'181' 24 மணி நேர கட்டணமில்லா மகளிர் உதவி மையம்...
பதிவு : ஜனவரி 10, 2019, 01:58 PM
தமிழகத்தில் கடந்த டிசம்பர் 10ஆம் தேதி தொடங்கப்பட்ட பெண்களுக்கான 24 மணி நேர கட்டணமில்லா உதவி மையம், இந்த ஒரு மாதத்தின் சாதனைகளும், சவால்களும்.
கடந்த 6 ஆண்டுகளுக்கு முன் டெல்லியில் நடந்த நிர்பயா பாலியல் வன்கொடுமையை தொடர்ந்து, பெண்களின் பாதுகாப்பை உறுதி செய்யும் விதமாக 181 என்ற பெண்கள் உதவி அழைப்பு எண் அறிமுகப்படுத்தப்பட்டது. முதலில் டெல்லியில் அறிமுகப்படுத்தப்பட்டு, பின்னர் பல்வேறு மாநிலங்களிலும் 181 இலவச சேவை கொண்டுவரப்பட்டது. இதன் தொடர்ச்சியாக, தமிழகத்திலும் 2 ஆண்டுகளுக்கு முன்னர் இதற்கான பணிகள் தொடங்கப்பட்டு, கடந்த மாதம் 10ஆம் தேதி, தமிழக முதல்வர் எடப்பாடி பழனிச்சாமியால் அதிகாரப்பூர்வமாக தொடங்கி வைக்கப்பட்டது. மத்திய அரசின் "நிர்பயா நிதி" யில் இருந்து இதற்கான பட்ஜெட் ஒதுக்கப்பட்டு, மாநில சமூக நலத்துறையின் மூலம் இது செயல்படுத்தப்படுகிறது. இதற்காகவே, முதுகலை சமூகப்பணி பட்டப்படிப்பு முடித்தவர்கள், சட்டம் படித்தவர்கள், உளவியல் பட்டதாரிகள் போன்றோர்  பணியில் அமர்த்தப்பட்டு, அவர்களுக்கு பிரத்யேக பயிற்சியும் அளிக்கப்பட்டுள்ளது. 

கடந்த ஒரு மாதத்தில் மட்டும் 181இல் 14,400 அழைப்புகளை ஏற்றுள்ளதாகவும்,  அதன் மூலம் 2,336 புகார்கள் பதியப்பட்டுள்ளதாகவும் சமூக நலத்துறையின் அறிக்கை கூறுகிறது. அதன்படி, அதிகபட்சமாக, குடும்ப வன்முறை குறித்து 366 புகார்களும், பெண்கள் சொத்துரிமை குறித்து 132 புகார்களும், குடித்துவிட்டு தாக்கும் கணவன் குறித்து 127 புகார்களும், வரதட்சணை கொடுமை குறித்து 100 புகார்களும், கள்ளத்தொடர்பு குறித்து 91 புகார்களும், பாலியல் சீண்டல்கள் குறித்து 77 புகார்களும், மிரட்டல்கள் குறித்து 75 புகார்களும் பதியப்பட்டுள்ளன. இதுமட்டுமின்றி, பெண்களுக்கான உதவித்தொகை, சட்ட உதவிகள், மருத்துவ வசதிகள் குறித்த வழிகாட்டுதல்களும், வீட்டை விட்டு வெளியேறிய அல்லது வெளியேற்றப்பட்ட பெண்களுக்கான மீட்பு மற்றும் தங்கும் வசதிக்கான ஏற்பாடுகளும், உளவியல் ரீதியாக பாதிக்கப்பட்ட பெண்களுக்கு உரிய முதற்கட்ட கவுன்சிலிங்கும் இந்த 181 அழைப்பு மையம் மூலம் வழங்கப்பட்டு வருகிறது. பாதிப்பிற்குள்ளான பெண்கள் 181ஐ தொடர்பு கொண்டு புகார் அளித்ததும், அவர்களின் முகவரிக்கு, காவல்துறை அல்லது நீதிமன்ற துணையுடன் அந்த மாவட்டத்தின் சமூக பாதுகாப்பு அதிகாரி உதவிக்கு அனுப்பபப்பட்டு அந்த பெண்களின் பாதுகாப்பு உறுதி செய்யப்படுகிறது. இங்கு கொடுக்கப்படும் உளவியல் ஆலோசனைகளின் மூலம், கடந்த ஒரு மாதத்தில் மட்டும் 20க்கும் மேற்பட்ட தற்கொலைகள் தடுத்து நிறுத்தப்பட்டுள்ளன. 

