பிறந்த நாளன்று காதலியை துப்பாக்கியால் சுட்டுக் கொன்ற காதலன் - அதிர்ச்சி சம்பவம்
பதிவு : அக்டோபர் 10, 2018, 12:24 PM
மாற்றம் : அக்டோபர் 10, 2018, 12:25 PM
மருத்துவக் கல்லூரி மாணவிக்கும், காவல்துறை ஊழியர் ஒருவருக்கும் முகநூலில் மலர்ந்த காதல் துப்பாக்கிச் சூட்டில் முடிந்துள்ள சம்பவம் விழுப்புரம் மாவட்டத்தில் பெரும் அதிர்ச்சியை ஏற்படுத்தியுள்ளது
ஈரோடு மாவட்டம் சத்தியமங்கலத்தை சேர்ந்த கார்த்திக் வேல் என்பவர்  தமிழ்நாடு பாதுகாப்பு பிரிவில் காவலராக சென்னையில் பணியாற்றி வந்துள்ளார். 

இவருக்கும், விழுப்புரம் மாவட்டம் செஞ்சியை அடுத்த, அன்னியூர் கிராமத்தை சேர்ந்த மருத்துவக் கல்லூரி மாணவி சரஸ்வதிக்கும் முகநூல் மூலம் நட்பு ஏற்பட்டு கடந்த நான்கு ஆண்டுகளாக காதலித்து வந்துள்ளனர். 

சரஸ்வதியும் சென்னையில் உள்ள மருத்துவக் கல்லூரியில் மூன்றாம் ஆண்டு படித்து வநதுள்ளார்.  இந்நிலையில் சரஸ்வதி தனது பிறந்த நாளை கொண்டாடுவதற்காக, சொந்த ஊரான அன்னியூர் கிராமத்திற்கு வந்துள்ளார். 

இதையடுத்து காதலிக்கு பிறந்தநாள் வாழ்த்து சொல்வதற்காக காவலர் கார்த்திக்வேல்,கேக்குடன் காதலி வீட்டிற்கு சென்றுள்ளார். கதவை திறந்து காதலனை வரவேற்றது சரஸ்வதியின் குடும்பம்.  

பிறந்த நாள் கேக்கை பரிசளித்த கார்த்திக்வேல், சரஸ்வதியுடன் பேசியுள்ளார். ஏற்கெனவே இருவருக்கும் ஏதோ ஒரு வகையில் மனக்கசப்பு இருந்துவர, அதைச் சரிசெய்ய கார்த்திக்வேல் முயன்றுள்ளார் . 

அந்த வாக்குவாதத்தில் மறைத்து வைத்திருந்த துப்பாக்கியால் சரஸ்வதியை சுட்டுக் கொன்ற கர்த்திக்வேல், தன்னையும் சுட்டு தற்கொலை செய்து கொண்டுள்ளார். 

சரஸ்வதி செவிலியராக பணியாற்றி வந்தபோது, கார்த்திக்வேலுடன் மலர்ந்த காதல், மருத்துவ கல்லூரி மாணவியானவுடன் கருகத் தொடங்கியதாகத் தெரிகிறது. 

மருத்துவப் படிப்பில் சேர்ந்த சரஸ்வதி காதலை புறம்தள்ளி முழுக்க முழுக்க படிப்பில் கவனம் செலுத்தி வந்துள்ளார். ஆனால் கார்த்திக்வேல் தனது பழைய காதலை மருத்துவ மாணவியான சரஸ்வதியிடம் தேடத் துவங்க, இருவருக்குமான கசப்பு பெருகியுள்ளது. அந்த கசப்பு அவ்வப்போது வார்த்தைகளில் வெளிப்பட்டு இருவருக்கும் இடையே இடைவெளியை ஏற்படுத்தியிருக்கிறது. 

