ட்விட்டரை எலான் மஸ்க் வாங்கிவிட்ட நிலையில், சமூக ஊடக நிறுவனங்களின் எதிர்காலம் இருட்டில் இருப்பதாக டுவிட்டர் நிறுவனத்தின் சிஇஓவும், இந்தியருமான பாரக் அகர்வால் தெரிவித்திருப்பது பரபரப்பை ஏற்படுத்தியுள்ளது. ட்விட்டர் நிறுவனம் எலான் மஸ்க் வசம் சென்றுவிட்டதை அடுத்து, இது தொடர்பாக தனது ஊழியர்களிடம் அந்நிறுவனத்தின் சிஇஓவும், இந்தியருமான பாரக் அகர்வால் கலந்துரையாடியுள்ளார். இந்த கலந்துரையாடலின் போது ஊழியர்கள் பலரும் தாங்கள் வேலையை விட்டு நீக்கப்பட வாய்ப்புள்ளதாக போன்ற பல கேள்விகளை அவரிடம் முன்வைத்துள்ளனர். இதற்கு பதிலளித்த பாரக் அகர்வால், சமூக ஊடக நிறுவனங்களின் எதிர்காலம் உறுதியற்ற நிலையில் இருப்பதாகவும், இந்த வாரம் ஊழியர்களின் சந்தேகங்களுக்கு பதிலளிக்கும் விதமாக எலான் மஸ்க் அவர்களுடன் கலந்துரையாட இருப்பதாக தெரிவித்துள்ளார். இந்நிலையில், எலான் மஸ்கை வரவேற்கும் விதமாக ட்வீட் செய்துள்ள பாரக் அகர்வால், சமூகத்தில் தாக்கத்தை ஏற்படுத்த கூடிய ட்விட்டரின் முக்கிய பொறுப்புகளில் இருக்கும் ஊழியர்களின் உழைப்பை பாராட்டியுள்ளார்.