கணவனை அடித்துக் கொன்று எரித்த மனைவி - 9 மாதங்களுக்கு பிறகு துப்பு துலங்கிய சம்பவம்
பதிவு : மே 15, 2020, 03:09 PM
கடலூர் அருகே ஒரு கொலை வழக்கு 9 மாதங்களுக்கு பிறகு துப்பு துலங்கப்பட்டு கொலையாளிகள் கைது செய்யப்பட்டுள்ளனர்.
கடலூர் மாவட்டம் விருத்தாச்சலம் அருகே மேற்கிருப்பு கிராமத்தில் உள்ள முந்திரி தோப்பில் கடந்த ஆண்டு ஜூலை மாதம் ஆண் சடலம் எரிந்த நிலையில் கிடந்தது. சடலத்தை கைப்பற்றி விசாரித்த போது அவர் கடலூர் மாவட்டம் ராமாபுரத்தை சேர்ந்த ஸ்ரீதரன் என்பது தெரியவந்தது. 

இவர் எதற்காக கொலை செய்யப்பட்டார்? தற்கொலையாக இருக்குமோ? என குழப்பம் ஏற்பட்டதால் வழக்கும் நிலுவையில் இருந்தது. ஆனால் ஸ்ரீதரனின் மனைவி சுதாவின் செல்போன் போலீசார் எண்ணை ரகசியமாக கண்காணித்ததில் அதே ஊரை சேர்ந்த சிவராஜ் என்பவருடன் கடந்த 6 மாதங்களில் 3 ஆயிரம் அழைப்புகளுக்கு மேல் பேசியது தெரியவந்தது. 

யார் இந்த சிவராஜ் என போலீசார் விசாரணையை தீவிரப்படுத்திய போது தான் திடுக்கிடும் உண்மையும் வெளியானது. சுதாவும் சிவராஜூம் கள்ளக்காதலர்கள் என்பதும், இந்த உறவுக்கு கணவர் ஸ்ரீதரன் இடையூறாக இருந்ததால் அவரை அடித்துக் கொன்று எரித்ததும் தெரியவந்தது. 

இவர்களின் உறவு குறித்து தகவல் தெரியவரவே, ஸ்ரீதரனின் தம்பி சீனிவாசன், கள்ளக்காதலன் சிவராஜை கண்டித்துள்ளார். அப்போது சீனிவாசனை சிவராஜை தாக்கியதாக வழக்கு பதிவு செய்யப்பட்டது. ஆனால் போலீஸ் வேலை கனவில் இருந்த சிவராஜூக்கு வழக்கு பெரிய பிரச்சினையாக இருந்ததால் 3 லட்ச ரூபாய் பணத்தை கொடுத்து வழக்கை வாபஸ் பெற வைக்க முயன்றார்.

இதையடுத்து சிவராஜ்க்காக கள்ளக்காதலி சுதா 3 லட்ச ரூபாயை திரட்டி அதை தன் கணவன் மற்றும் கொழுந்தனிடம் கொடுத்து வழக்கை வாபஸ் பெறுமாறு கூறியுள்ளார். ஆனாலும் இந்த வழக்கில் சிவராஜ் மீதான குற்றம் நிரூபிக்கப்பட்டதால் அவருக்கு போலீஸ் வேலை கிடைக்கவில்லை. இதனால் ஸ்ரீதரன் மீது ஆத்திரத்தில் இருந்த சிவராஜ், இந்த கொலையை செய்ய திட்டம் தீட்டியுள்ளார். 

சுதாவும், சிவராஜூம் சேர்ந்து ஸ்ரீதரனை அடித்துக் கொன்று எரித்துள்ளனர். இப்போது 2 பேரை கைது செய்த பிறகே அனைத்து சம்பவங்களும் வெட்ட வெளிச்சத்திற்கு வந்துள்ளது.

பிற செய்திகள்

பாரதிதாசன் பல்கலைக் கழகத்தில் இடஒதுக்கீடு சிதைக்கப்படுவதை அனுமதிக்க கூடாது - பா.ம.க. நிறுவனர் ராமதாஸ்

தமிழ்நாட்டில் உள்ள மாநில பல்கலைக் கழகங்களில் இட ஒதுக்கீட்டு முறையை சிதைப்பதற்கான ஒத்திகை, திருச்சி பாரதிதாசன் பல்கலைக் கழகத்தில் நடத்தப்பட்டுக் கொண்டிருப்பதாக பா.ம.க. நிறுவனர் ராமதாஸ் குற்றம்சாட்டி உள்ளார்.

8 views

வேலையற்றோர் எண்ணிக்கை உயர்வு - டெல்லியில் வேலையின்மை விகிதம் 59.2 %

இந்தியாவின் வேலையற்றோர் விகிதம் 23 சதவீதத்துக்கும் அதிகமாக உள்ளதாக இந்திய பொருளாதார கண்காணிப்பு மையத்தின் ஆய்வுகள் தெரிவிக்கின்றன.

52 views

விலை உயரத் தொடங்கிய எரிவாயு சிலிண்டர்கள் - தொழில் நடவடிக்கைகள் மீண்டு வருவதால் விலை ஏற்றம்

மானியமில்லா எரிவாயு சிலிண்டர் விலை 11 ரூபாய் 50 காசுகள் விலை அதிகரித்துள்ளது.

598 views

ரயிலில் காலியாக இருந்த இருக்கைகள்: "சமூக விலகலில் பயணிகள் அலட்சியம்" - கொரோனா வைரஸ் தொற்று பரவும் அபாயம்

கோவையில் இருந்து காட்பாடிக்கு சேலம் வழியாகச் சென்ற சிறப்பு ரயிலில், சமூக இடைவெளியில் பயணிகள் அலட்சியம் காட்டுவதாக குற்றச்சாட்டு எழுந்துள்ளது.

25 views

2 பயணிகளுடன் ஆட்டோக்கள் இயங்க அனுமதி : 68 நாட்களுக்கு பின்னர் ஆட்டோக்களை இயக்குவதால் ஓட்டுநர்கள் மகிழ்ச்சி

சென்னையில் இன்று முதல் அரசு விதித்த நிபந்தனைகள் படி ஆட்டோக்கள் இயங்கத் தொடங்கி உள்ளன.

50 views

திரைப்பட தொழிலாளர்களுக்கு 1000 குடியிருப்பு : அடிக்கல் நாட்டினார் முதலமைச்சர் பழனிசாமி

திரைப்பட தொழிலாளர்களுக்கு சொந்த வீடுகள் கட்டும் திட்டத்தின் கீழ் ஆயிரம் குடியிருப்புகள் கட்டும் பணிக்கு முதலமைச்சர் எடப்பாடி பழனிசாமி அடிக்கல் நாட்டினார்.

40 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.