மக்கள் தலைவராக உயர்ந்தார் மு.க.ஸ்டாலின் : ஓர் அலசல்
பதிவு : மே 24, 2019, 01:03 AM
மக்களவை மற்றும் இடைத்தேர்தலில் திமுகவுக்கு கிடைத்த பெரும் வெற்றியின் மூலம் மு.க. ஸ்டாலின், தமிழகத்தின் மக்கள் தலைவராக உயர்ந்துள்ளார்.
மக்களவை மற்றும் இடைத்தேர்தலில் திமுகவுக்கு கிடைத்த பெரும் வெற்றியின் மூலம் மு.க. ஸ்டாலின், தமிழகத்தின்  மக்கள் தலைவராக உயர்ந்துள்ளார். அர்ப்பணிப்பு உணர்வுடன் கடினமாக உழைத்தால், மக்கள் மனதில் நிச்சயம் இடம் பிடிக்க முடியும் என்பதை நிரூபித்து, தமிழக அரசியலிலும் தேசிய அரசியலிலும் மு.க. ஸ்டாலின் முக்கிய இடத்தை பிடித்துள்ளார். மக்களவை தேர்தலிலும், சட்டப்பேரவை இடைத்தேர்தலிலும் திமுக, பெரும் வெற்றி பெற்றுள்ளது. திமுக தலைவர் பதவியை ஏற்றபின் சந்தித்த முதல் தேர்தலில் கிடைத்துள்ள இந்த வெற்றியின் மூலம், தமிழகத்திலும், தேசிய அரசியலிலும் அசைக்க முடியாத - தவிர்க்க முடியாத ஒரு சக்தியாக மு.க. ஸ்டாலின் உயர்ந்துள்ளார். 1953 - ம் ஆண்டு மார்ச் 1 - ல் பிறந்த மு.க.ஸ்டாலின், வட்ட பிரதிநிதி - மாவட்ட பிரதிநிதி - பொதுக்குழு, செயற்குழு உறுப்பினர் - என தீவிர களப்பணிகள் மூலம் திமுகவில் படிப்படியாக உயர்ந்தார். பள்ளி பருவத்திலேயே அரசியலில் குதித்த மு.க. ஸ்டாலின், 1975 - ல் ஓராண்டு "மிசா" கொடுமையையும் எதிர்கொண்டார்.  எம்.எல்.ஏ. அமைச்சர் - துணை முதல்வர் என பல பதவி களை வகித்த, மு.க. ஸ்டாலின், குறிப்பாக, மக்களால் நேரடியாக தேர்வு செய்யப்பட்ட முதல் மேயர் என்ற பெருமைக்கு சொந்தக்காரர். திமுகவில், இளைஞர் அணி மாநில செயலாளர் - துணை பொதுச் செயலாளர் - பொருளாளர் - செயல் தலைவர் என படிப்படியாக உயர்ந்த மு.க. ஸ்டாலின், 70 ஆண்டு வரலாறு படைத்த அக்கட்சியின் தலைவராக கடந்தாண்டு ஆகஸ்ட் 28 - ம் தேதி ஒருமனதாக தேர்ந்தெடுக்கப்பட்டு, பொறுப் பேற்றார். அதிமுகவின் சக்தி மிக்க தலைவராக வலம் வந்த ஜெய லலிதா மறைவுக்குப்பின் தமிழகத்தில் நிகழ்ந்த பல்வேறு அரசியல் மாற்றங்களின்போது. மு.க. ஸ்டாலினின் தலைமை குறித்து, பல்வேறு விமர்சனங்கள் முன் வைக்கப்பட்டன. தமிழகம் முழுவதும் சூறாவளி சுற்றுப்பயணம் - நமக்கு நாமே நடைபயணம் - திண்ணை பிரசாரம் என தீவிர களப்பணி - மக்களுடன் நேரடி சந்திப்பு என பல்வேறு வியூகங்கள் மூலம் மு.க. ஸ்டாலின், தன் தலைமையை நிரூபித்து, தம் மீதான விமர்சனங்களுக்கு பதிலடி கொடுத்துள்ளார். ஜெயலலிதா - கருணாநிதி, மறைவால் ஏற்பட்ட வெற்றிடத் தை நிரப்பும் வகையில், இந்த மாபெரும் வெற்றியின் மூலம், தமிழகத்தின் தவிர்க்க முடியாத சக்தியாக மு.க. ஸ்டாலின் பார்க்கப்படுகிறார். மற்றொருபக்கம், தமிழக முதலமைச்சர் எடப்பாடி பழனிச்சாமி, ஆட்சிக்கு தேவையான தொகுதிகளை தக்க வைத்து, அதிமுக- வில்  ஒரு வலுவான தலைவராக உயர்ந்து நிற்கிறார். 