தற்போது 11 பேருடன் இயங்கும் இந்த 181 அழைப்பு மையத்தை, விரைவில் மேலும் விரிவுபடுத்த ஆலோசனையில் உள்ளதாக சமூக நலத்துறையினர் கூறுகின்றனர். இம்மையத்தில் பணிபுரிவோர் முன்வைக்கும் பிரதான குற்றச்சாட்டு, மையத்திற்கு வரும் Prank calls  எனப்படும் குறும்பு அழைப்புகள் தான். அவ்வாறான அழைப்புகளுக்கு எதிராக கடுமையான நடவடிக்கை மேற்கொள்ளப்படும் என சமூக நலத்துறை எச்சரிக்கை விடுத்துள்ளது. 

தொடர்புடைய செய்திகள்

அரசுப் பள்ளிகளில் சேரும் மாணவர்களின் எண்ணிக்கை சரிவு : தனியாரில் அதிகரிப்பு

தமிழக அரசுப் பள்ளிகளில் சேரும் மாணவர்களின் எண்ணிக்கை அதிரடியாக சரிவடைந்தது, கல்வியாளர்கள் மற்றும் சமூக ஆர்வலர்களை வருத்தமடையச் செய்துள்ளது.

4711 views

பிற செய்திகள்

போலீசாரிடம் சிக்கினார் ரவுடி பினு

பிரபல ரவுடி பினுவை, நேற்று இரவு சென்னை எழும்பூர் பகுதியில் வைத்து போலீசார் கைது செய்துள்ளனர்.

62 views

அ.தி.மு.க தேர்தல் அறிக்கை

கல்விக்கடன் தள்ளுபடி, நீட் தேர்வுக்கு விலக்கு உள்பட பல்வேறு வாக்குறுதிகள் அ.தி.மு.க தேர்தல் அறிக்கையில் இடம்பெற்றுள்ளன.

83 views

பொள்ளாச்சி வன்கொடுமைக்கு கண்டனம் : தஞ்சை கல்லூரி மாணவர்கள் ஆர்ப்பாட்டம்

பொள்ளாச்சி பாலியல் வன்கொடுமையை கண்டித்து தஞ்சை அரசு கலைக்கல்லூரி மாணவர்கள் வகுப்பை புறக்கணித்து ஆர்ப்பாட்டத்தில் ஈடுபட்டனர்.

13 views

கும்பகோணம் நாகேஸ்வரர் கோயில் சுவாமி அம்பாள் திருக்கல்யாணம்

கும்பகோணம் நாகேஸ்வரர் கோயில் சுவாமி அம்பாள் திருக்கல்யாணம் வெகு விமர்சையாக நடைபெற்றது.

30 views

பண்ணாரி அம்மன் கோயில் குண்டம் திருவிழா : நேர்த்திக்கடன் செலுத்தும் திரளான பக்தர்கள்

ஈரோடு மாவட்டம் சத்தியமங்கலத்தில், பண்ணாரி அம்மன் கோயில் குண்டம் திருவிழா வெகு விமரிசையாக நடைபெற்று வருகிறது.

79 views

மக்களவை தேர்தல் - திமுக தேர்தல் அறிக்கை வெளியீடு

மக்களவை தேர்தலுக்கான தேர்தல் அறிக்கையை திமுக தலைவர் ஸ்டாலின் வெளியிட்டார்.

530 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.