தென்காசி, செங்கல்பட்டு மாவட்டங்கள் உதயம் - சட்டப்பேரவையில் முதலமைச்சர் அறிவிப்பு
பதிவு : ஜூலை 18, 2019, 01:59 PM
தென்காசி மற்றும் செங்கல்பட்டு ஆகிய இரண்டு புதிய மாவட்டங்கள் உதயமாகி உள்ளன.
தென்காசி மற்றும் செங்கல்பட்டு ஆகிய இரண்டு புதிய மாவட்டங்கள் உதயமாகி உள்ளன. சட்டப்பேரவையில் விதிஎண் 110ன் கீழ்  இதற்கான அறிவிப்பை, முதலமைச்சர் எடப்பாடி பழனிசாமி வெளியிட்டார். இதன் மூலம் தமிழகத்தில் உள்ள மாவட்டங்களின் எண்ணிக்கை 35ஆக உயர்ந்துள்ளது. 

"கும்பகோணம் விரைவில் தனி மாவட்டமாகிறது"



தென்காசி மற்றும் செங்கல்பட்டு புதிய மாவட்டங்களாக அறிவிக்கப்பட்டுள்ள நிலையில், கும்பகோணத்தை தலைமையிடமாக கொண்டு தனி மாவட்டம் விரைவில் உருவாகும் என்று அமைச்சர் ஆர்.பி.உதயகுமார் தெரிவித்துள்ளார்.  மக்களின் கோரிக்கை அரசுக்கு கிடைத்துள்ளதாகவும், இதற்கான அறிவிப்புகள் விரைவில் வெளியாக வாய்ப்பு உள்ளதாகவும், அவர்  குறிப்பிட்டுள்ளார்.

"தனியார் சட்டக்கல்லூரிகள் துவங்க அனுமதி"



அரசு சட்டக்கல்லூரிகள் இல்லாத இடங்களில், தனியார் கல்லூரிகள் தொடங்க அனுமதி அளிக்கப்படும் என்று சட்டத்துறை அமைச்சர் சி.வி.சண்முகம் தெரிவித்துள்ளார். சட்டப்பேரவையில் கேள்வி நேரத்தின்போது பேசிய காஞ்சிபுரம் தொகுதி திமுக உறுப்பினர் எழிலரசன், தமிழகத்தில் சட்டக் கல்லூரிகள் எண்ணிக்கையை அதிகரிக்க வேண்டும்' என வலியுறுத்தினார்.  இதற்கு பதிலளித்து பேசிய சட்டத்துறை அமைச்சர் சி.வி.சண்முகம், நீதிமன்ற உத்தரவின்  அடிப்படையில், அரசு சட்டக் கல்லூரிகள் இல்லாத இடங்களில், தனியார் கல்லூரிகள் தொடங்க அனுமதி அளிப்பதாக தெரிவித்தார். அதிமுக அரசு பொறுப்பேற்பதற்கு முன் 7 அரசு சட்டக் கல்லூரிகள் மட்டுமே இருந்த நிலையில், தற்போது 12 ஆக அதிகரித்திருப்பதாக குறிப்பிட்டார். அதுமட்டுமின்றி, விழுப்புரத்தில் அமைந்துள்ள புதிய அரசு சட்டக்கல்லூரியை, பேரவை கூட்டத்தொடர் முடிந்தவுடன் முதலமைச்சர் திறந்து வைப்பார் என்ற தகவலையும், அப்போது அவர் வெளியிட்டார். 

"மனித கழிவுகளை அகற்றும் பணியில் மனிதர்களை ஈடுபடுத்தக் கூடாது - அமைச்சர் எச்சரிக்கை



மனித கழிவுகளை அகற்றும் பணியில், மனிதர்களை அரசு ஈடுபடுத்துவது இல்லை எனவும், கழிவுகளை அகற்றுவதற்கு தேவையான இயந்திரங்கள் அரசிடம் இருப்பதாகவும், உள்ளாட்சித் துறை அமைச்சர் வேலுமணி தெரிவித்துள்ளார். திமுக உறுப்பினர் பிச்சாண்டி கவன ஈர்ப்பு தீர்மானம் கொண்டு வந்து பேசிய போது, அமைச்சர் இவ்வாறு பதிலளித்தார்.  மேலும், மனித கழிவுகளை அகற்றும் பணியில், மனிதர்களை தனியார் ஈடுபடுத்தினால், அவர்களுக்கு சிறை தண்டனை விதிக்கவும் சட்டத்தில் இடம் இருக்கிறது என்று அமைச்சர் வேலுமணி எச்சரிக்கை விடுத்தார்.

