ஜாமீன் பெற்று தருவதாக ரூ.200 கோடி மோசடி: சிறையில் இருந்து கொண்டே சுகேஷ் கைவரிசை
பதிவு : செப்டம்பர் 26, 2021, 01:43 PM
பிரபல மோசடி மன்னன் சுகேஷ் சந்திரசேகர், டெல்லி ரோஹிணி சிறையில் இருந்தவாறே அரங்கேற்றிய 200 கோடி ரூபாய் மோசடி வழக்கில், இந்தி நடிகை ஜாக்குலின் பெர்னாண்டஸ் சிக்கியது எப்படி என்பதை பார்க்கலாம்...
கடந்த 2017 ஆம் ஆண்டு இரட்டை இலை சின்னத்தை மீட்க டி.டி.வி. தினகரன் தரப்புக்காக தேர்தல் ஆணையத்துக்கு லஞ்சம் கொடுக்க முயன்றதாக கைது செய்யப்பட்டவர் சுகேஷ் சந்திரசேகர்.

இந்த வழக்கு விசாரணையின் போது, சுகேஷ் சந்திரசேகர் அரசியல் தலைவர்கள், அதிகாரிகள், பிரபலங்களுக்கு மிகவும் நெருக்கமானவராக தன்னை அடையாளப்படுத்திக்கொண்டு பல மோசடிகளை அரங்கேற்றிய ஒரு மோசடி பேர்வழி என தெரியவந்தது.

இதனையடுத்து டெல்லி ரோஹிணி சிறையில் அடைக்கப்பட்ட சுகேஷ் சந்திரசேகர், மீண்டும் 200 கோடி ரூபாய்க்கு பண மோசடியை அரங்கேற்றிய தகவல் வெளியாகி அதிர்வலைகளை ஏற்படுத்தியது.

மும்பையை சேர்ந்த தொழிலதிபர் ஷிவிர்ந்தர் மோகன் சிங்கிற்கு, தன்னுடைய செல்வாக்கை பயன்படுத்தி ஜாமின் வாங்கி தருவதாக அவருடைய மனைவி அதிதி சிங்கிடம் கைவரிசையை காட்டியுள்ளார்.  

இந்த 200 கோடி ரூபாய் மோசடி வழக்கில், கடந்த ஆகஸ்ட் 23 ஆம் தேதி சுகேசுக்கு சொந்தமான இடங்களில் அமலாக்கப்பிரிவினர் சோதனையை மேற்கொண்டனர். சென்னையை அடுத்த கானத்தூர் கிழக்கு கடற்கரை சாலையில் அவருக்கு சொந்தமான பங்களாவில் நடத்தப்பட்ட சோதனையில், 82 லட்சத்து 50 ஆயிரம் ரூபாய் பணம், பல கோடி ரூபாய் மதிப்பிலான சொகுசு கார்கள் பறிமுதல் செய்யப்பட்டன.

இதனையடுத்து சுகேஷ் சந்திரசேகரின் காதலியும், பிரியாணி பட நடிகையுமான லீனா மரியாவை டெல்லி பொருளாதார குற்றப்பிரிவு போலீசார் கைது செய்தனர். லீனா மரியா உதவியுடன் சுகேஷ் இந்த மோசடியை அரங்கேற்றியதாக கூறப்படுகிறது.

சிறையில் தொழில்நுட்ப வசதியுடன் தன்னுடைய அடையாளத்தை மறைத்து சுகேஷ் யார் யாரிடமெல்லாம் பேசியிருக்கிறார் என அமலாக்கப்பிரிவு ஆய்வை மேற்கொண்டது.

அப்படி அவர் பேசிய நபர்களில் ஒருவர் இந்தி நடிகை ஜாக்குலின் பெர்னாண்டஸ் என தெரியவந்துள்ளது. இதனையடுத்து கடந்த ஆகஸ்ட் இறுதியில் ஜாக்குலின் பெர்னாண்டசுக்கு சம்மன் அனுப்பிய அமலாக்கப்பிரிவு அதிகாரிகள், அவரிடம் பண மோசடி வழக்கு குறித்து 5 மணி நேரம் விசாரணையை மேற்கொண்டனர்.

இதனையடுத்து மீண்டும் விசாரணைக்கு ஆஜராக அமலாக்கப்பிரிவு கோரிய நிலையில், ஜாக்குலின் பெர்னாண்டஸ் ஆஜராகவில்லை.

