பிப்ரவரி மாதத்துக்கு பெருமை சேர்ப்பது காதலர் தினம்... 

வழக்கம்போல், காதலர்களுக்கு கொண்டாட்டம் தரும் காதலர் தினம் சிங்கிள்ஸ்களுக்கு திண்டாத்தை தந்துள்ளது...ஒருபுறம், காதல் மழையில் நனைந்து மகிழ்கிறார்கள், காதல் ஜோடிகள்.... மறுபுறம், வெறுமையின் தகிப்பில் வெந்து புலம்பிக் கொண்டுள்ளார்கள் சிங்கிள்ஸ்கள்...அதுவும் குறிப்பாக, தங்களின் அவலத்தை விவரிக்க வார்த்தைகளே இல்லை என்பது 90's கிட்ஸ்களின் புலம்பல். 80's-சில் பிறந்தவர்கள், கல்யாணம் முடிந்து, குழந்தைகளோடு, குதூகலமாக வாழும் நிலையில்... 2k- வில் பிறந்தவர்களோ, குழந்தைகளுக்குப் பின்னரே கல்யாணம் என்ற பேச்சுக்கே வருவதாக விமர்சனத்தை உருவாக்கியுள்ளது தற்கால சூழல்.ஆனால், இவர்களுக்கு இடைப்பட்ட காலத்தில் பிறந்த, தங்களுக்கு கல்யாணமும் அமையவில்லை.... காதலும் கைகூடவில்லை என்பது 90s கிட்ஸ்களின் புலம்பல்... அவர்கள் கண்ணீர்விடாத குறைதான்.... காதலுக்கு மரியாதை, அலைபாயுதே, மின்னலே உள்ளிட்ட காதல் படங்களை, சலிக்காமல் பார்த்து வளர்ந்தவர்கள் 90's கிட்ஸ்கள்... ஆனால், அவர்களில் பலருக்கு, காதல் என்பது எட்டாக்கனியாகவே ஏமாற்றுகிறது.... தங்களின் காதல் கனவு, கடைசிவரை கனவாகவே போய்விடுமோ, என்பதே பெரும்பாலான 90's கிட்ஸ்களின் ஏகோபித்த கவலை...பள்ளிக் காதல், கல்லூரிக் காதல், அலுவலகக் காதல் என பலதரப்பட்ட தளங்களில் காதலிக்க 90's கிட்ஸ்கள் ஆசைப்பட்டிருக்கிறார்கள். காதலை வெளிப்படுத்தவும் முற்பட்டிருக்கிறார்கள். ஆனால், அவர்களின் காதல் முயற்சி, பெரும்பாலும் தோல்வியையே தழுவுகிறது என்பது அவர்களின் பொதுவான வாதம் எதிர்வீட்டுப் பையன், பக்கத்து வீட்டுப் பையன், டியூசன் செல்லும் சிறுவன் உள்ளிட்டோரை காதல் தூதுவராகப் பயன்படுத்தி, தோல்வி அடைந்தவர்கள் 90's கிட்ஸ்கள் என்பது பொதுவாக முன்வைக்கப்படும் கிண்டல்...கடைசி வரை ஒருதலைபட்சமாக காதலித்து பரிதவித்த 90's கிட்ஸ்களே ஏராளம் என சொல்லப்படுவதும் உண்டு... காதலுக்கும் 90's கிட்ஸ்களுக்கும் ஏணி வைத்தாலும் எட்டாது என்பது வரலாறாகிவரும் நிலையில், காதல்தான் வரவில்லை... சரி... மீம்ஸ்தான் வருகிறதே என்று, தங்கள் மீது எய்யப்படாத காதல் அம்புகளுக்கு, மீம்ஸ்களை கேடயமாக்கி தற்காத்துக் கொள்கின்றனர்.இந்த ஆண்டும், கலகலப்பான மீம்ஸ்கள் மூலம், தங்களை காதலர் தினத்தில் ஆசுவாசப்படுத்தி வருகின்றனர் 90's கிட்ஸ்....காதலர் தினத்தை பகடி செய்தும், காதல் கைகூடவில்லையே என்று ஆதங்கப்பட்டும், சமூக வலைதளங்களில், மீம்ஸ் மழை பொழிந்து வரும் 90's கிட்ஸ்களுக்கு, அடுத்தடுத்த ஆண்டுகளிலாவது காதல் கைகூடுமா?... காலம்தான் பதில் சொல்ல வேண்டும்.....