"45 பள்ளிகளில் மட்டுமே தற்காலிக நூலகங்கள்"



தமிழகத்தில் ஆயிரத்து 248 பள்ளிகளில் 45 பள்ளிகளில் ஒரு மாணவர் கூட இல்லாத நிலையில், அங்கு ஆசிரியர்கள் வேலை செய்ய இயலாது என்று, அமைச்சர் செங்கோட்டையன் விளக்கம் அளித்துள்ளார். பேரவையில், திமுக உறுப்பினர் தங்கம் தென்னரசு, எழுப்பிய கேள்விக்கு பதிலளித்து பேசிய அமைச்சர் செங்கோட்டையன், இந்த 45 பள்ளிகளில் மட்டும் தற்காலிகமாக நூலகங்கள் அமைக்கப்படும் என்றும், மாணவர்கள் சேர்க்கை நடந்த பின் மீண்டும் பள்ளிகளாக இயங்கும் எனவும் தெரிவித்தார். 

தொடர்புடைய செய்திகள்

மாணவியை துடைப்பத்தால் அடித்த ஆசிரியர் : 2 பிரிவுகளின் கீழ் வழக்கு பதிவு

நெல்லையில் மாணவியை துடைப்பத்தால் அடித்ததாக ஆசிரியர் மீது போலீசார் 2 பிரிவுகளின் கீழ் வழக்குப் பதிவு செய்துள்ளனர்.

283 views

கைதிகளை ஜாதி பெயர் சொல்லி அழைப்பதாக எழுந்த புகார்...

நெல்லை மாவட்டம், பாளையங்கோட்டை மத்திய சிறையில் கைதிகளை ஜாதி வாரியாக பிரித்து தனி கட்டிடங்களில் வைத்திருப்பதாக வெளியான செய்தியை தொடர்ந்து, மாநில மனித உரிமை ஆணையம் தாமாக முன் வந்து வழக்கு பதிவு செய்தது.

415 views

பிற செய்திகள்

மதிமுக பொதுச்செயலாளர் வைகோ மீண்டும் மருத்துவமனையில் அனுமதி

ம.தி.மு.க. பொதுச் செயலாளர் வைகோ உடல்நிலை பரிசோதனைக்காக சென்னை போரூர் தனியார் மருத்துவமனையில் அனுமதிக்கப்பட்டுள்ளார்.

31 views

சட்டமன்ற தேர்தலில் கமல்ஹாசன் நிச்சயம் போட்டியிடுவார் - மக்கள் நீதி மய்யம் துணை தலைவர்

2021ஆம் ஆண்டு நடைபெறும் சட்டமன்ற தேர்தலில் கமல்ஹாசன் நிச்சயம் போட்டியிடுவார் என்று மக்கள் நீதி மய்யம் துணை தலைவர் மகேந்திரன் கூறியுள்ளார்,

717 views

நெருக்கடி நிலையை எதிர்த்தவர் கருணாநிதி - திமுக பொருளாளர் துரைமுருகன் பேச்சு

நெருக்கடி நிலையை தைரியமாக எதிர்த்தவர் கருணாநிதி என திமுக பொருளாளர் துரைமுருகன் தெரிவித்துள்ளார்.

50 views

"தமிழகத்தின் எதிர்காலத்தை அதிமுகவால் தான் காப்பாற்ற முடியும்" - ஓ. பன்னீர்செல்வம்

நாடாளுமன்ற தேர்தலுக்கு பின்னர், அ.தி.மு.க.வில் பிற கட்சிகளை சேர்ந்தவர் அதிகளவில் இணைவதாக துணை முதலமைச்சர் ஓ. பன்னீர்செல்வம் தெரிவித்துள்ளார்

27 views

பால் விலை உயர்வு மக்களை பாதிக்காத வகையில் இருக்க வேண்டும் - பொன்.ராதாகிருஷ்ணன்

பால் விலை உயர்வு மக்களை பாதிக்காத வகையில் இருக்க வேண்டும் என்று முன்னாள் மத்திய அமைச்சர் பொன்.ராதாகிருஷ்ணன் கேட்டுக்கொண்டுள்ளார்.

27 views

"பால் விலை உயர்வு - மக்களிடையே எந்த கொந்தளிப்பும் இல்லை" - ராஜேந்திர பாலாஜி

பால் விலை உயர்வு மக்களிடம் எந்த கொந்தளிப்பையும் ஏற்படுத்த வில்லை என்று தமிழக பால்வளத்துறை அமைச்சர் ராஜேந்திர பாலாஜி தெரிவித்தார்.

10 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.