நீட் தேர்வு : சட்டப்பேரவையில் திமுக, அதிமுக இடையே காரசார விவாதம்
பதிவு : ஜனவரி 08, 2020, 04:55 PM
நீட் தேர்வு குறித்து சட்டப்பேரவையில் திமுக, அதிமுக இடையே காரசார விவாதம் நடைபெற்றது.
சட்டப்பேரவையில் கேள்வி நேரம் முடிந்ததும் எதிர்க்கட்சித் தலைவர் ஸ்டாலின் நீட்தேர்வு விவகாரத்தை கிளப்பினார். நீட்தேர்வு பிரச்சினைக்காக சிறப்பு சட்டப்பேரவை கூட்டம் கூட்டப்படும் என முதல்வர் கூறியதும் என்ன ஆனது என்று கேள்வி எழுப்பினார். தொடர்ந்து பேசிய ஸ்டாலின், நீட் தேர்வு விவகாரத்தில் கிராமப்புற மாணவர்களுக்கு அரசு இழைத்தது மாபெரும் துரோகம் எனவும் குற்றம் சாட்டினார். இதற்கு பதிலளித்த சுகாதாரத்துறை அமைச்சர் விஜயபாஸ்கர், நீட் தேர்வு எதிர்ப்பு என்ற கொள்கையில் அதிமுக அரசு உறுதியாக இருக்கிறது என்றும், நீட் தேர்வுக்கான விதையை 2010 ஆம் ஆண்டு டிசம்பர் 27-ஆம் தேதி நாட்டில் விதைத்தது காங்கிரஸ்-  திமுக அரசுதான் என்றும் குற்றம் சாட்டினார். அப்போது குறுக்கிட்டு பேசிய எதிர்க்கட்சித் துணைத் தலைவர் துரைமுருகன், முன்னாள் முதலமைச்சர் ஜெயலலிதா இருந்தவரை, நீட்தேர்வு தலை காட்டவில்லை என்றும், அந்த விஷயத்தில் அவர் உறுதியாக இருந்ததால் அவரை பாராட்டுகிறேன் என்றார். ஆனால் அவர் மறைவுக்கு பின்னர் தான் நீட் தேர்வு வந்ததாகவும், இந்த பிரச்சினைக்கெல்லாம் அரசு தான் காரணம் என்றும் குற்றம்சாட்டினார். இதற்கு பதிலளித்த அமைச்சர் விஜயபாஸ்கர், பிள்ளையை கிள்ளி விட்டதும் இடையே தொட்டிலை ஆட்டியதும் திமுக, காங்கிரஸ் தான் என கூறியதோடு, 
தும்பை விட்டு வாலை பிடிக்கிறீர்கள் என தெரிவித்தார். மீண்டும் பேசிய எதிர்க்கட்சி தலைவர் ஸ்டாலின், திமுக, காங்கிரஸ் கூட்டணியில் இருந்தாலும் நீட் தேர்வை எதிர்த்து உச்ச நீதிமன்றத்தில் வழக்கு தொடுத்து தடை உத்தரவு வாங்கியதாக தெரிவித்தார். மேலும், கருணாநிதி மற்றும் ஜெயலலிதா உயிரோடு இருக்கும்வரை நீட்தேர்வு வரவில்லை என்றும், இதன் பிறகுதான் நீட்தேர்வு வந்திருக்கிறது என்றும், இதற்கு அதிமுக அரசுதான் காரணம் என்றும் ஸ்டாலின் குற்றம் சாட்டினார். மீண்டும் பேசிய துரைமுருகன், குடியுரிமை திருத்த சட்ட மசோதாவுக்கு ஆதரவு அளித்து விட்டு, தற்போது எதிர்ப்பு காட்டுவது போல் அதிமுக செயல்படுகிறது எனவும்,  தும்பை விட்டு வாலை பிடிப்பது நீங்களா? நாங்களா? என கேள்வி எழுப்பினார். இப்படியாக நீட் தேர்வு குறித்து பேரவையில் அதிமுக, திமுக இடையே 20 நிமிடங்களாக காரசாரமான விவாதம் நடந்தது.

