போலி ஆவணங்கள் தயாரித்த கும்பல் சிக்கியது : 100க்கும் மேற்பட்ட போலி பாஸ்போர்ட்கள் பறிமுதல்
பதிவு : மே 12, 2019, 12:14 AM
போலி ஆவணங்கள் மற்றும் போலி பாஸ்போர்ட் தயாரித்து கொடுத்த 13 பேர் கொண்ட கும்பலை க்யூ பிராஞ்ச் போலீசார் கைது செய்துள்ளனர்.
சென்னை விமான நிலையத்தில் சமீபத்தில் 50க்கும் மேற்பட்டோர் போலி பாஸ்போர்ட் மூலம் வெளிநாடுகளுக்கு செல்ல முயன்றதாக கூறி குடியுரிமை அதிகாரிகளால் பிடிக்கப்பட்டு சென்னை மத்திய குற்றப்பிரிவு போலீசாரிடம் ஒப்படைக்கப்பட்டனர். அவர்களிடம் நடத்தப்பட்ட விசாரணையில் பல திடுக்கிடும் தகவல்கள் வெளியாகின. அதே போல இலங்கை குண்டு வெடிப்பில் தொடர்புடைய ஒரு நபர் சென்னை வந்து சென்றதும்,தெரியவந்தது. இதனை தொடர்ந்து க்யூ பிரிவு தமிழகம் முழுவதும் தீவிர சோதனையில் ஈடுபட்டது. அப்போது, இதனையடுத்து போலி பாஸ்போர்ட் மூலம் சென்னை வந்த இலங்கையயை சேர்ந்த தனூக ரோசன் என்பரை பூந்தமல்லியில் போலீசார் கைது செய்தனர். தொடர்ந்து  நடத்தப்பட்ட தீவிர விசாரணையில் போலி பாஸ்போர்ட் தயாரிப்பில் தொடர்புடைய 40 பேர் பிடிபட்டனர். இதில் திருச்சியை சேர்ந்த கலையரசி என்ற பெண் மூளையாக செயல்பட்டதும் அவருக்கு உதவியாக ராதாகிருஷ்ணன் என்பவர் செயல்பட்டதும் தெரியவந்த‌து .இவர் திருச்சி மாவட்ட அம்மா மக்கள் முன்னேற்ற கழக துணைச் செயலாளராக இருக்கிறார். மேலும் அச்சு அசலாக போலி பாஸ்போர்ட்டை தயாரிப்பதற்கு கிருபா,நிமலன்,உதயகுமார் என்ற இலங்கையைச் சேர்ந்த மூன்று நபர்களும் உடந்தையாக இருந்துள்ளனர். இதில் மொத்தமாக சென்னை,திருச்சி,கோவை, ராமநாதபுரம், உள்ளிட்ட மாவட்டங்களில் போலியாக பாஸ்போர்ட் தயாரித்து கொடுத்த 13 பேரை க்யூ பிராஞ்ச் போலீசார் கைது செய்தனர்.இவர்களிடமிருந்து நூற்றுக்கும் மேற்பட்ட போலி ஆவணங்கள், பாஸ்போர்ட்கள் பறிமுதல் செய்யப்பட்டுள்ளன. கைது செய்யப்பட்ட கலையரசி,ராதாகிருஷ்ணன், கிருபா உள்ளிட்ட 13 பேரை நீதிபதி சண்முகப்பிரியா முன்பு ஆஜர்படுத்தப்பட்டு புழல் சிறையில் அடைக்கப்பட்டனர். மேலும் இந்த போலி பாஸ்போர்ட் விவகாரத்தில் அரசியல் பிரமுகர்கள், அரசு அதிகாரிகள்,குடியுரிமை அதிகாரிகள் என பலர் உள்ளதாகவும் அவர்களை கைது செய்ய நடவடிக்கைகள் மேற்கொண்டு வருவதாகவும் க்யூ பிராஞ்ச் போலீசார் தெரிவித்தனர்.

பிற செய்திகள்

விளைநிலங்களில் தோண்டிய போது கிடைத்த அபூர்வ சிலை

விருதுநகர் மாவட்டம் இராஜபாளையம் அருகே பெருமாள்பட்டி ஆவுடையாபுரம் பகுதியில் கருப்பையா என்பவரின் விளைநிலத்தில் உழவு பணிக்காக தோண்டும்போது சுமார் 1200 ஆண்டுகள் பழமையான சுவாமி கற்சிலை ஒன்று கைகள் மட்டும் சேதமடைந்த நிலையில் கிடைத்துள்ளது.

48 views

பேரூராட்சியின் செயல் அலுவலர் மீது முறைகேடு புகார் - சஸ்பெண்ட் செய்து பேரூராட்சிகள் இயக்குனரகம் உத்தரவு

தேனி மாவட்டம் உத்தமபாளையம் அருகே உள்ள கோம்பை பேரூராட்சியின் செயல் அலுவலர் முறைகேடு புகாரில் சஸ்பெண்ட் செய்யப்பட்டுள்ளார்.

229 views

4 வயது சிறுமிக்கு கொரோனா தொற்று உறுதி

வாணியம்பாடியில் அரசு மருத்துவமனையில் தனிமைப்படுத்தி வைக்கப்பட்டிருந்த 4 வயது சிறுமிக்கு கொரோனா தொற்று உறுதி செய்யப்பட்டது.

36 views

ஊரடங்கு காலத்தில் 1 லட்சம் விதை பந்துகளை தயாரித்த மாணவர்கள்

உலக சுற்றுசூழல் தினமான இன்று ஒரு லட்சம் விதை பந்துக்கள் தயாரித்து மலை கிராம மாணவ-மாணவிகள் சாதனை படைத்துள்ளனர்.

88 views

தேனி மாவட்டத்தில் காற்றாலை மின்உற்பத்தி தொடர்ந்து அதிகரிப்பு

தென்மேற்கு பருவமழை சீசன் கேரளாவில் தொடங்கி உள்ள நிலையில், தேனி மாவட்டத்தில் தற்போது காற்று அதிகளவில் வீசத்தொடங்கி உள்ளது.

18 views

சிலம்பாட்டத்தில் அசத்தும் கிராமப்புற மாணவ- மாணவிகள்

கொரோனா அச்சம் காரணமாக நகர்புறங்களில் படிக்கும் மாணவ-மாணவிகளுக்கு ஆன்லைன் மூலம் வகுப்புகள் நடத்தப்பட்டு வரும் நிலையில், கிராமப்புற மாணவ-மாணவிகள் வீட்டிலேயே முடங்கும் நிலை ஏற்பட்டது.

25 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.