தொடர்புடைய செய்திகள்

இலங்கை தமிழர்களை பாதுகாக்க பிரதமர் மோடியால் மட்டுமே முடியும் - பொன்.ராதாகிருஷ்ணன்

இலங்கை தமிழர்கள் உட்பட உலகம் முழுவதும் உள்ள தமிழர்களை பாதுகாக்க பிரதமர் மோடியால் மட்டுமே முடியும் என பொன்.ராதாகிருஷ்ணன் தெரிவித்துள்ளார்.

1293 views

பிற செய்திகள்

ஜூலை 30 வரை பேரவை கூட்டத்தொடர் - சட்டப்பேரவை சபாநாயகர் தனபால்

தமிழக சட்டப்பேரவை கூட்டத்தொடர் வரும் 28ந்தேதி தொடங்கி ஜூலை 30ம் தேதி வரை நடைபெறும் என அறிவிக்கப்பட்டுள்ளது.

10 views

காவிரி விவகாரம் : "கர்நாடகத்தை தமிழக அரசு தடுக்க வேண்டும்" - ராமதாஸ்

காவிரி மேலாண்மை ஆணையம் மற்றும் உச்ச நீதிமன்ற தீர்ப்புக்கு எதிராக, கர்நாடக அரசின் நடவடிக்கை உள்ளதாக பா.ம.க. நிறுவனர் ராமதாஸ் குற்றம் சாட்டி உள்ளார்.

27 views

கோவில் பூட்டை உடைத்து 10 சவரன் நகை மற்றும் ரூ.50 ஆயிரம் பணம் கொள்ளை

நாமக்கல் மாவட்டம், ராசிபுரம் அருகே கோவிலின் பூட்டை உடைத்து, உண்டியலில் இருந்த 10 சவரன் நகை மற்றும் 50 ஆயிரம் ரூபாய் பணத்தை மர்ம நபர்கள் கொள்ளையடித்தனர்.

21 views

பல்வேறு துறை சார்ந்த புதிய திட்டங்கள் : தொடங்கி வைத்தார் முதலமைச்சர் பழனிசாமி

பல்வேறு துறை சார்ந்த புதிய திட்டங்களை, முதலமைச்சர் எடப்பாடி பழனிசாமி தொடங்கி வைத்தார்.

33 views

தஞ்சாவூர் : அக்கினியாறு கரையில் மணல் திருட்டு...

தஞ்சாவூர் மாவட்டத்தில் உள்ள மருதங்காவயல் என்ற கிராமத்தில் உள்ள அக்கினியாறு கரையில் மணல் திருட்டிற்காக பயன்படுத்தப்பட்ட பொக்லைன் இயந்திரம் கைப்பற்றப்பட்டது.

10 views

அ.தி.மு.க., வட்ட செயலாளரை வெட்டிய மர்ம கும்பல் கைது

சென்னை பல்லாவரத்தில் முன்விரோதம் காரணமாக அதிமுக வட்ட செயலாளரை அரிவாளால் வெட்டிய 4 பேரை போலீசார் கைது செய்தனர்.

84 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.