சட்டப்பேரவை சிறப்பு கூட்டத்தை நீட்டிக்க வேண்டும் - ராமதாஸ்

தமிழக சட்டப்பேரவையின் சிறப்புக் கூட்டத்தை மேலும் சில நாட்களுக்கு நீட்டிக்க வேண்டும் என பாமக நிறுவனர் ராமதாஸ் கோரிக்கை விடுத்துள்ளார்.  மாலையில் நடைபெறும் கூட்டத்தில் மேகதாது அணை விவகாரம் குறித்து முழுமையாக விவாதிக்க நேரம் கிடைக்காது என தெரிவித்துள்ள ராமதாஸ், ஸ்டெர்லைட், கஜா புயல் பாதிப்புகள், எட்டு வழிச்சாலை உள்ளிட்டவை குறித்து ஆலோசிக்க வேண்டும் என்று வலியுறுத்தியுள்ளார். அவ்வாறு ஆலோசிக்க ஒரு நாள் கூட்டம் மட்டும் போதாது என்று தெரிவித்துள்ள ராமதாஸ், சிறப்புக்கூட்டத்தை மேலும் சில நாட்களுக்கு நீட்டிக்க வேண்டும் என்று வலியுறுத்தியுள்ளார்.