சுற்றுலா தலமாக மாறும் வில்லிவாக்கம் ஏரி - பசுமைப் பூங்கா அமைக்கும் பணிகள் தீவிரம்
பதிவு : ஜூன் 30, 2021, 01:03 PM
சென்னை வில்லிவாக்கம் ஏரியை, பொழுதுபோக்கு அம்சங்களுடன் சுற்றுலா தளமாக மாற்றும் பணிகள் நடைபெற்று வருகின்றன.
சென்னை வில்லிவாக்கம் சிட்கோ நகர் பகுதியில் 39 ஏக்கரில் மிகப்பெரிய ஏரி  உள்ளது. இதில் 27 புள்ளி 5 ஏக்கர் நிலத்தில் 27 கோடி ரூபாய் செலவில் பசுமை பூங்கா அமைக்கும் பணி தீவிரமாக நடைபெற்று வருகிறது.

மீதமுள்ள 11 ஏக்கர் நிலம் சென்னை குடிநீர் வாரியத்தின் கட்டுப்பாட்டில் உள்ளது. அதில் 10 புள்ளி 69 ஏக்கர் நிலம் நீரால் நிரம்பி காணப்படுகிறது. இந்நிலையில் வில்லிவாக்கம் ஏரியை புரனமைத்து சுற்றுலா பயணிகளை கவரும் வகையில் பல்வேறு திட்டபணிகள் அதிவேகத்தில் நடந்து வருகிறது.

குழந்தைகளுக்காக பிரத்யேக விளையாட்டு திடல், படகு போக்குவரத்து, கண்ணாடி மேம்பாலம், திறந்தவெளி திரையரங்குகள், உடற்பயிற்சி நிலையம், ஆவின் பாலகம், குடிநீர் வசதி, பூங்காவிற்குள் அமர இருக்கை வசதி, புட் கோர்ட்,   100 வாகனங்கள் நிறுத்தும் அளவிற்கு வாகன நிறுத்துமிடம், சுற்றிலும் தடுப்பு வேலி, பூங்காவிற்கு வருகை தருவோர் சுத்தமான சுகாதாரமான காற்றை சுவாசிக்க மூலிகை செடிகள், மேலும் மணல் திட்டுகள் அமைக்கப்பட்டு பறவைகள் சரணாலயமாக மாற்றவும் பணிகள் நடந்து வருகின்றன.

சிறப்பம்சமாக, சுற்றுலா பயணிகளை கவரும் வகையில் ஏரியின் மையப்பகுதயில் கண்ணாடி தளத்துடன் சுமார் 250 மீட்டர் நீளத்தில் 12 புள்ளி 5 மீட்டர் உயரத்தில் கண்ணாடி மேம்பாலம் அமைக்கப்படுகிறது. இதில் படிக்கட்டுடன், லிப்ட் வசதியும் உள்ளது குறிப்பிடத்தக்கது. இது சிங்கப்பூரில் உள்ள மேக் ரிச்சி ட்ரி டாப் பிரிட்ஜ் வடிவத்தில் அமைக்கபட இருக்கிறது. தற்போது இந்த பணிகள் முடியும் தருவாயில் உள்ளன. வரும் செப்டம்பர் மாதம் பயன்பாட்டுக்கு வரும் என்று எதிர்பார்க்கபடுகிறது.

வில்லிவாக்கம் ஏரி பசுமை பூங்கா திட்டத்தில், வாகனங்கள் நிறுத்துமிடம், தோட்டம், நீருற்று ஆகியவற்றின் கட்டுமான பணிகள் முடிந்து விட்டன. சிட்கோ நகர் வழியாக ஏரி தீம்பார்க்கிற்கு செல்ல நுழைவு வாயிலும் இங்கு உருவாக்கப்பட்டுள்ளது. வில்லிவாக்கம் ஏரி பசுமை பூங்கா, சென்னைவாசிகளுக்கு மற்றுமொரு சிறந்த பொழுதுபோக்கு மையமாக இருக்கும் என்பதில் மாற்று கருத்து இருக்க முடியாது.

பிற செய்திகள்

மக்களை தேடி மருத்துவம் புதிய திட்டம் : 5 - ந் தேதி துவக்கி வைக்கிறார் முதல்வர்

ஒரு கோடி மக்களுக்கு வீடு தேடி மாத்திரை மருந்துகள் வழங்கும் "மக்களை தேடி மருத்துவம்" எனும் திட்டத்தை முதலமைச்சர் மு.க.ஸ்டாலின் வருகின்ற 5 ம்தேதி கிருஷ்ணகிரியில் துவக்கி வைக்கிறார்.

13 views

தமிழகத்தில் மேலும் 1,756 பேருக்கு கொரோனா

தமிழகத்தில் தினசரி கொரோனா பாதிப்பு தொடர்ந்து குறைந்து வருகிறது.

11 views

ஓபிஎஸ், உதயநிதியின் வெற்றியை எதிர்த்த வழக்கு விசாரணை ஆகஸ்ட் 9ஆம் தேதிக்கு ஒத்தி வைப்பு

அதிமுக ஒருங்கிணைப்பாளர் ஓ. பன்னீர்செல்வம், திமுக இளைஞரணி செயலாளர் உதயநிதி ஸ்டாலின் ஆகியோரின் தேர்தல் வெற்றியை எதிர்த்து தொடரப்பட்ட வழக்குகள் ஆகஸ்ட் 9ஆம் தேதிக்கு ஒத்தி வைக்கப்பட்டுள்ளன.

27 views

குப்பையில் கலெக்டர் அலுவலக அரசு ஆவணங்கள் - அதிர்ச்சி

சிவகங்கையில் மாவட்ட ஆட்சியர் அலுவலகத்தில் இருந்த பல கோப்புகள் குப்பையில் கிடந்த சம்பவம் அதிர்ச்சியை ஏற்படுத்தி உள்ளது.

23 views

சங்கரய்யாவிற்கு 'தகைசால் தமிழர்' விருது - முதலமைச்சர் ஸ்டாலின் அறிவிப்பு

மார்க்சிஸ்ட் கம்யூனிஸ்ட் மூத்த தலைவராந சங்கரய்யாவிற்கு தகைசால் தமிழர் விருது அறிவிக்கப்பட்டுள்ளது.

18 views

ஆகஸ்ட் 9 முதல் ஆன்லைன் வகுப்புகள் - அமைச்சர் பொன்முடி தகவல்

பொறியியல் மற்றும் கலைக் கல்லூரிகளில் முதலாம் ஆண்டு மாணவர்களை தவிர, பிற மாணவர்களுக்கு ஆகஸ்ட் 9 முதல் ஆன்லைன் வகுப்புகள் தொடங்கப்படும் என அமைச்சர் பொன்முடி தெரிவித்தார்.

24 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.