ஜாக்குலின் பெர்னாண்டசிடமும், தன்னை ஒரு பிரபலமாக அடையாளப்படுத்தி சுகேஷ், கைவரிசையை காட்டியுள்ளார் எனக் கூறப்படுகிறது.

தொடர்புடைய செய்திகள்

அருண்விஜய் நடிக்கும் 'பார்டர்' - நவம்பர் 19ல் திரையரங்கில் 'பார்டர்' வெளியீடு

நடிகர் அருண் விஜய் நடிப்பில் உருவாகி உள்ள பார்டர் திரைப்படத்தின் வெளியீட்டு தேதியை படக்குழு அறிவித்துள்ளது.

464 views

கருப்பு சந்தையில் மீட்கப்பட்ட ஆமைகள் - மீண்டும் கடலில் விடப்பட்ட ஆமைகள்

கொலம்பியாவில் கருப்பு சந்தையில் இருந்து மீட்கப்பட்ட 31 ஆமைகள் அதிகாரிகளால் மீண்டும் கடலுக்குள் விடப்பட்டன.

18 views

மின்கலன் கருவிகள் கொள்முதல் திட்டம் - மத்திய அரசு ஒப்புதல்

2030 ஆம் ஆண்டுக்குள் புதுப்பிக்கத்தக்க எரிசக்தி இலக்கை 450 ஜிகாவாட் அளவுக்கு அடைய மத்திய அரசு திட்டமிட்டுள்ளது.

13 views

கால நிலை மாற்றம் தொடர்பான இசை நிகழ்ச்சி - நடனமாடி மகிழ்வித்த க்ரெட்டா தென்பெர்க்

ஸ்வீடன் நாட்டில் நடைபெற்ற கால நிலை மாற்றம் தொடர்பான இசை நிகழ்ச்சியில் சுற்றுச் சூழல் ஆர்வலர் க்ரெட்டா தென்பெர்க் நடனமாடி பார்வையாளர்களுக்கு இன்ப அதிர்ச்சி கொடுத்தார்.

9 views

பிற செய்திகள்

தடுப்பூசி செலுத்தும் பணியில் தொய்வு - ரஷ்யாவில் அதிகரித்த கொரோனா இறப்புகள்

ரஷ்யாவில் கொரோனா தடுப்பூசி செலுத்தும் பணியில் ஏற்பட்ட தொய்வின் காரணமாக இறப்பு எண்ணிக்கை அதிகரித்திருப்பதாகக் குற்ரம் சாட்டப்பட்டுள்ளது.

6 views

கனமழையால் ஏற்பட்ட நிலச்சரிவில் வீடுகள் சேதம் : உயிரிழந்தோரின் உடல்கள் கண்டெடுப்பு

கேரள மாநிலம் இடுக்கியில் ஏற்பட்ட நிலச்சரிவில் சிக்கியவர்களை மீட்கும் பணி மோப்ப நாய் உதவியுடன் தொடர்கிறது.

8 views

பெய்ரூட் வன்முறை - 7 பேர் பலி

பெய்ரூட்டில் நடந்த வன்முறை சம்பவத்திற்கு கிறித்தவ லெபனான் படைகளே காரணம் என்று குற்றம் சாட்டப்பட்ட நிலையில், அதற்கு அக்கட்சியின் தலைவர் மறுப்பு தெரிவித்துள்ளார்.

8 views

சபரிமலை ஐயப்பன் கோவிலில் புதிய மேல் சாந்தி நியமனம்

சபரிமலை ஐயப்பன் கோவிலில் புதிய மேல் சாந்தியாக என்.பரமேஸ்வரன் நம்பூதிரியும், மாளிகை புரம் மேல் சாந்தியாக சம்பு நம்பூதிரியும் தேர்ந்தெடுக்கப்பட்டுள்ளனர்.

12 views

மெட்ரோ ரயில் நிலைய பணி - போக்குவரத்து மாற்றம்

மெட்ரோ ரயில் பணிகளை முன்னிட்டு அயனாவரம்-புரசைவாக்கம் பகுதிகளில் போக்குவரத்து மாற்றம் செய்யப்பட்டுள்ளது.

10 views

பருவமழை முன்னெச்சரிக்கை - முதலமைச்சர் ஸ்டாலின் ஆலோசனை

வடகிழக்கு பருவ மழை முன்னெச்சரிக்கை நடவடிக்கைகள் குறித்து மாவட்ட ஆட்சியர்களுடன் காணொலி காட்சி வாயிலாக முதலமைச்சர் ஸ்டாலின் ஆலோசனை

15 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.