பொருளாதார ஊக்குவிப்பு திட்டமாக ,வங்கிக் கடன் வாடிக்கையாளர்கள் கடன் தவணையை 3 மாதங்கள் ஒத்தி வைக்கலாம் என்கிற அறிவிப்பை ரிசர்வ் வங்கி வெளியிட்டது. இந்த அறிவிப்பை எந்த வங்கிகளும் கடை பிடிக்காத  நிலையில் மக்கள் மத்தியில் குழப்பம் ஏற்பட்டது. ஏற்றுக்கொண்ட வங்கிகளும் வட்டியை  கணக்கிட்டு வசூலிப்பதால்,கடன் வாங்கியுள்ள வாடிக்கையாளர்களுக்கு கூடுதல் நிதிச் சுமை ஏற்பட்டுள்ளது. இந்த நிலையில் நிதியமைச்சர் நிர்மலா சீதாராமன், அடுத்தடுத்து வெளியிட்டுள்ள பொருளாதார ஊக்குவிப்பு கடன் திட்டங்களை  வங்கிகள் எப்படி செயல்படுத்தும் என்பது கேள்விக்குறியாக உள்ளதாக வங்கியாளர்கள் தெரிவிக்கின்றனர். ஏற்கெனவே வாராக்கடனில் வங்கிகள் தத்தளித்து வரும் நிலையில்,அரசின் நிதித் திட்டங்களை செயல்படுத்த போதுமான நிதி ஒதுக்கீடுகள் குறித்து குழப்பம் உள்ளதாக கூறப்படுகிறது. இதற்கிடையே, திவால் நிதி மோசடி சட்ட நடவடிக்கையில் இருந்து ஒரு ஆண்டுக்கு விலக்கு அளிக்க முடிவு செய்யப்பட்டுள்ளதால்,வாராக்கடன் அதிகரித்தால் ஒரு ஆண்டுக்கு நடவடிக்கை எடுக்க முடியாத நிலை ஏற்படும் என்றும் கூறுகின்றனர். இதனால், வங்கிகள் கடன் வழங்குவதில் தயக்கம் காட்டும் என்றும், அல்லது கடன் வாங்கி கட்டாமல் விட்டால் வாராக்கடன் உயரும் அபாயம் உள்ளதாக கூறப்படுகிறது. நிதியமைச்சரின் பொருளாதாரத்தை ஊக்குவிப்பு திட்டங்களால் அதிக நெருக்கடி ஏற்பட்டுள்ளதாக வங்கி அதிகாரிகளின் புலம்பத் தொடங்கி உள்ளனர்.