கோடை வெயிலை சமாளிக்க 'பீர்'...
பதிவு : மே 15, 2019, 11:27 AM
உடல் வெப்பத்தை தணிக்க பழங்கள், பழரசங்கள் என ஆரோக்கிய உணவுகள் தீர்வாக இருந்தாலும், குடிமகன்களோ உடல் சூட்டை குறைக்க பீர் குடிக்கலாம் என டாஸ்மாக் கடைகளில் தஞ்சம்.
கத்தரி வெயிலின் தாக்கத்தால் மக்கள் கடும் சிரமத்திற்கு ஆளாகி உள்ளனர் மக்கள்.  உடல் வெப்பத்தை தணிக்க பழங்கள், பழரசங்கள் என ஆரோக்கிய உணவுகள் தீர்வாக இருந்தாலும்,  குடிமகன்களோ உடல் சூட்டை குறைக்க பீர் குடிக்கலாம் என டாஸ்மாக் கடைகளில் தஞ்சம் அடைகின்றனர். தமிழகம் முழுவதும் 5 ஆயிரத்து 500 க்கும் மேற்பட்ட டாஸ்மாக் கடைகள், டாஸ்மாக் எலைட் பார்கள் மற்றும் தனியார் பார்களில் பீர் விற்பனை சூடு பிடிக்கத் தொடங்கியுள்ளது.  வழக்கமாக பிராந்தி , ரம், விஸ்கி போன்ற  மதுபானங்களை குடிப்பவர்கள்கூட  கோடையின் வெப்பம் தாங்காமல் குளிர்ச்சியான பீர் ரகங்களுக்கு மாறியுள்ளனர். கோடை வெயில் வாட்டி எடுக்கும் நிலையில், டாஸ்மாக் கடைகளில் பீர் விற்பனை 32 சதவீதம் வரை அதிகரித்துள்ளதாகவும்,  நட்சத்திர விடுதிகள், மதுபான பார்களில் பீர் விற்பனை 60 சதவீதம் வரை அதிகரித்துள்ளதாகவும் விவரங்கள் தெரிவிக்கின்றன.  சென்னை மண்டலத்தில் மட்டும் கடந்த இரண்டு மாதங்களில் 72 ஆயிரம் முதல் 80 ஆயிரம் பீர் பெட்டிகள் வரை விற்பனை செய்யப்பட்டுள்ளதாக தெரிய வந்துள்ளது. 

ஒரு டாஸ்மாக் கடையில் இருந்து தினசரி ஆயிரத்துக்கும் அதிகமான பீர் விற்பதாக கூறுகின்றனர். கோடை வெப்பத்தை தணிக்க ஆரோக்கியான வழிகளை நாடாமல், உடலுக்கு கேடு தடும் மதுபானங்களை அருந்துவது தவறான போக்கு என எச்சரிக்கை செய்கின்றனர் மருத்துவர்கள். பீர் குடிப்பதால் சிறுநீர் அதிகமாக வெளியேறும் என்பதால் உடலின் நீர்ச் சத்து விரைவாக குறையும் என்று மருத்துவர்கள் கூறுகின்றனர். இது தொடர்பாக உளவியல் நிபுணர்கள் கூறுகையில்,  குடிப்பழக்கத்தை தொடர கோடைக்காலம் ஒரு காரணமாக உள்ளது என்கின்றனர்.  குடிப்பதற்கு ஏதேனும் ஒரு காரணம் தேடத் தொடங்கி நாளடைவில் மதுவிற்கு அடிமையாகி விடுகின்றனர்  என்கிறார் உளவியல் நிபுணர் சுபா சார்லஸ். 

குடிக்கும் பீர் ரகங்கள் சில்லென்று இருந்தால் உடலுக்கு குளிர்ச்சி என மது பிரியர்கள் நம்பும் நிலையில் ஆல்கஹால் எந்த நிலையில் இருந்தாலும் உடலுக்கு தீங்கு என்பதே நிதர்சனமான உண்மை என்பது மருத்துவர்களின் கருத்தாக உள்ளது.

தொடர்புடைய செய்திகள்

இலங்கை தமிழர்களை பாதுகாக்க பிரதமர் மோடியால் மட்டுமே முடியும் - பொன்.ராதாகிருஷ்ணன்

இலங்கை தமிழர்கள் உட்பட உலகம் முழுவதும் உள்ள தமிழர்களை பாதுகாக்க பிரதமர் மோடியால் மட்டுமே முடியும் என பொன்.ராதாகிருஷ்ணன் தெரிவித்துள்ளார்.

1607 views

பிற செய்திகள்

பயங்கரவாத அமைப்புக்கு நிதி திரட்டியதாக புகார் - தமிழகத்தில் என்.ஐ.ஏ அதிகாரிகள் அதிரடி சோதனை

தமிழகத்தில் சென்னை, நெல்லை, மதுரை உள்பட 7 மாவட்டங்களில் என்ஐஏ அதிகாரிகள் நடத்திய சோதனையில் பல முக்கிய ஆவணங்கள் கைப்பற்றப்பட்டன.

49 views

அணை பாதுகாப்பு மசோதாவை அமல்படுத்தினால் மாநிலத்தின் உரிமைகள் பறிக்கப்படும் - ஸ்டாலின்

சட்டப்பேரவையின் நடப்பு கூட்டத்தொடர் இன்றுடன் நிறைவடைந்துள்ளது.

17 views

காவிரி விவகாரம் - திமுக மீது முதலமைச்சர் எடப்பாடி பழனிச்சாமி குற்றச்சாட்டு

பல ஆண்டுகளாக மத்தியில் அதிகாரத்தில் இருந்த திமுக தமிழகத்தின் முக்கிய பிரச்சினைகளுக்கு தீர்வு காண தவறி விட்டதாக முதலமைச்சர் எடப்பாடி பழனிச்சாமி குற்றம்சாட்டினார்.

20 views

சானிட்டரி நாப்கின்கள் தயாரிக்கும் தொழில் மையம் துவக்கம்

சானிட்டரி நாப்கின்கள் தயாரிக்கும் தொழில் மையம் சென்னையில் தொடங்கப்பட்டது.

12 views

பள்ளி மாணவன் மீது தனியார் பேருந்து மோதி விபத்து

ஓமலூர் அருகே தனியார் கல்லூரி பேருந்து மோதியதில் ஆறாம் வகுப்பு மாணவனின் இரண்டு கால்களும் நசுங்கியதால் ஆத்திரமடைந்த பொதுமக்கள் அதனை சிறை பிடித்து ஆர்ப்பாட்டத்தில் ஈடுபட்டனர்.

8 views

சாலையை கடந்து சென்ற புலி - வாகன ஓட்டிகளுக்கு வனத்துறை எச்சரிக்கை

தாளவாடியில் இருந்து தலமலை செல்லும் சாலையில் புலிகளின் நடமாட்டம் அதிகமாக உள்ளதால் இருசக்கரவாகனத்தில் செல்பவர்கள் எச்சரிக்கையாக இருக்கும்படி வனத்துறை அறிவுறுத்தியுள்ளது.

48 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.