தி.மு.க. கூட்டணி வேட்பாளர்கள் வெற்றி பெற வேண்டும் என உழைத்த அனைத்து கட்சி நிர்வாகிகள், கூட்டணி கட்சியினருக்கு தி.மு.க. தலைவர் ஸ்டாலின் நன்றி
பதிவு : ஏப்ரல் 26, 2019, 01:22 AM
நடந்து முடிந்த மக்களவை தேர்தல் மற்றும் சட்டப்பேரவை தொகுதி இடைத்தேர்தலில் தி.மு.க. கூட்டணி வேட்பாளர்கள் வெற்றி பெற வேண்டும் என உழைத்த அனைத்து கட்சி நிர்வாகிகள், கூட்டணி கட்சியினருக்கு தி.மு.க. தலைவர் ஸ்டாலின் வெளியிட்டுள்ள அறிக்கையில் நன்றி தெரிவித்துள்ளார்.
இதுதொடர்பாக அவர் வெளியிட்டுள்ள அறிக்கையில், தி.மு.க. தலைமையிலான மதசார்பற்ற முற்போக்கு முழு வெற்றிக் கூட்டணியின் வெற்றிக்காக அர்ப்பணிப்பு உணர்வுடன் செயலாற்றிய அனைத்துக் கட்சிகள் மற்றும் அமைப்பினருக்கும் ஸ்டாலின் நன்றி தெரிவித்துள்ளார். மதவெறி, ஊழல் ஆட்சிகளை ஒரே நேரத்தில் வீழ்த்தி, மத்தியிலும் மாநிலத்திலும் புதிய அரசு அமைவதற்கேற்ற வகையில், மக்களின் தீர்ப்பு நன்றாக அமையும் நாளாக மே 23 விடியும் என ஸ்டாலின் நம்பிக்கை தெரிவித்துள்ளார்.  தோல்வி பயத்தின் காரணமாக ஆளும் கட்சியினர் மேற்கொண்ட பல்வேறு நடவடிக்கைகளை தமிழக மக்கள் ஒரு போதும் ஆதரிக்க மாட்டார்கள் என்றும், வெறுத்து விலக்கி வைப்பார்கள் என்றும் ஸ்டாலின் சுட்டிக்காட்டி உள்ளார். வன்முறையைத் தூண்டிவிட்டு, நம் கவனத்தைத் திசை திருப்பி, வாக்காளர்கள் மனதில் அச்சத்தை விதைத்து, மிச்சமிருக்கும் 4 தொகுதி இடைத்தேர்தலில் தி.மு.க.வின் வெற்றியைத் தட்டிப் பறித்து, ஆட்சியைத் தக்க வைத்துக் கொள்ள முடியுமா என ஆளும் ஆட்சியாளர்கள் கணக்குப் போடுகிறார்கள் என்றும், மக்களின் எண்ணத்தை நிறைவேற்ற வேண்டிய கடமையும் பொறுப்பும் தி.மு.க.வுக்கும் தோழமைக் கட்சிகளுக்கும் உள்ளதாகவும் ஸ்டாலின் தெரிவித்துள்ளார். தி.மு.க.வினரும் தோழமைக் கட்சியினரும் வாக்குப் பதிவு இயந்திரங்கள் வைக்கப்பட்டுள்ள இடங்களில் கூடுதல் கவனம் செலுத்திட வேண்டும் என்றும் ஸ்டாலின் கேட்டுக் கொண்டுள்ளார். 4 தொகுதி இடைத்தேர்தலில் மாநில அமைச்சர்களும் ஆளுங்கட்சி நிர்வாகிகளும் அதிகார பலத்தை பயன்படுத்தி , தி.மு.க. வெற்றியைக் களவாடுவதில் முனைப்பு காட்டுவார்கள் என்றும், அதனை முறியடித்திடும் வகையில் செயல்பாடுகள் அமைந்திட வேண்டும் என்றும் தொண்டர்களை கேட்டுக் கொண்டுள்ளார். மே ஒன்றாம்  தேதி முதல் இடைத்தேர்தல் களத்தில் பிரச்சாரப் பயணத்தை மேற்கொள்ள உள்ளதாகவும், வீடு வீடாக சென்று தோழமை கட்சியினருடன் வாக்கு சேகரிக்க வேண்டும் எனவும் தொண்டர்களுக்கு அறிவுறுத்தி உள்ளார்.

தொடர்புடைய செய்திகள்

மருத்துவ படிப்புகளில் 25 % இடங்கள் : உயர்த்தி கொள்ள தமிழக அரசுக்கு அனுமதி

மருத்துவ படிப்புகளில் 25% இடங்களை அதிகரித்துக் கொள்ள தமிழகத்திற்கு மத்திய அரசு அனுமதி அளித்துள்ளது.

2247 views

பிற செய்திகள்

தமிழக அரசின் முயற்சியால் உச்சநீதிமன்ற தீர்ப்புகள் தமிழில் வெளியிடப்படுகிறது - முதலமைச்சர் பழனிசாமி

தமிழக அரசின் முயற்சியால் உச்சநீதிமன்ற தீர்ப்புகள் தமிழில் வெளியிடப்படுகிறது - முதலமைச்சர் பழனிசாமி

31 views

"உள்ளாட்சி தேர்தலை 2 மாத காலத்திற்குள் நடத்தவில்லை என்றால் போராட்டம்" - அரசியல் கட்சியினர் எச்சரிக்கை

புதுச்சேரியில் உள்ளாட்சி தேர்தலை 2 மாதத்திற்குள் நடத்த மாநில அரசு நடவடிக்கை எடுக்காவிட்டால் போராட்டம் நடத்தப்படும் என அரசியல் கட்சியினர் எச்சரிக்கை விடுத்துள்ளனர்.

51 views

"இந்தியாவில் குறைந்த விலையில் இணையதள சேவை" - பிரதமர் நரேந்திர மோடி பெருமிதம்

உலகிலேயே மிகக்குறைந்த விலையில் இணையதள சேவை இந்தியாவில் கிடைப்பதாக பிரதமர் நரேந்திர மோடி பெருமிதம் தெரிவித்துள்ளார்.

580 views

மன்மோகன் சிங் வேட்பு மனு ஏற்பு

ராஜஸ்தான் மாநிலத்திலிருந்து, ராஜ்யசபா எம்.பி- யாக தேர்ந்தெடுக்க, முன்னாள் பிரதமர் மன்மோகன் சிங், வேட்பு மனு தாக்கல் செய்திருந்தார்.

68 views

ஒரு திட்டத்தை செயல்படுத்தும் முன் முதல்வர் பல முறை யோசிப்பார் - செல்லூர் ராஜூ

ஒரு திட்டத்தை செயல்படுத்தும் போது ஜெயலலிதா 9 முறை யோசித்தால் முதலமைச்சர் எடப்பாடி பழனிசாமி 16 முறை யோசிப்பதாக அமைச்சர் செல்லூர் ராஜூ தெரிவித்தார்.

43 views

பால் விலை உயர்வு ஏன்? - முதல்வர் விளக்கம்

பால் உற்பத்தியாளர்களின் கோரிக்கையை ஏற்று ஆவின் பால் விலை உயர்த்தப்பட்டுள்ளதாக முதலமைச்சர் எடப்பாடி பழனிசாமி தெரிவித்தார்.

19 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.