தமிழக பா.ஜ.க. புதிய தலைவர் யார்...? கே.டி.ராகவனுக்கு அதிக வாய்ப்பு என தகவல்
பதிவு : செப்டம்பர் 02, 2019, 02:57 PM
தமிழக பாஜக புதிய தலைவராக ராகவன் தேர்ந்தெடுப்பட வாய்ப்புள்ளதாக தகவல் வெளியாகியுள்ளது.
தெலங்கானா ஆளுனராக நியமிக்கப்பட்ட தமிழிசை சவுந்தரராஜன், தமிழக பாஜக தலைவர் பதவியை நேற்று ராஜினாமா செய்தார். அக்கட்சி உறுப்பினர் பதவியிலிருந்தும் அவர் விலகினார். இதையடுத்து தமிழக பாஜகவின் புதிய தலைவர் யார் என்ற எதிர்பார்ப்பு அரசியல் வட்டாரத்தில் எழுந்துள்ளது. இந்நிலையில் தமிழக பாஜக புதிய தலைவராக ராகவன் தேர்ந்தெடுப்பட வாய்ப்புள்ளதாக தகவல் வெளியாகியுள்ளது. இப்பதவிக்கு வானதி சீனிவாசன்,  நயினார் நாகேந்திரன் ஆகியோரின்  பெயர்கள் பரிசீலனையில் இருந்தாலும் ராகவனுக்கு அதிக வாய்ப்பு உள்ளதாக கூறப்படுகிறது.
 
தமிழக பா.ஜ.க.வின் மாநில பொதுச்செயலாளராக வானதி சீனிவாசனும், தமிழக பாஜக துணைத் தலைவராக  நயினார் நாகேந்திரனும் உள்ளனர். பாஜக  மாநில செயலாளர் பொறுப்பில் ராகவன் இருந்து வருகிறார். மயிலாப்பூர் சட்டமன்ற தொகுதி, கோவை (தெற்கு) தொகுதிகளில் போட்டியிட்டு வெற்றி வாய்ப்பை இழந்த வானதி சீனிவாசன், அகில பாரதிய வித்யார்தி பரிஷத் என்ற அமைப்பில் பணியாற்றி உள்ளார். ராமநாதபுரம் மக்களவை தொகுதியில் பாஜக சார்பில் போட்டியிட்டு தோல்வியை தழுவிய நயினார் நாகேந்திரன், அ.தி.மு.க. முன்னாள் அமைச்சராக இருந்துள்ளார். பின்னர் அக்கட்சியிலிருந்து விலகி கடந்த 2017ல் அமித்ஷா முன்னிலையில் நயினார் நாகேந்திரன்  பாஜகவில் இணைந்தார்.

வழக்கறிஞரான ராகவன் ஆரம்ப காலம் முதலே ஆர்.எஸ்.எஸ் அமைப்பில் பணியாற்றியவர் ஆவார். அகில பாரதிய வித்யார்தி பரிஷத் அமைப்பிலும் இருந்துள்ள ராகவன், காஞ்சிபுரம் மக்களவை தொகுதி மற்றும் 2014-ல், கொளத்தூர் சட்டமன்ற தொகுதியில் திமுக தலைவர் ஸ்டாலினுக்கு எதிராக போட்டியிட்டு வெற்றி வாய்ப்பை இழந்தார்.தற்போதைய நிலையில் தமிழக பாஜக புதிய தலைவராக  தேர்ந்தெடுக்கப்பட ராகவனுக்கே அதிக வாய்ப்புள்ளதாக தகவல் வெளியாகியுள்ளது. புதிய தலைவர் குறித்து பா.ஜ.க. மேலிடம் ஓரிரு நாளில் அறிவிக்கும் என கூறப்படுகிறது.

பிற செய்திகள்

"தமிழகத்தில் இன்று ஒரே நாளில் 1149 பேருக்கு கொரோனா"

தமிழகத்தில் கொரோனா தொற்றின் புதிய உச்சமாக இன்று ஆயிரத்து 149 பேர் பாதிக்கப்பட்டுள்ளனர்.

35 views

செங்கல்பட்டில் 20 நாளில் 827 பேருக்கு கொரோனா

சென்னை மாநகராட்சியில், ராயபுரம் மண்டலத்தில், கொரோனா பாதிப்பு எண்ணிக்கை 2 ஆயிரத்து ஐநூறை தாண்டி உள்ளது.

47 views

ஏழை மக்களுக்கு உதவிய மதுரை சிறுமி - மனதின் குரல் நிகழ்ச்சியில் பிரதமர் மோடி பாராட்டு

மதுரை மாவட்டம் மேலமடையை சேர்ந்த மோகன் என்பவர் அதே பகுதியில் முடி திருத்தும் தொழில் செய்து வருகிறார்.

166 views

ஜூன் 8 முதல் வணிக வளாகங்கள் திறப்பு - வணிக வளாக நிறுவனங்கள் அறிவிப்பு

புதிய தளர்வுகளுடன் 5 ஆம் கட்ட ஊரடங்கு உத்தரவு ஜூன் 30 ஆம் தேதி வரை நீட்டிக்கப்பட்டுள்ள நிலையில், ஜூன் 8 ஆம் தேதி முதல் வணிக வளாகங்கள் திறப்பதற்கு அனுமதிக்கப்பட்டுள்ளது.

148 views

சமூக வலைதளத்தை பயனுள்ளதாக மாற்றி அசத்தல் - முன்னுதாரணமாக திகழும் வைத்தீஸ்வரன் கோவில் பேரூராட்சி

சமூக வலைதளத்தை மக்களுக்கு பயனுள்ளதாக மாற்றி, முன்னுதாரணமாக திகழும் மயிலாடுதுறை மாவட்டம் வைத்தீஸ்வரன் கோயில் பேரூராட்சிக்கு பாராட்டுக்கள் குவிந்து வருகிறன.

51 views

99 வயது பாட்டியின் கொரோனா கால உதவி...

முதியவர்கள் எல்லோரும் கொரோனா வைரஸிடம் கொஞ்சம் ஜாக்கிரதையாக இருக்க வேண்டும் எனச் சொல்கிறார்கள்.

86 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.