டிக் டாக் மோகத்தால் வாழ்க்கையை தொலைத்த சிறுமி - 16 வயதில் திருமணம் செய்து கொண்ட சோகம்
பதிவு : அக்டோபர் 16, 2020, 10:32 AM
டிக் டாக்கில் அறிமுகமான இளைஞருடன் காதல், அவசர கதியில் திருமணம், அதே வேகத்தில் கருக்கலைப்பு என திசைமாறிய ஒரு சிறுமி இன்று தன் வாழ்க்கையை தொலைத்து விட்டு நிற்கும் சோகத்தை பற்றி விவரிக்கிறது இந்த செய்தித் தொகுப்பு…
ராணிப்பேட்டை மாவட்டம்  செங்காடு பகுதியை சேர்ந்தவர் சாந்தகுமார். 19 வயதான இவர் எலெக்ட்ரீஷியனாக வேலை பார்த்து வருகிறார். வேலை நேரத்தை விட டிக் டாக் தான் இவரின் பிரதான பொழுது போக்காக இருந்தது அப்போது. அப்படி ஏராளமான வீடியோக்களை பதிவு செய்து ஏகப்பட்ட ரசிகைகளை கவர்ந்து இழுத்துள்ளார் இந்த சாந்தகுமார். 

அப்படி இவரின் வீடியோவை பார்த்து அறிமுகமானவர் தான் சென்னையை சேர்ந்த 16 வயது சிறுமி. வில்லிவாக்கத்தை சேர்ந்த அந்த சிறுமி சாந்தகுமாருடன் ஆரம்பத்தில் நட்பாக பழகி, நாளடைவில் காதலாக மாறியது. பழகிய சில நாட்களிலேயே திருமணம் பற்றி பேசும் அளவுக்கு இருவரும் நெருக்கமாகவே, ஆசை வார்த்தை கூறி சிறுமியை வீட்டை விட்டு வரவைத்துள்ளார் சாந்தகுமார். காதலனின் வாக்கே வேதம் என கருதிய அந்த அறியாப் பெண்ணும், வீட்டை விட்டு வெளியேறி காதலனை தேடி ராணிப்பேட்டைக்கு வந்துள்ளார். சாந்தகுமாரின் பெற்றோரின் தலைமையில் இருவருக்கும் திருமணம் நடந்ததோடு, அகரவரம் மலைமேடு கிராமத்தில் இருவரும் தனியாக வசித்து வந்துள்ளனர். திருமணமான சில மாதங்களிலேயே சிறுமி கர்ப்பமடையவே, குழந்தை இருப்பதை காரணம் காட்டினால் தன் பெற்றோர் ஒத்துக் கொள்வார்கள் என நினைத்த அந்த சிறுமி தன் பெற்றோர் பற்றி கணவனிடம் கூறியுள்ளார்.

ஆனால் சிறுமி வேறு சமூகத்தைச் சார்ந்தவர் என அப்போதுதான் அறிந்தது போல பேசிய சாந்தகுமார்,   உன்னுடன் வாழ விருப்பமில்லை என கூறியதோடு, சிறுமியை மருத்துவமனைக்கு அழைத்துச் சென்று வலுக்கட்டாயமாக கருக்கலைப்பும் செய்துள்ளார். நடந்த இந்த சம்பவங்களுக்கு எல்லாம் சாந்தகுமாரின் தாய் வளர்மதி, சித்தி செந்தாமரை, மாமா செல்வராஜ் ஆகியோர் உடந்தையாக இருந்துள்ளனர். இதற்கெல்லாம் உச்சமாக போலி மருத்துவரான பாட்சா பாய் என்பவரிடம் சிறுமியை அழைத்துச் சென்று கருக்கலைப்பு செய்ததும் அதிர்ச்சியை ஏற்படுத்தியது. கருவை கலைத்ததால் உடல் நலம் பாதிக்கப்பட்ட சிறுமி, கணவன் வீட்டில் இருந்தும் அன்பு கிடைக்காததால் கடைசியில் சைல்டு லைன் நம்பருக்கு போன் செய்து நடந்ததை கூறியுள்ளார்.

இதையடுத்து விசாரணை நடத்திய சமூக  நலத்துறை அதிகாரிகள், ராணிப்பேட்டை காவல் நிலையத்தில் புகார் அளித்தனர். பின்னர் சிறுமியின் கணவரான சாந்தகுமார், மாமியார் வளர்மதி, கருக்கலைப்பு செய்த மருத்துவர் உட்பட 5 பேர் மீது போக்சோ சட்டத்தில் போலீசார் வழக்கு பதிவு செய்து கைது செய்தனர்.

டிக் டாக் தடை செய்யப்பட்டுள்ள நிலையிலும், அதனால் ஏற்பட்ட பாதிப்புகள் நீடிப்பது அச்சத்தை ஏற்படுத்தி உள்ளது.

