சூர்யா-ஜோதிகா வழியில் கார்த்தி - OTT-யில் வெளியாகிறது 'சுல்தான்' ?
பதிவு : அக்டோபர் 09, 2020, 09:51 AM
சூர்யாவின் சூரரைப் போற்று திரைப்படம் இம்மாத இறுதியில் OTT-யில் வெளியாக உள்ள நிலையில், கார்த்தியின் சுல்தான் திரைப்படமும் OTT-யில் வெளியாகுமா என்று கோலிவுட் வட்டாரத்தில் பேசப்படுகிறது.
சூர்யா - சுதா கொங்கரா கூட்டணியில் உருவாகியுள்ள சூரரைப்போற்று திரைப்படம் இந்த ஆண்டு அதிக எதிர்பார்ப்பை ஏற்படுத்தியிருந்த படங்களில் முக்கியமான படமாக இருந்தது. சிங்கம் 2 படத்திற்கு பிறகு வசூல் ரீதியாக மிகப்பெரிய வெற்றிப்படமாக சூர்யாவுக்கு இந்த படம் அமையும் என ரசிகர்கள் ஆவலுடன் காத்துக்கொண்டிருந்தனர். ஆனால் கொரோனா பரவல் காரணமாக திரையரங்குகள் மூடப்பட்டதால் கோடை விடுமுறையில் வெளியாக வேண்டிய இப்படத்தின் ரிலீஸ் தள்ளிப்போனது. 

இந்நிலையில், சூரரைப்போற்று OTT-யில் வெளியாகும் என அதிரடி அறிவிப்பை வெளியிட்டார் சூர்யா. சூர்யாவின் இந்த முடிவு , திரையரங்க உரிமையாளர்கள் மத்தியில் மட்டுமின்றி படத்தை பெரிய திரையில் கொண்டாட்டங்களுடன் காண காத்திருந்த ரசிகர்கள் மத்தியிலும் அதிருப்தியை ஏற்படுத்தியது.

ஆனால், ஒரு தயாரிப்பாளராக இந்த முடிவுக்கு தான் தள்ளப்பட்டுள்ளதாகவும், இந்த படத்தின் மூலமாக கிடைத்த வருவாயில் 5 கோடி ரூபாயை பொதுமக்கள் , திரையுலகை சேர்ந்தவர்கள் உட்பட கொரோனா யுத்த களத்தில் முன்நின்று பணியாற்றியவர்களுக்கு பகிர்ந்தளிக்கப்படும் என அறிவித்ததையடுத்து ரசிகர்கள் வரவேற்பு தெரிவித்தனர்.

இந்நிலையில் ரெமோ பட இயக்குனர் பாக்கியராஜ் கண்ணன் இயக்கும் சுல்தான் படத்தில் கார்த்தி கதாநாயகனாக நடித்து வந்தார்.  இந்த படம் மூலம் இன்கேம் இன்கேம் காவாலி புகழ் ரஷ்மிகா, தமிழ் சினிமாவில் அறிமுகமாகிறார். கடந்த ஆகஸ்டு மாதமே படத்தின் 90 சதவீத பணிகள் முடிவடைந்து விட்டதாக அறிவிக்கப்பட்டது. 

இதை தொடர்ந்து தற்போது ஒரு புதிய தகவலை வெளியிட்டுள்ளது தயாரிப்பு நிறுவனம். குடும்பங்கள் கொண்டாடும் மிகப்பெரிய பொழுதுபோக்கு படமாக சுல்தான் இருக்கும் எனவும் பண்டிகை நாளில் படத்தை வெளியிட எதிர்நோக்கி காத்திருப்பதாகவும் தயாரிப்பாளர் எஸ்.ஆர்.பிரபு ட்வீட் செய்துள்ளார்.

தற்போதைய சூழலில் தீபாவளிக்கு திரையரங்குகள் திறக்கப்படுவது சாத்தியமா என சந்தேகம் இருப்பதால், சூரரைப் போற்று படத்தை போல் சுல்தானும் OTT-யில் வெளியாக போகிறதா என்ற பேச்சு எழுந்துள்ளது. 

முன்னதாக ஜோதிகாவின் பொன்மகள் வந்தாள் திரைப்படம் OTT-யில் வெளியான போது இனி சூர்யாவின் 2டி நிறுவனம் தயாரிக்கும் படங்களும் சூர்யாவின் படங்களும் திரையரங்குகளில் வெளியிடப்படாது என திரையரங்க உரிமையாளர்கள் அறிவித்திருந்தனர். 

தற்போது சுல்தான் OTT-யில் வெளியாகும் என அறிவிப்பு வந்தால், திரையரங்க உரிமையாளர்களின் எதிர்வினை எப்படி இருக்கும் என்று கோலிவுட் வட்டாரத்தில் பரபரப்பு உருவாகியுள்ளது.

பிற செய்திகள்

ஏ.ஆர்.ரஹ்மான் இசையில் பாடியுள்ள தனுஷ் - ரசிகர்கள் ஆசையை நிறைவேற்றிய ரஹ்மான்

நடிகராக மட்டுமல்லாமல் பாடகராகவும் ஜொலித்து வரும் தனுஷ் முதன்முறையாக ஏ.ஆர்.ரஹ்மான் இசையில் பாடியுள்ளார்.

28 views

கருப்பு உடையில் கலக்கும் சிம்பு - கொண்டாட்டத்தில் சிம்பு ரசிகர்கள்

கொரோனா காலத்தில் கடும் முயற்சியால் உடல் எடையை குறைத்துள்ள சிம்புவின் புதிய புகைப்படங்கள் சமூக வலைதளங்களில் வைரலாக பரவி வருகின்றன.

116 views

பாடகியான ஏ.ஆர்.ரஹ்மானின் மகள் - இணையதளத்தில் வேகமாக பரவும் பரிஸ்டான் பாடல்

இசையமைப்பாளர் ஏ.ஆர்.ரஹ்மானின் மகள் கஜிதா ரஹ்மான் பாடிய பாடல் இணையதளத்தில் வேகமாக பரவி வருகிறது.

2811 views

5 மொழிகளில் சிம்புவின் 'ஈஸ்வரன்' - 20 கிலோ எடையை குறைத்த சிம்பு

சுசீந்திரன் இயக்கத்தில், நடிகர் சிம்பு நடித்து வரும் ஈஸ்வரன் திரைப்படம் 5 மொழிகளில் வெளியாக உள்ளது.

736 views

அருண் மாதேஸ்வரன் இயக்கத்தில் நடிக்கும் தனுஷ்? - விரைவில் அதிகாரப்பூர்வ அறிவிப்பு

இயக்குனர் அருண் மாதேஸ்வரன் இயக்கத்தில் நடிகர் தனுஷ் நடிக்க உள்ளதாக தகவல் வெளியாகியுள்ளது.

285 views

"இந்தியாவின் மிக அழகிய பெண் தீபிகா படுகோனே" - ஜப்பான் நிறுவனம் நடத்திய ஆய்வில் தகவல்

"இந்தியாவின் மிக அழகிய பெண் தீபிகா படுகோனே" எனவும் "மிகவும் மதிப்புக்குரியவர் அக்‌ஷய் குமார்"எனவும் "மதிப்பிற்குரிய பிரபலம் அமிதாப் பச்சன்" எனவும் ஜப்பான் நிறுவனம் நடத்திய ஆய்வில் தகவல்

1599 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.