"போலீஸ் அதிகாரியாக வேண்டும்" - மகன் கனவு : போலீஸ் உடை அணிவித்து விஷம் கொடுத்த தம்பதி
பதிவு : ஜூன் 13, 2019, 03:04 AM
மகனுக்கு, பள்ளி கட்டணம் கூட செலுத்த முடியவில்லையே என்ற விரக்தியில், மொத்த குடும்பமும் தற்கொலை செய்துகொண்ட சம்பவம் நாகையில் அரங்கேறியுள்ளது.
நாகை மாவட்டம் வெளிப்பாளையம் வீரி குளத்தெருவைச் சேர்ந்தவர் செந்தில்குமார். இவரது ஒரே மகன் ஜெகதீஸ்வரன், நாகையில் உள்ள தனியார் பள்ளி ஒன்றில் 6 ஆம் வகுப்பு படித்து வந்தான். போதுமான வருமானம் இல்லாத காரணத்தினால், குடும்ப செலவிற்கே பலரிடம் கடன் வாங்க வேண்டிய சூழலுக்கு தள்ளப்பட்டார், நகை செய்யும் தொழிலாளியான செந்தில்குமார். இந்த நிலையில், பள்ளி திறந்து 10 நாட்களாகியும், கல்வி கட்டணம் செலுத்தாததால், அதனை உடனடியாக செலுத்துமாறு கூறியுள்ளது பள்ளி நிர்வாகம். இதையடுத்து, மாணவன் ஜெகதீஸ்வரனும், பெற்றோரிடம் தினமும் கட்டணம் கட்டுமாறு கேட்டு வந்துள்ளான். பல இடங்களில் பெற்ற கடனையே திருப்பி தராததால், ஜெகதீஸ்வரன் படிப்பு செலவிற்கு பணம் கொடுக்க யாரும் முன்வரவில்லை. போலீசாக வேண்டும் என்ற கனவுடன் படித்துவரும் தனது ஒரே மகனின் கல்வி செலவிற்கு கூட பணம் திரட்ட முடியாத நிலை, செந்தில்குமாரை வேதனையில் ஆழ்த்தியது. இந்த விரக்தியை தனது மனைவியிடம் பல முறை வெளிப்படுத்தியிருக்கிறார், செந்தில்குமார், விரக்தியின் விளிம்பில் தடுமாறி நின்ற கணவன் மனைவி, விபரீத முடிவுக்குள் விழுந்துள்ளனர். அதன் படி, மதிய உணவில் விஷத்தை கலந்து செந்தில்குமார், அவரது மனைவி லெட்சுமி, ஒரே மகன் ஜெகதீஸ்வரன் ஆகியோர் சாப்பிட்டுள்ளனர். இதையடுத்து, மூவரும் வீட்டிற்குள்ளேயே துடிதுடித்து உயிரிழந்துள்ளனர். குறிப்பாக போலீஸ் அதிகாரி ஆக வேண்டும் என்ற கனவு கொண்ட தன் மகனுக்கு, கல்வி கட்டணம் கூட செலுத்த முடியவில்லையே என்ற வேதனையில், தற்கொலைக்கு முன்பாக, மகனுக்கு போலீஸ் உடையை அணிவித்துள்ளது செந்தில்குமார் லெட்சுமி தம்பதி. போலீஸ் உடையுடன் பெற்றோர் மடியில் சிறுவன் உயிரிழந்து கிடந்தது, உற்றார் உறவினர்கள் மட்டுமின்றி, மொத்த ஊரையும் சோகத்தில் ஆழ்த்தியது.

தொடர்புடைய செய்திகள்

இலங்கை தமிழர்களை பாதுகாக்க பிரதமர் மோடியால் மட்டுமே முடியும் - பொன்.ராதாகிருஷ்ணன்

இலங்கை தமிழர்கள் உட்பட உலகம் முழுவதும் உள்ள தமிழர்களை பாதுகாக்க பிரதமர் மோடியால் மட்டுமே முடியும் என பொன்.ராதாகிருஷ்ணன் தெரிவித்துள்ளார்.

2244 views

பிற செய்திகள்

அர்ஜூனா விருதுக்கு தேர்வாகி உள்ள பாஸ்கரனுக்கு முதலமைச்சர் பழனிசாமி வாழ்த்து

அர்ஜூனா விருதுக்கு தேர்வாகி உள்ள சர்வதேச ஆணழகனான தமிழக வீரர் பாஸ்கரனுக்கு முதலமைச்சர் எடப்பாடி பழனிசாமி வாழ்த்து தெரிவித்துள்ளார்.

204 views

தண்ணீர் இன்றி வறண்டு காணப்படும் பஞ்சகல்யாணி ஆறு - தண்ணீர் தேடி கடற்கரை பகுதிக்கு படையெடுத்த குதிரைகள்

ராமேஸ்வரம் பஞ்ச கல்யாணி ஆறு தண்ணீர் இன்றி வறண்டு காணப்படுவதால் அப்பகுதியில் சுற்றித்திரியும் குதிரைகள் தண்ணீர் தேடி கடற்கரை பகுதிக்கு படையெடுத்து வருகின்றனர்.

27 views

ப.சிதம்பரம் தலைமறைவாக இருந்தது, காங்கிரசுக்கும் திமுகவுக்கும் தலைகுனிவு - அமைச்சர் ஜெயக்குமார்

ப.சிதம்பரம் தானாகவே சென்று சிபிஐயிடம் ஆஜராகி இருக்க வேண்டும் என்று மீன்வளத்துறை அமைச்சர் ஜெயக்குமார் தெரிவித்துள்ளார்.

75 views

ப.சிதம்பரம் கைதுக்கு எதிர்ப்பு

முன்னாள் மத்திய அமைச்சர் ப சிதம்பரம் கைது செய்யப்பட்டதைக் கண்டித்து புதுக்கோட்டையில் காங்கிரஸ் கட்சியினர் ஆர்ப்பாட்டத்தில் ஈடுபட்டனர்.

39 views

நாளை மறுநாள் கிருஷ்ண ஜெயந்தி : விற்பனைக்கு குவிந்த கிருஷ்ண பொம்மை

கோகுலாஷ்டமியை முன்னிட்டு கோவை பூம்புகார் விற்பனை நிலையத்தில், கிருஷ்ணர் பொம்மை விற்பனைக்கு குவிந்துள்ளது.

36 views

ப.சிதம்பரம் கைதுக்கு எதிர்ப்பு தெரிவித்து போராட்டம்

முன்னாள் மத்திய அமைச்சர் ப.சிதம்பரம் கைதுக்கு எதிர்ப்பு தெரிவித்து சென்னையில் நடைபெற்ற போராட்டத்தில் காங்கிரஸ் தொண்டர்களுக்கும் போலீசாருக்கும் இடையே தள்ளுமுள்ளு ஏற்பட்டது.

70 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.