பேரறிவாளன் விடுதலை விவகாரம் - தமிழக அரசுக்கு உச்சநீதிமன்றம் நோட்டீஸ்

பதிவு : ஏப்ரல் 05, 2021, 05:48 PM

பேரறிவாளன் விடுதலை விவகாரத்தில் தமிழக அரசுக்கு உச்சநீதிமன்றம் நோட்டீஸ் விடுத்துள்ளது.

Facebook

Twitter

Mail

பேரறிவாளன் விடுதலை விவகாரத்தில் சென்னை உயர்நீதிமன்றத்தில் ஆளுநர் தாக்கல் செய்த கடிதத்தின் நகலை பெற்றுத்தரக்கோரி அற்புதம்மாள் தாக்கல் செய்த மனுவில் பதிலளிக்க தமிழக அரசுக்கு உச்சநீதிமன்றம் நோட்டீஸ் விடுத்துள்ளது.உச்சநீதிமன்றத்தில் பேரறிவாளன் தாயார் அற்புதம்மாள் தாக்கல் செய்துள்ள மனுவில், பேரறிவாளன் விடுதலை விவகாரத்தில் எம்.டி.எம்.ஏ விசாரணை முடியும் வரையில் முடிவெடுக்க முடியாது என சென்னை உயர்நீதிமன்றத்தில் தெரிவித்திருக்கும் ஆளுநர்,

உச்சநீதிமன்றத்தில் பேரறிவாளன் தண்டனையை நிறுத்த கோரிய வழக்கில் விடுதலை செய்ய தனக்கு அதிகாரம் இல்லை, ஜனாதிபதிக்குதான் அதிகாரம் உள்ளது எனக் கூறியுள்ளார் எனக் குறிப்பிடப்பட்டுள்ளது.இவ்வாறு மாறுப்பட்ட தகவல்களை ஆளுநர் வழங்கியிருக்கும் நிலையில், சென்னை உயர்நீதிமன்றத்திற்கு அவர் அனுப்பிய கடித நகலை தனக்கு பெற்று தர வேண்டும் என அற்புதம்மாள் கேட்டுக்கொண்டுள்ளார்.இந்த மனு மீதான விசாரணை உச்சநீதிமன்ற நீதிபதி நாகேஸ்வர ராவ் தலைமையிலான அமர்வில் விசாரணைக்கு வந்தபோது, இதுகுறித்து தமிழக அரசு பதிலளிக்க உத்தரவிடப்பட்டது.மேலும் பேரறிவாளன் தன்னுடைய தண்டனையை நிறுத்தி கோரிய வழக்குடன் இணைத்து, அற்புதம்மாள் தொடர்ந்த இவ்வழக்கு விசாரணை தொடரும் என்றும் நீதிமன்றம் உத்தரவிட்டுள்ளது.