தொடர்புடைய செய்திகள்

நடிகர் விஜய் வீட்டிற்கு வெடிகுண்டு மிரட்டல் - போலீசார் விசாரணை

சென்னை சாலிகிராமத்தில் உள்ள, நடிகர் விஜய் வீட்டில், வெடிகுண்டு இருப்பதாக, மர்மநபர் ஒருவர், மிரட்டல் விடுத்த சம்பவம் பரபரப்பை ஏற்படுத்தியுள்ளது.

492 views

மத்திய அரசை கண்டித்து நிலக்கரி சுரங்க ஊழியர்கள் ஆர்ப்பாட்டம்

நிலக்கரி சுரங்கங்களை தனியாருக்கு ஏலம் விடும் மத்திய அரசின் போக்கை கண்டித்து சென்னை எண்ணூரில் அனல் மின் நிலைய ஊழியர்கள் ஆர்ப்பாட்டத்தில் ஈடுபட்டனர்.

132 views

5 % ரயில்களை இயக்க தான் தனியாருக்கு அழைப்பு" - ரயில்வே வாரியத் தலைவர் விளக்கம்

பொது மக்கள், தனியார் பங்களிப்பில் ஐந்து சதவீத ரயில்கள் தான் தனியாருக்கு வழங்க திட்டமிட்டு உள்ளதாக ரயில்வே வாரியத் தலைவர் தெரிவித்துள்ளார்.

68 views

பிற செய்திகள்

ஒரே தெருவில் 21 பேருக்கு கொரோனா - தொற்று பரப்பியதாக வெள்ளி வியாபாரி கைது

சேலம் மாநகரில் ஒரே தெருவில் 21 பேருக்கு கொரோனா தொற்று உறுதி செய்யப்பட்டுள்ளது.

25 views

தமிழகத்தில் இன்று மேலும் 3,616 பேருக்கு கொரோனா

தமிழகத்தில் சென்னையை தவிர்த்து பிற மாவட்டங்களில் கொரோனா பாதிப்பு மின்னல் வேகத்தில் பரவி வருகிறது.

14 views

மாற்றுத்திறனாளி தம்பதிக்கு முக கவசம் வழங்கிய ஆட்சியர்

வாணியம்பாடி பகுதிகளில் திடீரென ஆய்வு செய்த திருப்பத்தூர் மாவட்ட ஆட்சியர் சிவன், சாலையில் நடந்து சென்ற மாற்றுத்திறனாளி தம்பதியினரை அழைத்து, முககவசம் மற்றும் கையுறை வழங்கினார்.

17 views

துவைத்து, மீண்டும் பயன்படுத்தக்கூடிய பருத்தியால் ஆன முழு கவச ஆடை அறிமுகம்

மருத்துவர்களுக்காக பருத்தியால் ஆன முழு கவச ஆடையை திருப்பூர் தனியார் பின்னலாடை நிறுவனம் அறிமுகம் செய்துள்ளது.

49 views

23 மாவட்ட ஆட்சியர்களுடன் தலைமை செயலாளர் நாளை ஆலோசனை

தமிழகத்தில் சென்னையை தவிர்த்து மற்ற மாவட்டங்களில் கொரோனா பாதித்தவர்களின் எண்ணிக்கை அதிகரித்து வருகிறது.

11 views

"ஊரடங்கை மட்டும் நீட்டித்து கொண்டிருக்க முடியாது" - முதலமைச்சர் எடப்பாடி பழனிசாமி

கொரோனா தடுப்பு பணிகளில் தமிழக அரசு சிறப்பாக செயல்பட்டு வருவதாகவும், தமிழகத்தில் சமூக பரவல் இல்லை என்றும் முதலமைச்சர் எடப்பாடி பழனிசாமி தெரிவித்துள்ளார்.

4030 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.