மேற்கு வங்கத்தில் பாஜக அசுரவேக வளர்ச்சி - வலுவான இருப்பை உறுதி செய்த பாஜக
பதிவு : மே 03, 2021, 03:57 AM
மேற்கு வங்கத்தில் மம்தா அரசுக்கு முடிவுரை எழுதிவிட பாஜக மேற்கொண்ட முயற்சி தோல்வியில் முடிந்தாலும்... மாநிலத்தில் தன்னுடைய வலுவான இருப்பை உறுதி செய்திருக்கிறது பாஜக.
மேற்கு வங்கத்தை பொறுத்தவரையில் நீண்ட நெடுங்காலமாக முகவரி இல்லாத ஒரு கட்சியாக இருந்த பாஜக, ஆரம்பத்தில் இன்று பரம எதிரியாக பார்க்கும் திரிணாமுல் காங்கிரசுடன் கூட்டணியில் இருந்தது. இதனால் 1998-ஆம் ஆண்டில் நடைபெற்ற நாடாளுமன்ற தேர்தலில் போட்டியிட்டு ஒரு இடத்தில் வென்ற பாஜக, 1999 தேர்தலில் 11.13 சதவீத வாக்குகளுடன் 2 இடங்களை வசமாக்கியது. ஆனால் 2004-ஆம் ஆண்டு நடைபெற்ற நாடாளுமன்ற தேர்தலிலும், 2006 சட்டசபைத் தேர்தலிலும் பாஜக தோல்வியையே தழுவியது. இதனையடுத்து மம்தா பானர்ஜி கூட்டணியில் இருந்து விலகியதும், கூர்கா ஜன்முக்தி மோர்ச்சாவுடன் 2009 நாடாளுமன்ற தேர்தலை சந்தித்த பாஜக, டார்ஜிலிங் தொகுதியில் வென்றது.  இருப்பினும் கட்சியின் வாக்கு வங்கி 6.14 சதவீதமாக குறைந்தது. 2011 சட்டசபை தேர்தலில் மம்தா பானர்ஜி வெற்றிபெற்று இடதுசாரிகளை ஆட்சியில் இருந்து அகற்றியபோது, பாஜகவின் வாக்கு வங்கி மேலும் 4.1 சதவீதமாக குறைந்தது. ஆனால் மோடி அலையென பாஜக களமிறங்கிய 2014 நாடாளுமன்றத் தேர்தலில் மாநிலத்தில் 42 தொகுதிகளில் 2 தொகுதிகளை கைப்பற்றியதுடன், 17 சதவீத வாக்கு வங்கியை வசமாக்கியது. ஆனால் 2016-ல் நடைபெற்ற சட்டசபைத் தேர்தலில் வெறும் 3 இடங்களில் மட்டுமே வென்றது. வாக்கு வங்கியும் 10.6 சதவீதமாக குறைந்தது. பஞ்சாயத்து அளவில் கட்சியை வளர்க்க தொடங்கிய பாஜக இடதுசாரிகள் வாக்கு வங்கியை குறிவைத்தது. இந்துக்களை குறிவைத்து களம் இறங்கிய பாஜகவுக்கு 2019 நாடாளுமன்ற தேர்தலில்  எதிர்பார்க்காத வகையில் கைமேல் பலனாக 18 இடங்கள் கிடைத்தது. மாநிலத்தில் அசுர வளர்ச்சியை கண்ட பாஜகவின் வாக்கு வங்கியும் 40.64 சதவீதமாக அதிகரித்தது. பாஜகவை பொறுத்தவரையில் 2014 நாடாளுமன்ற தேர்தலில் வெற்றிபெற்று மத்தியில் ஆட்சியில் அமைத்த பாஜக, தொடர்ந்து மாநிலங்களிலும் வெற்றியை வசமாக்கி ஆட்சி அமைத்து வருகிறது. இந்நிலையில் கிழக்கு இந்தியாவில் மேற்கு வங்கத்தை தன்வசப்படும் மாநிலமாக பார்க்கும் பாஜக, வியூகத்துடன் காய் நகர்த்த தொடங்கியது. மாநிலத்தை பொன்னான பூமியாக மாற்றிக்காட்டுவோம் என சூளுரைத்து பாஜக, சட்டமன்ற தேர்தலில் களமிறங்கியது. திரிணாமுல் காங்கிரஸ் தலைவர்களை தன்பக்கம் இழுத்த பாஜக,  இந்துத்துவா கொள்கையுடன் வளர்ச்சியென்ற தங்களுடைய தாரக மந்திரத்தை முதன்மையாக நிறுத்தி பிரசாரம் செய்தது. மாநிலத்தில் எப்படியாவது ஆட்சியை கைப்பற்றி, மம்தா அரசுக்கு முடிவுரை எழுதிவிட வேண்டுமென பாஜக மேற்கொண்ட முயற்சிகள் அனைத்தும் வாக்கு எண்ணிக்கையில் தோல்வியிலே முடிந்தது. மாநிலத்தில் மம்தா ஆட்சியை தக்க வைத்திருக்கும் நிலையில், கடந்த தேர்தலில் 3 இடங்களில் மட்டும் வென்ற பாஜக ஜாக்பாட்டாக இம்முறை 70-க்கும் அதிகமான இடங்கள் கிடைத்துள்ளது. வெற்றிகரமான தோல்வியில், மம்தாவின் கோட்டையில் தன்னுடைய வலுவான இருப்பை உறுதி செய்துள்ள பாஜக அம்மாநில சட்டசபையில் எதிர்க்கட்சியாக அமரும் உச்சத்தை எட்டியுள்ளது. 

