தேர்தல் கூட்டணிக்கு தயாராகும் மார்க்சிஸ்ட் கம்யூனிஸ்ட் கட்சி
பதிவு : பிப்ரவரி 12, 2019, 02:46 PM
தேர்தல் கூட்டணிக்கு தயாராகும் மார்க்சிஸ்ட் கம்யூனிஸ்ட் கட்சி, இதுவரை எடுத்த நிலைப்பாடுகள், பெற்ற வாக்குக்கள் பற்றி ஒரு தொகுப்பை இப்போது பார்ப்போம்.
கடந்த 1964 ஆண்டு இந்திய கம்யூனிஸ்ட் கட்சி இரண்டாக உடைந்தது.  அதில் ஒரு அணி, மார்க்சிஸ்ட் கம்யூனிஸ்ட் கட்சியாக உருவெடுத்தது. 1967 தமிழக சட்டமன்ற தேர்தலில், திமுகவுடன் கூட்டணி அமைத்து போட்டியிட்ட மார்க்சிஸ்ட் கம்யூனிஸ்ட் கட்சி  4 சதவீத வாக்குகள் பெற்று, 11 இடங்களில் வெற்றி பெற்றது. 

1971 தமிழக சட்டமன்ற தேர்தலில் தனியாக போட்டியிட்ட மார்க்சிஸ்ட் கம்யூனிஸ்ட் கட்சி 1.65 சதவீத வாக்குகள் பெற்று, போட்டியிட்ட 37 இடங்களிலும் தோற்றது. 1977 தமிழக சட்டமன்ற தேர்தலில் அதிமுகவுடன் கூட்டணி அமைத்து போட்டியிட்ட மார்க்சிஸ்ட் கம்யூனிஸ்ட் கட்சி  2.8 சதவீத வாக்குகள் பெற்று, 12  தொகுதிகளில் வெற்றி பெற்றது.

1980 தமிழக சட்டமன்ற தேர்தலில் அதிமுகவுடன் கூட்டணி அமைத்து மார்க்சிஸ்ட் கம்யூனிஸ்ட் கட்சி 3.2 சதவீத வாக்குகள் பெற்று 11 இடங்களில் வெற்றி பெற்றது. கடந்த 1984 ஆம் ஆண்டு நடைபெற்ற தமிழக சட்டமன்ற தேர்தலில் திமுகவுடன் கூட்டணி அமைத்து போட்டியிட்ட மார்க்சிஸ்ட் கம்யூனிஸ்ட் கட்சி  2.8 சதவீத வாக்குகள் பெற்று, 5  தொகுதிகளில் வெற்றி பெற்றது.

1989 தமிழக சட்டமன்ற தேர்தலில் திமுகவுடன் கூட்டணி அமைத்து போட்டியிட்ட மார்க்சிஸ்ட் கம்யூனிஸ்ட் 3.5 சதவீத வாக்குகள் பெற்று, 15 இடங்களில் வெற்றி பெற்றது. கடந்த 1991 ஆம் ஆண்டு நடைபெற்ற தமிழக சட்டமன்ற தேர்தலில்  மார்க்சிஸ்ட் கம்யூனிஸ்ட்  கட்சி திமுகவுடன் கூட்டணி அமைத்து  3.1 சதவீத வாக்குகள் பெற்று, 1 இடத்தில் வெற்றி பெற்றது.

1996 தமிழக சட்டமன்ற தேர்தலில் திமுக-தமாகா உடன் கூட்டணி அமைத்து போட்டியிட்ட மார்க்சிஸ்ட் கம்யூனிஸ்ட் கட்சி 1.68 சதவீத வாக்குகள் பெற்று, 
1  தொகுதியில் வெற்றி பெற்றது. 1999 நாடாளுமன்ற தேர்தலில், அதிமுக அணிக்கு மாறிய, மார்க்சிஸ்ட் கம்யூனிஸ்ட் கட்சி 2.4 சதவீத வாக்குகள் பெற்று, ஒரு இடத்தில் வென்றது. 2001 தமிழக சட்டமன்ற தேர்தலில் அதிமுகவுடன் கூட்டணி அமைத்து போட்டியிட்ட மார்க்சிஸ்ட் கம்யூனிஸ்ட் 1.7 சதவீத வாக்குகள் பெற்று, 6 இடங்களில் வெற்றி பெற்றது.

