மாவட்டங்களுக்கு இடையே பேருந்து சேவை தொடக்கம்
பதிவு : செப்டம்பர் 07, 2020, 11:40 AM
தமிழகத்தில் மாவட்டங்களுக்கு இடையேயான பேருந்து போக்குவரத்து இன்று தொடங்கி உள்ள நிலையில் முதல் கட்டமாக சென்னையில் இருந்து வெளியூர்களுக்கு 400 பேருந்துகள் இயக்கப்பட்டன.
தமிழகத்தில் மாவட்டங்களுக்கு இடையேயான பேருந்து போக்குவரத்து இன்று தொடங்கி உள்ள நிலையில், முதல் கட்டமாக சென்னையில் இருந்து 
வெளியூர்களுக்கு 400 பேருந்துகள் இயக்கப்பட்டன. முன்பதிவு செய்த பயணிகளுக்கு மட்டும், பேருந்து நிலையத்தில் அனுமதி அளிக்கப்பட்டது.  ஒரு பேருந்தில் 26 முதல் 32 பயணிகள் வரை மட்டுமே பயணிக்க அனுமதிக்கப்படுகின்றனர்.

ரயில் போக்குவரத்து - பயணிகள் ஆர்வம்

இன்று முதல் தமிழகத்தில் ரயில் சேவை தொடங்கி உள்ள நிலையில், பயணிகள் அதிக ஆர்வத்துடன் அதில், பயணம் செய்தனர். முதற்கட்டமாக 13 சிறப்பு ரயில்கள் இயக்கப்பட்டு வருகின்றன. முன்பதிவு செய்த பயணிகள் காலையிலேயே ரயில் நிலையத்தில் திரண்டனர். சென்னை சென்ட்ரல் ரயில் நிலையத்தில், தீவிர பரிசோதனைக்கு பிறகே பயணிகள் அனுமதிக்கப்பட்டனர். இன்று காலை 6.10 மணிக்கு சென்னை சென்ட்ரலில் இருந்து  கோவைக்கு சிறப்பு ரயில் புறப்பட்டுச் சென்றது.

மதுரையில் இருந்து வெளியூர்களுக்கு ஏராளமான பேருந்துகள் இயக்கம்

மாவட்டங்களுக்கு இடையே பேருந்து சேவை இன்று தொடங்கி உள்ள நிலையில், மதுரையில் இருந்து ஏராளமான பேருந்துகள் வெளியூர்களுக்கு இயக்கப்பட்டன. முதற்கட்டமாக மதுரையில் இருந்து நெல்லைக்கு பேருந்துகள் ஓடத் தொடங்கின.
இதையொட்டி, அதிகாலையில் இருந்தே பயணிகள் பேருந்து நிலையங்களில் திரண்டனர். 

கோவையில் இருந்து சென்னைக்கு 374 பயணிகளுடன் புறப்பட்ட ரயில்

கொரோனா அச்சம் காரணமாக பல மாதங்களுக்கு பிறகு ரயில்கள் இன்று இயக்கப்பட்டு வருகின்றன. தொழில் நகரமான கோவையில் இருந்து சென்னைக்கு காலை 6.10 மணி அளவில் சிறப்பு ரயில் புறப்பட்டது. முன்பதிவு செய்திருந்த 374 பயணிகள் அதில் பயணம் செய்தனர். முன்னதாக, ரயில் நிலையத்திற்கு வந்த பயணிகள் அனைவருக்கும் உடல் வெப்ப பரிசோதனை செய்யப்பட்டது.

நெல்லையில் இருந்து வெளி மாவட்டங்களுக்கு பேருந்து இயக்கம்

நெல்லையில் இருந்து தூத்துக்குடி, தென்காசி, கன்னியாகுமரி, மதுரை ஆகிய மாவட்டங்களுக்கு பேருந்துகள் இயக்கப்பட்டது. மேலும் கோவை, திருச்சி, சென்னை உள்ளிட்ட அதிக தூரம் செல்லக் கூடிய விரைவு பேருந்துகளும் சேவையை தொடங்கி உள்ளன. பேருந்துகளில் சமூக இடைவெளியை கடைபிடித்து இருக்கைகளில் பயணிகள் அனுமதிக்கப்பட்டனர். 

