பொங்கல் பரிசாக ரூ.1000 அனைவருக்கும் வழங்க கூடாது - உயர்நீதிமன்றம் அதிரடி
பதிவு : ஜனவரி 09, 2019, 02:33 PM
பொங்கல் பண்டிகையை ஒட்டி வறுமைக் கோட்டுக்கு கீழ் வசிப்பவர்களுக்கு மட்டும் ஆயிரம் ரூபாய் பொங்கல் பரிசு வழங்க சென்னை உயர்நீதிமன்றம் உத்தரவிட்டுள்ளது.
பொங்கல் பண்டிகையை ஒட்டி வறுமைக் கோட்டுக்கு கீழ் வசிப்பவர்களுக்கு மட்டும் ஆயிரம் ரூபாய் பொங்கல் பரிசு வழங்க சென்னை உயர்நீதிமன்றம்  உத்தரவிட்டுள்ளது.

கோவையைச் சேர்ந்த சமூக ஆர்வலர் டேனியல் ஜேசுதாஸ் தாக்கல் செய்த மனுவில், தமிழக அரசின் தற்போதைய வரி வருவாய் ஒரு லட்சத்து 12 ஆயிரத்து 616 கோடி ரூபாயாகவும், மொத்த கடன், 3 லட்சத்து 55 ஆயிரத்து 845 கோடி ரூபாயாக இருப்பதாகவும் தெரிவித்துள்ளனர்.  இதுதவிர பல்வேறு திட்டங்களுக்கு 43 ஆயிரத்து 962 கோடி ரூபாய் கடன் பெறவும் அரசு திட்டமிட்டுள்ளதாகவும் அவர் தெரிவித்துள்ளார். இந்தச் சூழ்நிலையில், 

அனைத்து ரேஷன் அட்டைதாரர்களுக்கும் ஆயிரம் ரூபாய் பொங்கல் பரிசு வழங்குவது, அரசுக்கு கூடுதல் நிதிச் சுமையை ஏற்படுத்தும் என்பதால், பொங்கல் பரிசு வழங்குவதற்கு தடை விதிக்க வேண்டும் என மனுவில் அவர் கூறியிருந்தார்.

இந்த மனு,  நீதிபதிகள் சத்திய நாராயணன், ராஜமாணிக்கம் ஆகியோர் அடங்கிய அமர்வு முன்பு விசாரணைக்கு வந்தது. 

அப்போது, ஆஜரான அரசுத் தரப்பு வழக்கறிஞர் விஜய் நாராயணனிடம் நீதிபதிகள் எழுப்பிய கேள்விக்கு, , திட்டத்துக்கு 2 ஆயிரத்து 500 கோடி ரூபாய் செலவாவதாக அவர் தெரிவித்தார்.

இதையடுத்து, திட்டத்துக்கு கட்சிப் பணத்தை செலவிட்டால் கேட்க மாட்டோம் எனத் தெரிவித்த நீதிபதிகள், அரசு பணத்தை செலவிடுகிறீர்கள், எந்த நோக்கத்துக்காக ஆயிரம் ரூபாய் பொங்கல் பரிசு வழங்கப்படுகிறது எனக் கேள்வி எழுப்பினர்.

இந்தத் தொகையை உள்கட்டமைப்பு வசதிகளை மேம்படுத்த செலவிடலாமே எனத் தெரிவித்த  நீதிபதிகள், அனைத்து ரேஷன் அட்டைதாரர்களுக்கும் 
ஆயிரம் ரூபாய்  பொங்கல் பரிசு வழங்கக்கூடாது என உத்தரவிட்டனர்.

வறுமை கோட்டுக்கு கீழ் வசிப்பவர்களுக்கு மட்டுமே வழங்கலாம் எனவும் தெரிவித்தனர். மேலும் மனுவுக்கு பதிலளிக்கவும் தமிழக அரசுக்கு நீதிபதிகள் உத்தரவிட்டனர்.

தொடர்புடைய செய்திகள்

இலங்கை தமிழர்களை பாதுகாக்க பிரதமர் மோடியால் மட்டுமே முடியும் - பொன்.ராதாகிருஷ்ணன்

இலங்கை தமிழர்கள் உட்பட உலகம் முழுவதும் உள்ள தமிழர்களை பாதுகாக்க பிரதமர் மோடியால் மட்டுமே முடியும் என பொன்.ராதாகிருஷ்ணன் தெரிவித்துள்ளார்.

1255 views

பிற செய்திகள்

சேலம்: உள்ளாட்சி பிரதிநிதிகள் இல்லாததால் எந்த மாதிரியான பாதிப்புகள் ஏற்பட்டிருக்கிறது..!

உள்ளாட்சி பிரதிநிதிகள் இல்லாததால் உள்ளாட்சி அமைப்புகள் எந்த மாதிரியான பாதிப்புகளுக்கு உள்ளாகியிருக்கிறது என்பதைச் சொல்லுகிறது இந்த தொகுப்பு.

4 views

8 ஆண்டுகளுக்கு பிறகு லண்டனில் இருந்து திரும்பியவர் வரதட்சணை புகாரில் கைது

பரமக்குடியில் வரதட்சணை வழக்கில் 8 ஆண்டுகளுக்கு பிறகு லண்டனில் இருந்து திரும்பிய கணவர் கைது செய்யப்பட்டார்.

76 views

மகளிர் காவல் ஆய்வாளரை கைது செய்ய வலியுறுத்தல் : 100க்கும் மேற்பட்ட வழக்கறிஞர்கள் போராட்டம்

திண்டுக்கல் அனைத்து மகளிர் காவல்நிலைய ஆய்வாளரை கைது செய்ய வலியுறுத்தி வழக்கறிஞர்கள் சாலை மறியலில் ஈடுபட்டனர்.

26 views

மெல்ல மெல்ல விதவையாகும் பேருந்து நிலையம்...

பேருந்து நிறுத்தத்தின், அவல நிலையைச் சுட்டிக்காட்டி, 'கணவனைக் காணவில்லை' என்ற வைக்கப்பட்ட ப்ளக்ஸ் பேனரால் பரபரப்பு ஏற்பட்டுள்ளது.

62 views

குடிநீர் கேன்களில் நெளியும் புழுக்கள்

'சுகாதாரமற்ற குடிநீரை விற்கும் நிறுவனங்கள் மீது நடவடிக்கை எடுக்க வேண்டும்' என, பொதுமக்கள் வலியுறுத்தியுள்ளனர்.

41 views

விவசாயிகள் பெயரில் ரூ.350 கோடி கடன் : நடவடிக்கை எடுக்க கோரி ஆர்ப்பாட்டம்

விவசாயிகள் பெயரில், சுமார் 350 கோடி ரூபாய் கடன் வாங்கிய சர்க்கரை ஆலை நிர்வாகத்தைக் கண்டித்து, ஆர்ப்பாட்டம் நடைபெற்றது.

26 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.