தேர்தல் ஆணையரை சந்திக்கும் எதிர்க்கட்சிகள் : 21 கட்சி தலைவர்கள் நாளை சந்திக்கின்றனர்

வியாழக்கிழமையன்று வாக்கு எண்ணிக்கை நடைபெற உள்ள நிலையில், இந்திய தேர்தல் ஆணையத்தை எதிர்க்கட்சிகள் அணுக உள்ளன. ஆந்திர முதலமைச்சர் சந்திரபாபு நாயுடு உட்பட 21 எதிர்க்கட்சிகளை சேர்ந்த தலைவர்கள், தேர்தல் ஆணையர்களை சந்திக்க இருப்பதாக அறிவிக்கப்பட்டுள்ளது. டெல்லியில் நாளை பிற்பகல் 3 மணிக்கு இந்த சந்திப்பு நடைபெறுகிறது. அப்போது, வாக்கு எண்ணிக்கை தொடர்பாக, தேர்தல் ஆணையர்களிடம் பல கோரிக்கைககளை எதிர்க்கட்சிகள் சார்பாக முன் வைப்பார்கள் என கூறப்படுகிறது.