சென்னையில் மெட்ரோ ரயில் சேவை தொடங்கியது

சென்னையில் மெட்ரோ  ரயில் சேவை இன்று முதல் தொடங்கி உள்ளது. விமான நிலையம் முதல் வண்ணாரப்பேட்டை வழித்தடத்தில் இயக்கப்பட்ட முதல் ரயில் சேவையை அமைச்சர் எம்.சி.சம்பத் தொடங்கி வைத்தார். பயணிகள் அனைவரும் உடல்வெப்ப பரிசோதனைக்கு பிறகு அனுமதிக்கப்பட்டனர். சமூக இடைவெளியை கடைபிடிக்கும் வகையில் மெட்ரோ ரயில் இருக்கைகளில் ஸ்டிக்கர்கள் ஒட்டப்பட்டிருந்தன. ஒரு ரயிலில் 200 பேர் மட்டுமே பயணிக்க அனுமதி அளிக்கப்பட்டது.

விழுப்புரம் கோட்டத்தில் 2 ஆயிரம் பேருந்துகள் இயக்கம்

விழுப்புரத்தில் இருந்து வெளி மாவட்டங்களுக்கு பேருந்து சேவை தொடங்கியது. விழுப்புரம் கோட்டத்தில் இன்று முதல் மாவட்டங்களுக்கிடையே 2 ஆயிரம் அரசு பேருந்துகள் இயக்கப்பட்டு வருகின்றன. விழுப்புரம் மண்டலத்திற்கு உட்பட்ட விழுப்புரம், கள்ளக்குறிச்சி ஆகிய 2 மாவட்டங்களில் 147 நகர பஸ்கள், 255 புறநகர பஸ்கள் என மொத்தம் 402 பஸ்கள் இயக்கப்படுகின்றன. 

தமிழகத்தில் இருந்து வெளி மாநிலங்களுக்கு சிறப்பு ரயில்கள்

தமிழகத்தில் இருந்து வெளி மாநிலங்களுக்கு சிறப்பு ரயில்கள் அறிவிக்கப்பட்டுள்ளன. அதன்படி, வரும் 12ஆம் தேதி முதல் சென்னை சென்ட்ரல் - டெல்லி, சென்னை சென்ட்ரல் - சாப்ரா இடையே இருமார்க்கத்திலும் ரயில்கள் இயக்கப்படும். வரும் 15ஆம் தேதி முதல் திருச்சி-ஹவுரா  இடையே இருமார்க்கத்திலும் சிறப்பு ரயில் இயக்கப்பட உள்ளது. இந்த ரயில்களுக்கான டிக்கெட் முன்பதிவு வரும் 10ஆம் தேதி காலை 8 மணிக்கு தொடங்குகிறது. 

மதுரையில் இருந்து சென்னைக்கு ரயில் இயக்கம்

மதுரையில் இருந்து சென்னைக்கு இன்று காலை சிறப்பு ரயில் புறப்பட்டது. வைகை எக்ஸ்பிரஸ் ரயில் புறப்படும் நேரம் மற்றும் வழித்தடத்தில் இந்த ரயில் இயக்கப்படுகிறது. அதில், இன்று சுமார் 700 பயணிகள் பயணம் செய்தனர். முன்னதாக, ரயில் நிலையத்தில் கொரோனா தடுப்பு வழிமுறைகள் கண்டிப்பாக பின்பற்றப்பட்டு பயணிகள் அனுமதிக்கப்பட்டனர். 

களைகட்டிய திருச்சி பேருந்து நிலையம்

திருச்சியில் இருந்து வெளி மாவட்டங்களுக்கு அரசு பேருந்துகள் இயக்கப்பட்டன. மதுரை, தஞ்சாவூர், விழுப்புரம் உள்ளிட்ட மாவட்டங்களுக்கு செல்லும் பேருந்துகள் மற்றும் நெடுந்தூரம் செல்லும் விரைவு பேருந்துகளும் இயக்கத்திற்கு வந்தன. பேருந்துகள் சேவை மீண்டும் தொடங்​கி உள்ளதால், திருச்சி பஸ் நிலையம் களைகட்டி உள்ளது.

தொடர்புடைய செய்திகள்

"படப்பிடிப்புகள் நடத்த அனுமதி வழங்க வேண்டும்"- அரசுக்கு கோரிக்கை விடுத்த ஆர்.கே.செல்வமணி

தமிழகத்தில் சினிமா படப்பிடிப்புகள் நடத்த அரசு அனுமதி அளிக்க வேண்டும் என தென்னிந்திய திரைப்பட தொழிலாளர்கள் சம்மேளனத்தின் தலைவர் ஆர்.கே.செல்வமணி தெரிவித்தார்.

