108 திவ்ய தேசங்களில் 10வது இடம் பெற்ற தேரழுந்தூர் ஆமருவிப் பெருமாள் கோயில்
பதிவு : அக்டோபர் 11, 2018, 10:01 PM
108 திவ்ய தேசங்களில் 10 வது இடம் பெற்ற தேரழுந்தூர் ஆமருவிப் பெருமாளின் சிறப்புகள்
நாகை மாவட்டம் குத்தாலம் அருகே தேரழுந்தூர் என்ற ஊரில் இருக்கிறது ஆமருவிப் பெருமாள் கோயில். திருமங்கையாழ்வாரால் மங்களாசாசனம் பாடப்பெற்ற கோயில் என்ற பெருமை இதற்கு உண்டு. இத்தலத்தில் மூலவராக இருக்கும் பெருமாள் தேவாதிராஜனாக அருள்பாலிக்கிறார். கோமளவல்லி தாயார், செங்கமல தாயாருடன் நின்ற கோலத்தில் அருள்பாலிக்கும் காட்சி பக்தர்களுக்கு காணக் கிடைக்காத அதிசயம்.

தேவாதிராஜனாக இருந்த பெருமாளுக்கு ஆமருவியப்பன் என்ற பெயர் வந்த கதை கொஞ்சம் சுவாரசியமானதும் கூட. எம்பெருமாள் மாடு மேய்ப்பவராக மாறி பசுக்களை இந்த பகுதியில் மேய்த்துக் கொண்டு இருந்தார். அப்போது உபரிஜரவசு என்ற தேவலோக அரசன் ஆகாய மார்க்கமாக தேரில் சென்று கொண்டிருந்த போது அந்த தேரின் நிழல் பட்டு பசுக்களுக்கு ஆபத்து ஏற்படும் சூழல் உருவானது. 

இதைப் பார்த்த அந்த பெருமாள் அந்த தேரை தடுத்து நிறுத்தி பூமியில் அழுத்தியதால் தேரழுந்தூர் என்ற பெயர் உருவானதாக கூறப்படுகிறது. பசுக்களுக்கு ஆபத்து ஏற்படுத்திய கோஹத்தி தோஷம் போக்க தேவலோக அரசன் பெருமாளுக்கு ஆயிரம் குடங்கள் வெண்ணெய் சாத்தி வழிபட்டதால் தோஷம் நீங்கியதாக வரலாறு கூறுகிறது. இதனாலேயே பெருமாளுக்கு ஆமருவியப்பன் என்ற பெயர் வந்ததாம்.

இந்த நிகழ்வை நினைவு கூறும் வகையில் தை அமாவாசை அன்றும் புரட்டாசி கடைசி சனிக்கிழமையும் பெருமாளுக்கு ஆயிரம் வெண்ணெய் குடங்கள் சாத்தும் வைபவம் நடக்கிறது. திருமண வரம், குழந்தைப் பேறு வேண்டுவோர் இந்த தலத்திற்கு வந்து வழிபாடு நடத்தினால் நினைத்தது கை கூடும் என்கிறார்கள். மற்ற கோயில்களில் பெருமாளுக்கு எதிரே காட்சி தரும் கருடாழ்வார் இந்த சன்னிதியில் பெருமாளுக்கு அருகே அருள் பாலிக்கிறார். மார்க்கண்டேய மகரிஷி தவம் புரிந்த தலம் என்பதால் இங்கு வந்து வழிபாடு நடத்தினால் உயர்ந்த பதவி கிடைக்கும் என்ற நம்பிக்கை பக்தர்களிடையே உள்ளது. புரட்டாசி மாதம், வைகாசி மாதம் நடக்கும் தேர்திருவிழா, கார்த்திகை உற்சவம், பகல்பத்து, ராப்பத்து உற்சவம் என விழாக்காலங்களில் அலங்கார நாயகனாக பக்தர்களுக்கு காட்சி கொடுக்கிறார் ஆமருவியப்பன்.

பிற செய்திகள்

வரதராஜ பெருமாள் கோயிலில் கும்பாபிஷேகம் : மேள தாளம் முழங்க புனித நீர் கலசங்கள் ஊர்வலமாக கொண்டுவரப்பட்டது

கோவை வடவள்ளி முல்லை நகரில் வரதராஜ பெருமாள் கோயிலில் கும்பாபிஷேகம் விமரிசையாக நடைபெற்றது.

10 views

இளைஞர் தற்கொலை வழக்கில் திருப்பம் : கொலை செய்துவிட்டு தூக்கில் தொங்க விடப்பட்டது அம்பலம்

விழுப்புரம் மாவட்டம் உளுந்தூர்பேட்டை அருகே மகன் இறப்பில் சந்தேகம் என தந்தை கொடுத்த புகாரில் 2 பேரை போலீசார் கைது செய்தனர்.

72 views

உலக அளவில் 220 கோடி பேருக்கு குடிக்க சுகாதாரமான நீர் இல்லை : ஐக்கிய நாடுகள் சபை பகீர் தகவல்

உலக அளவில் 220 கோடி பேருக்கு குடிப்பதற்கு சுகாதாரமான தண்ணீர் இல்லை என்று ஐக்கிய நாடுகள் சபை அறிக்கை ஒன்றை வெளியிட்டுள்ளது.

10 views

ஒரு மாதத்துக்கு மேல் குடிநீர் விநியோகம் செய்யப்படாததைக் கண்டித்து மக்கள் சாலை மறியல்

நாராயணபுரம் கிராமத்தில் குடிநீர் விநியோகம் செய்யப்படாததைக் கண்டித்து மக்கள் சாலை மறியல் போராட்டத்தில் இறங்கினர்.

8 views

விபத்தில் காயமடைந்தவர்களை மீட்ட அமைச்சர் ராஜேந்திர பாலாஜி...

மதுரை விமான நிலையம் அருகே விபத்தில் சிக்கி காயமடைந்தவர்களை, அமைச்சர் ராஜேந்திர பாலாஜி மீட்டு மருத்துவமனையில் அனுமதித்தார்.

9 views

முறைகேடாக பொருத்தப்பட்ட 108 மோட்டார்கள் பறிமுதல்

மங்கலம்பேட்டை பேரூராட்சியில் குடிநீர் இணைப்பில் முறைகேடாக பொருத்தப்பட்ட மின் மோட்டார்கள் பறிமுதல் செய்யப்பட்டுள்ளன.

6 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.