2004 நாடாளுமன்ற தேர்தலில், திமுக-காங்கிரஸ் அணிக்கு மாறிய மார்க்சிஸ்ட் கம்யூனிஸ்ட் 2.9 சதவீத வாக்குகள் பெற்று, 2 தொகுதிகளில் வென்றது. கடந்த 2006 தமிழக சட்டமன்ற தேர்தலில் திமுக-காங்கிரஸ் கூட்டணியில் இடம் பெற்றிருந்த மார்க்சிஸ்ட் கம்யூனிஸ்ட் 2.7 சதவீத வாக்குகள் பெற்று, 9 இடங்களில் வெற்றி பெற்றது.

2009 நாடாளுமன்ற தேர்தலில், அதிமுக அணிக்கு மாறிய, மார்க்சிஸ்ட் 2.2 சதவீத வாக்குகள் பெற்று, ஒரு இடத்தில் வென்றது. 2011 தமிழக சட்டமன்ற தேர்தலில் அதிமுகவுடன் கூட்டணி அமைத்து போட்டியிட்ட மார்க்சிஸ்ட் கம்யூனிஸ்ட் 2.4 சதவீத வாக்குகள் பெற்று, 10 தொகுதிகளில் வெற்றி பெற்றது. 2014 நாடாளுமன்ற தேர்தலில், இந்திய கம்யூனிஸ்ட் கட்சியுடன்  கூட்டணி அமைத்து 9 இடங்களில் போட்டியிட்ட மார்க்சிஸ்ட் , 0.5 சதவீத வாக்குகள் பெற்று, அனைத்து இடங்களிலும் தோற்றது. 2016 தமிழக சட்டமன்ற தேர்தலில், மக்கள் நலக் கூட்டணியில் இடம் பெற்றிருந்த மார்க்சிஸ்ட் கம்யூனிஸ்ட் , 25 இடங்களில் போட்டியிட்டு, 0.72 சதவீத வாக்குகள் பெற்று, அனைத்து தொகுதிகளிலும்  தோல்வியுற்றது. 

தொடர்புடைய செய்திகள்

அரசுப் பள்ளிகளில் சேரும் மாணவர்களின் எண்ணிக்கை சரிவு : தனியாரில் அதிகரிப்பு

தமிழக அரசுப் பள்ளிகளில் சேரும் மாணவர்களின் எண்ணிக்கை அதிரடியாக சரிவடைந்தது, கல்வியாளர்கள் மற்றும் சமூக ஆர்வலர்களை வருத்தமடையச் செய்துள்ளது.

3954 views

பிற செய்திகள்

பிறந்தநாள் கொண்டாட்டங்களை தவிர்த்திடுங்கள் : கட்சியினருக்கு திமுக தலைவர் ஸ்டாலின் வேண்டுகோள்

தம்முடைய பிறந்தநாள் கொண்டாட்டங்களை தவிர்த்து, நாடாளுமன்ற தேர்தல் பணிகளை ஆற்றிட வேண்டும் என கட்சியினருக்கு திமுக தலைவர் ஸ்டாலின் வேண்டுகோள் விடுத்துள்ளார்.

18 views

அதிமுக ,பாஜக, பாமக, கூட்டணியுடன் தேமுதிகவும் இணையும் - தமிழிசை

அதிமுக, பாஜக, பாமக அணியில் விரைவில் தேமுதிகவும் இணையும் என தமிழக பாஜக தலைவர் தமிழிசை சவுந்தரராஜன் தெரிவித்துள்ளார்.

33 views

திமுக பிரமுகர் வீட்டில்வருமான வரித்துறை சோதனை

வேலூர் மாவட்டம் குடியாத்தம் அருகே உள்ள கே.வி.குப்பத்தைச் சேர்ந்த திமுக பிரமுகர் சிவகுமாரின் வீட்டில் 10க்கும் மேற்பட்ட வருமான வரித்துறையினர் சோதனை மேற்கொண்டனர்.

98 views

அ.தி.மு.கவுடன் தே.மு.தி.க. இணைவதில் சிக்கல் - இரட்டை இலக்க தொகுதிகளை கேட்பதால் இழுபறி

பா.ம.க-வுக்கு இணையான தொகுதிகளை பெற முயற்சிப்பதால், அ.தி.மு.க தலைமையிலான கூட்டணியில் தே.மு.திக இணைவதில் இழுபறி நீடித்து வருகிறது.

428 views

திமுகவுடன் தொகுதிப் பங்கீடு பேச்சுவார்த்தை - இந்திய கம்யூனிஸ்ட் தலைவர்களுடன் பேச்சு

திமுக கூட்டணியில் இடம் பெற்றுள்ள இந்திய கம்யூனிஸ்ட் கட்சியுடன் தொகுதிப் பங்கீடு பேச்சுவார்த்தை சென்னை அண்ணா அறிவாலயத்தில் நடைபெற்றது.

89 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.