391 views

வைகை அணையில் தண்ணீர் திறப்பு- துணை முதல்வர் ஓ.பன்னீர்செல்வம் திறந்து வைத்தார்

தேனி மாவட்டத்தில் கடந்த சில வாரங்களாக பெய்த தென்மேற்கு பருவமழையின் காரணமாக 71 அடி உயரம் கொண்ட வைகை அணையின் நீர்மட்டம் 59 அடியாக உயர்ந்துள்ளது.

316 views

ராஃபி பருவ பயிர்களுக்கான குறைந்தபட்ச ஆதார விலை உயர்வு - மத்திய அமைச்சரவை ஒப்புதல்

ராஃபி பருவ பயிர்களுக்கான குறைந்தபட்ச ஆதார விலையை உயர்த்த மத்திய அமைச்சரவை ஒப்புதல் அளித்துள்ளதாக, மக்களவையில் வேளாண்துறை அமைச்சர் நரேந்திர சிங் தோமர் தெரிவித்தார்.

74 views

வேளாண் மசோதாவை திரும்ப பெறக்கோரி போராட்டம் - மசோதா நகல் எரிப்பு-நூற்றுக்கும் மேற்பட்டோர் கைது

வேளாண் மசோதாவை திரும்ப பெற கோரி சென்னையில் மே 17 இயக்கம் , தந்தை பெரியார் திராவிடர் கழகம் உள்ளிட்ட பல்வேறு அமைப்புகள் சார்பாக சென்னை நுங்கம்பாக்கத்தில் உள்ள சாஸ்திரி பவனை முற்றுகையிடும் போராட்டம் நடைபெற்றது,.

19 views

பிற செய்திகள்

அகமதாபாத்தில் உள்ள தமிழ் பள்ளி மூடப்பட்டதற்கு எதிர்ப்பு - முதலமைச்சர் பழனிசாமி கடிதம்

குஜராத் மாநிலம் அகமதாபாத்தில் உள்ள தமிழ் பள்ளி மூடப்பட்டதற்கு தமது எதிர்ப்பை முதல்வர் எடப்பாடி பழனிசாமி தெரிவித்துள்ளார்.

0 views

பத்மஸ்ரீ டாக்டர் சிவந்தி ஆதித்தனார் பிறந்தநாள் - அரசு சார்பில் அமைச்சர் கடம்பூர் ராஜூ மரியாதை

பத்மஸ்ரீ டாக்டர் பா.சிவந்தி ஆதித்தனாரின் 85ஆவது பிறந்தநாள் விழா அரசு சார்பில் கொண்டாடப்பட்டது.

0 views

பேரறிவாளனுக்கு 30 நாட்கள் பரோல் - ஒரு வாரத்தில் வழங்க உயர்நீதிமன்றம் உத்தரவு

ராஜீவ் கொலை வழக்கில் சிறை தண்டனை அனுபவித்து வரும், பேரறிவாளனுக்கு 30 நாட்கள் பரோல் வழங்க சென்னை உயர்நீதிமன்றம் உத்தரவிட்டுள்ளது.

4 views

விடுதலை தேதி விவரங்களை - 3-வது நபர் யாருக்கும் கொடுக்கக் கூடாது - சசிகலா தரப்பு

ஆர்டிஐ சட்டத்தின் கீழ், தன்னை பற்றிய தகவல்களை மூன்றாவது நபருக்கு வழங்கக் கூடாது என சசிகலா ஆட்சேபனை தெரிவித்துள்ளார்.

8 views

தமிழகத்தில் உள் மாவட்டங்களில் இடியுடன் கூடிய மழை பெய்யும் - வானிலை மையம்

வெப்பச்சலனம் காரணமாக, அடுத்த 24 மணி நேரத்தில் தென் தமிழகம், காரைக்கால் மற்றும் உள் மாவட்டங்களில் ஒரு சில இடங்களில் இடியுடன் கூடிய லேசானது முதல் மிதமான மழை பெய்யும் என, சென்னை வானிலை மையம் தெரிவித்துள்ளது.

4 views

ஆசிரியர் பயிற்சி மாணவிகள் இரண்டாவது நாளாக ஆர்ப்பாட்டம் - தேர்வை புறக்கணித்து ஆர்ப்பாட்டம் நடத்தியதால் பரபரப்பு

ஆசிரியர் பயிற்சி மாணவர்களுக்கான தேர்வுகள் நேரடி முறையில் 21 ஆம் தேதி முதல் நடந்து வருகின்றன,.

6 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.