முன் பின் அறிமுகமில்லாத ஒருவருடன் பழகி தன் வாழ்க்கையை தொலைத்து நிற்கும் இந்த சிறுமியின் வாழ்க்கை இவரைப் போல இணையத்தில் மூழ்கி இருப்போருக்கு ஒரு படிப்பினையும் கூட....

தொடர்புடைய செய்திகள்

"சமூகத்தில் பெண்களுக்கு பாதுகாப்பு வேண்டும்" - நடிகை ராஷ்மிகா

தமிழில் சுல்தான் படத்தில் கார்த்தி ஜோடியாக நடிக்கும் ராஷ்மிகா மந்தனா, சமீபத்தில் அளித்த பேட்டியில், ஒருவரின் அழகு தன்னம்பிக்கையில் தான் தெரியும் என கூறியுள்ளார்.

606 views

பட்டாசு ஆலையில் வெடி விபத்து - 3 பெண்கள் உள்பட 5 பேர் பலி

மதுரை மாவட்டத்தில் பட்டாசு ஆலையில் ஏற்பட்ட வெடி விபத்தில் 5 பேர் பரிதாபமாக உயிரிழந்தனர்.

102 views

தேவாலயத்தில் 3 பேர் கத்தியால் குத்தி கொடூர கொலை - பிரான்சில் அதிகரிக்கும் கொலையால் மக்கள் அச்சம்

பிரான்சில் உள்ள தேவாலயம் ஒன்றில் 3 பேர் கத்தியால் குத்தி கொடூரமாக கொலை செய்யப்பட்டு உள்ளனர்.

22 views

மதுரை எய்ம்ஸ் உறுப்பினர் நியமனத்துக்கு எதிர்ப்பு

மதுரை எய்ம்ஸ் உறுப்பினர் நியமனத்தை எதிர்த்து இளைஞர் காங்கிரஸ் தொண்டர்கள் உருவ பொம்மை எரிப்பு போராட்டம் நடத்தினர்.

19 views

பிற செய்திகள்

ஆன்லைன் சூதாட்டங்களை தடை செய்ய வேண்டும் - ராமதாஸ்

ஆன்லைன் சூதாட்டத்துக்கு அடிமையாகி தற்கொலை செய்து கொள்வது தொடர்கதையாகி வருவது மிகுந்த அதிர்ச்சி அளிப்பதாக பாமக நிறுவனர் ராமதாஸ் தெரிவித்துள்ளார்.

9 views

சட்ட விரோதமாக மதுவிற்பனை - 3 பேர் கைது

திண்டுக்கல் மாவட்டம், செம்பட்டி பகுதியில் சட்டவிரோதமாக மதுபாட்டில்களை விற்பனை செய்த 3 பேரை போலீசார் கைது செய்தனர்.

10 views

மலை கிராமங்களில் காட்டு யானைகள் அட்டகாசம்

கொடைக்கானல் கீழ்மலை பகுதிகளான அஞ்சுவீடு, பேத்துப்பாறை ,கேசி.பட்டி , பாச்சலூர் உள்ளிட்ட கிராமங்களில் வசிக்கும் மக்கள் விவசாயத்தை பிரதான தொழிலாக செய்து வருகின்றனர்.

108 views

கமல்ஹாசனின் பிறந்த நாளை முன்னிட்டு, தமிழக மக்கள் நேசிக்கும் அடுத்த முதல்வர் என பேனர் வைப்பு

கமல்ஹாசனின் பிறந்த நாளை முன்னிட்டு அவரது அலுவலகத்தில் தமிழக மக்கள் நேசிக்கும் அடுத்த முதல்வர் என பேனர் வைக்கப்பட்டுள்ளது. மக்கள் நீதி மய்யம் கட்சித்தலைவரும் நடிகருமான கமல்ஹாசன் வரும் 7ம் தேதி தனது பிறந்த நாளை கொண்டாட உள்ளார்

204 views

"அமைச்சர் துரைகண்ணு மிகவும் கவலைக்கிடம்" - மருத்துவமனை நிர்வாகம் அறிக்கை வெளியீடு

கொரோனா பாதிப்புக்கு சிகிச்சை பெற்று வரும் அமைச்சர் துரைகண்ணு, மிகவும் கவலைக்கிடமாக இருப்பதாக மருத்துவமனை தரப்பில் அறிக்கை வெளியாகி உள்ளது.

50 views

ஆன்லைன் ரம்மி விளையாட்டில் நஷ்டம் - 28 வயது இளைஞர் தூக்கிட்டு தற்கொலை

கோவையில் ஆன்லைன் ரம்மி விளையாட்டில் ஏற்பட்ட நஷ்டத்தால் இளைஞர் ஒருவர் தூக்கிட்டு தற்கொலை செய்து கொண்ட சம்பவம் சோகத்தை ஏற்படுத்தி உள்ளது.

192 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.