"போலீஸ் அதிகாரியாக வேண்டும்" - மகன் கனவு : கல்வி கட்டணம் செலுத்த முடியாத வேதனையில் குடும்பமே தற்கொலை
பதிவு : ஜூன் 13, 2019, 11:14 AM
மகனுக்கு, பள்ளி கட்டணம் கூட செலுத்த முடியவில்லையே என்ற விரக்தியில், மொத்த குடும்பமும் தற்கொலை செய்துகொண்ட சம்பவம் நாகையில் அரங்கேறியுள்ளது. காவல்துறை அதிகாரியாக வேண்டும் என்ற கனவு கொண்ட சிறுவன், போலீஸ் சீருடையுடன் சடலமாக கிடந்தது ஊர் முழுவதையும் கண்ணீரில் மூழ்கடித்தது.
நாகை மாவட்டம் வெளிப்பாளையம் வீரி குளத்தெருவைச் சேர்ந்தவர் செந்தில்குமார். இவரது ஒரே மகன் ஜெகதீஸ்வரன், நாகையில் உள்ள தனியார் பள்ளி ஒன்றில் 6 ஆம் வகுப்பு படித்து வந்தான். போதுமான வருமானம் இல்லாத காரணத்தினால், குடும்ப செலவிற்கே பலரிடம் கடன் வாங்க வேண்டிய சூழலுக்கு தள்ளப்பட்டார், நகை செய்யும் தொழிலாளியான செந்தில்குமார்...

இந்த நிலையில், பள்ளி திறந்து 10 நாட்களாகியும், கல்வி கட்டணம் செலுத்தாததால், அதனை உடனடியாக செலுத்துமாறு கூறியுள்ளது பள்ளி நிர்வாகம். இதையடுத்து, மாணவன் ஜெகதீஸ்வரனும், பெற்றோரிடம் தினமும் கட்டணம் கட்டுமாறு கேட்டு வந்துள்ளான். 

பல இடங்களில் பெற்ற கடனையே திருப்பி தராததால், ஜெகதீஸ்வரன் படிப்பு செலவிற்கு பணம் கொடுக்க யாரும் முன்வரவில்லை... போலீசாக வேண்டும் என்ற கனவுடன் படித்துவரும் தனது ஒரே மகனின் கல்வி செலவிற்கு கூட பணம் திரட்ட முடியாத நிலை, செந்தில்குமாரை வேதனையில் ஆழ்த்தியது. இந்த விரக்தியை தனது மனைவியிடம் பல முறை வெளிப்படுத்தியிருக்கிறார், செந்தில்குமார், 

விரக்தியின் விளிம்பில் தடுமாறி நின்ற கணவன் மனைவி,  விபரீத முடிவுக்குள் விழுந்துள்ளனர்... அதன் படி, மதிய உணவில் விஷத்தை கலந்து செந்தில்குமார், அவரது மனைவி லெட்சுமி, ஒரே மகன் ஜெகதீஸ்வரன் ஆகியோர் சாப்பிட்டுள்ளனர். இதையடுத்து, மூவரும் வீட்டிற்குள்ளேயே துடிதுடித்து உயிரிழந்துள்ளனர். 

குறிப்பாக போலீஸ் அதிகாரி ஆக வேண்டும் என்ற கனவு கொண்ட தன் மகனுக்கு, கல்வி கட்டணம் கூட செலுத்த முடியவில்லையே என்ற வேதனையில், தற்கொலைக்கு முன்பாக, மகனுக்கு போலீஸ் உடையை அணிவித்துள்ளது செந்தில்குமார் லெட்சுமி தம்பதி... 

போலீஸ் உடையுடன் பெற்றோர் மடியில் சிறுவன் உயிரிழந்து கிடந்தது, உற்றார் உறவினர்கள் மட்டுமின்றி, மொத்த ஊரையும் சோகத்தில் ஆழ்த்தியது.... 

தொடர்புடைய செய்திகள்

மாட்டுக்கறி தொடர்பாக சர்ச்சைக்குரிய கருத்து பதிவு : புகார் அளித்த இந்து மக்கள் கட்சி நிர்வாகி மீது தாக்குதல்

நாகையில் மாட்டுக்கறி சம்பவம் தொடர்பாக காவல்நிலையத்தில் புகார் அளித்த இந்து மக்கள் கட்சி மாவட்ட செயலாளர் தாக்கப்பட்டார்.

55 views

மணல் திருட்டு பற்றி புகார் அளித்தவர் மீது தாக்குதல்

நாகை மாவட்டம் அரசூர் கிராமத்தில் வசிக்கும் கூலித் தொழிலாளி குமார் அப்பகுதியைச் சேர்ந்த முஜிபுர் ரஹ்மான் என்பவர் முறைகேடாக மணல் விற்பனை செய்வதாகக் புகார் அளித்துள்ளார்.

168 views

கிளி ஜோசியரை கொலை செய்தது ஏன்? - கைதான ரகு அதிர்ச்சி வாக்குமூலம்

வழிபோக்கு ஜோதிடர் ஒருவர் கூறியதை நம்பி திருப்பூர் கிளி ஜோசியரை நடுரோட்டில் வெட்டிக் கொன்றதாக கைதான ரகு வாக்குமூலம் அளித்துள்ளார்.

2544 views

பிற செய்திகள்

கும்பகோணத்தில் 2 மணி நேரம் வெளுத்து வாங்கிய மழை...

கும்பகோணம் மற்றும் அதன் சுற்றுவட்டாரங்களில் இரண்டு மணி நேரம் மழை வெளுத்து வாங்கியது.

76 views

இலங்கையில் அடுத்த ஆண்டு தமிழ் கலைஞர்கள் மாநாடு

இலங்கையில் அடுத்த ஆண்டு நடைபெற உள்ள தமிழ் கலைஞர்கள் மாநாட்டிற்கான முன்னோட்டம் சென்னையில் வெளியிடப்பட்டது.

7 views

கலவரத்தை காவல்துறை கட்டுப்படுத்த வேண்டும் - தமிழக பாஜக தலைவர் தமிழிசை கருத்து

நாகப்பட்டினம் மாவட்டம், வேதாரண்யம் அருகே கலவரம் எந்த விதத்திலும் தீவிரம் அடைந்து விடக்கூடாது என தமிழக பா.ஜ.க. தலைவர் தமிழிசை கூறினார்.

148 views

"கல்வி தொலைக்காட்சி" - இன்று தொடக்கம்

தமிழக அரசின் கல்வி தொலைக்காட்சியின் சேவை இன்று தொடங்குகிறது.

30 views

நாமக்கல் : மாநில அளவிலான ஐவர் கால்பந்து போட்டி

நாமக்கல் மாவட்டம் பள்ளிபாளையம் அருகே மாநில அளவிலான ஐவர் கால்பந்து போட்டி நடைபெற்றது.

10 views

மொய் விருந்து நடத்தி வட்டி தொழில்... எதிர்பார்த்த மொய்ப்பணம் வசூலாகாத‌தால் விரக்தி

மதுரை அருகே மொய் விருந்தில் எதிர்பார்த்த அளவு மொய் வசூல் ஆகாத விரக்தியில் பெண் ஒருவர் தற்கொலை செய்து கொண்டார்.

261 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.