தொடர்புடைய செய்திகள்

ஸ்டாலினுக்கு மலேசிய அமைச்சர் வாழ்த்து

தமிழக சட்டப்பேரவை தேர்தலில் மகத்தான வெற்றி பெற்று முதல்வராக பொறுப்பேற்கவுள்ள திமுக தலைவர் ஸ்டாலினுக்கு மனமார்ந்த வாழ்த்துக்கள் என மலேசிய மனிதவள அமைச்சர் டத்தோ சரவணன் கூறியுள்ளார்.

9 views

அசாமில் மீண்டும் ஆட்சியமைக்கிறது பாஜக

அசாம் மாநிலத்தில் எந்த ஆச்சரியங்களுக்கும் இடம் கொடுக்காமல் ஆளுங்கட்சியான பாஜக மீண்டும் வெற்றி பெற்று ஆட்சியமைக்கிறது.

6 views

பிற செய்திகள்

கேரள சட்டமன்ற தேர்தல் - மீண்டும் ஆட்சியை கைப்பற்றினார் பினராயி

கேரளாவில் மீண்டும் ஆட்சியமைக்கிறது இடதுசாரி முன்னணி. தொடர்ந்து 2 வதுமுறையாக ஆட்சியை கைப்பற்றி புதிய சாதனை படைத்துள்ளது.

6 views

அசாமில் மீண்டும் ஆட்சியமைக்கிறது பாஜக

அசாம் மாநிலத்தில் எந்த ஆச்சரியங்களுக்கும் இடம் கொடுக்காமல் ஆளுங்கட்சியான பாஜக மீண்டும் வெற்றி பெற்று ஆட்சியமைக்கிறது.

6 views

கேரளாவில் மீண்டும் ஆட்சியமைக்கிறது இடதுசாரி முன்னணி

கேரளாவில் ஆளும் இடதுசாரி முன்னணி வலுவான பெரும்பான்மையுடன் மீண்டும் ஆட்சியமைக்க உள்ளது.

10 views

மேற்கு வங்கத்தில் திரிணாமுல் காங். வெற்றி - தனிப்பெரும்பான்மையுடன் ஆட்சி

மேற்கு வங்கத்தில் நடைபெற்ற சட்டப்பேரவைத் தேர்தலில் திரிணாமுல் காங்கிரஸ் மீண்டும் வெற்றி பெற்று ஆட்சியை தக்க வைத்துள்ளது.

19 views

மே.வங்க தேர்தலில் திடீர் திருப்பம்: முதல்வர் வேட்பாளர் மம்தா தோல்வி?

மே.வங்க தேர்தலில் திடீர் திருப்பம்: முதல்வர் வேட்பாளர் மம்தா தோல்வி?

570 views

ரஷ்யாவின் ஸ்புட்னிக்-வி கொரோனா தடுப்பூசிகள் ஐதராபாத் வந்தடைந்தன

ரஷ்யாவின் ஸ்புட்னிக்-வி கொரோனா தடுப்பூசிகள் இந்தியா வந்தடைந்து உள்ளன.

139 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.