறை வழக்கிலும் கைதானார்.  ப.சிதம்பரம் ஜாமீன் மனு இதுவரை 5 முறை தள்ளுபடி செய்யப்பட்டது.  இறுதியாக சி.பி.ஐ. வழக்கில் அவருக்கு ஜாமின் கிடைத்தாலும்,  அமலாக்கத்துறை வழக்கு காரணமாக அவர் தொடர்ந்து சிறையிலேயே இருந்து வருகிறார். இந்த நிலையில், ப.சிதம்பரத்தின் ஜாமீன் மனு மீது உச்சநீதிமன்றம் இன்று, புதன்கிழமை தீர்ப்பளிக்க உள்ளது.