இடைவெளியை சரிசெய்து, தனது பழைய காதலைப் புதுப்பித்துக் கொள்ள முடிவு செய்த கார்த்திக்வேல், சரஸ்வதியின் பிறந்தநாளான இன்று அதிகாலை அன்னியூருக்குச் சென்றுள்ளார். ஆனால் என்ன காரணத்தாலோ, பிறந்த நாள் கேக்குடன், துப்பாகியையும் எடுத்துச் சென்றுள்ளார் கார்த்திக். முதலில் வாழ்த்துச் சொன்னபோது, சரஸ்வதியின் பெற்றோர் அருகில் இருக்க, அடுத்து காதல் பற்றி கார்த்திக் பேச்செடுத்த நிலையில் அந்த பிறந்த நாள் வீடு, தன் அடையாளத்தை இழக்கத் துவங்கியது. இருவருக்குமிடையே நடந்த வாக்குவாதம், கண்முன் சரஸ்வதிக்கு நேரப் போகும் கொடூரம் இவற்றையெல்லாம் அறியாத சரஸ்வதியின் தந்தையும், சகோதரியும் இருவரையும் எப்படி சமாதானப்படுத்துவது என்று யோசித்தபோதுதான், துப்பாக்கி குண்டுகள் முழங்க, மகளின் உயிர் நொடியில் பறிபோனது. இன்னொரு குண்டு பிறந்தநாள் வாழ்த்துச் சொல்ல வந்த கார்த்திக் உயிரையும் பறித்தது. 

பிறந்த நாள் பாட்டு ஒலிக்க வேண்டிய அந்த வீட்டில் அழுகுரல் ஓங்கி ஒலிக்கத் துவங்கியது. ஊரே அந்த வீட்டின் முன் திரள போலீஸும் வந்து விசாரணையைத் துவங்கியது. இருரின் உடல்களை மீட்ட போலீஸார் முண்டியம்பாக்கம் அரசு மருத்துவமனைக்கு அனுப்பி வைத்துனர். காதலராக மாறிய காவலர் தன் காதலிக்கு பிறந்த நாள் பரிசாக துப்பாக்கி குண்டுகளை வழங்கி விட்டு, தானும் தற்கொலை செய்து கொண்ட சம்பவம் அப்பகுதியில் பெரும் அதிர்வலைகளை ஏற்படுத்தியுள்ளது. முகநூலில் மலர்ந்த காதல் துப்பாக்கி குண்டுகளுக்கு இரையாகியுள்ளது.   


தொடர்புடைய செய்திகள்

இலங்கை தமிழர்களை பாதுகாக்க பிரதமர் மோடியால் மட்டுமே முடியும் - பொன்.ராதாகிருஷ்ணன்

இலங்கை தமிழர்கள் உட்பட உலகம் முழுவதும் உள்ள தமிழர்களை பாதுகாக்க பிரதமர் மோடியால் மட்டுமே முடியும் என பொன்.ராதாகிருஷ்ணன் தெரிவித்துள்ளார்.

1267 views

பிற செய்திகள்

ஸ்டாலினுக்கு எதிராக உயர்நீதிமன்றத்தில் வழக்கு : ஒரு வழக்கை திரும்பப் பெற்றார் அமைச்சர் வேலுமணி

உள்ளாட்சி துறையில் முறைகேடுகள் தொடர்பாக தன்னை தொடர்புபடுத்தி பேச திமுக தலைவர் ஸ்டாலினுக்கு தடை விதிக்கக்கோரிய மனுவை, அமைச்சர் வேலுமணி திரும்ப பெற்றார்.

6 views

ஆட்டோ மீது லாரி மோதி விபத்து : பள்ளி மாணவ மாணவிகள் 8 பேர் படுகாயம்

மதுரை மாவட்டம் உசிலம்பட்டி அருகே ரங்கசாமிபட்டியில் தனியார் பள்ளியில் பயிலும் 10க்கும் மேற்பட்ட மாணவ மாணவிகளை ஏற்றிக்கொண்டு ஆட்டோ ஒன்று சென்றுக் கொண்டிருந்தது.

30 views

மருத்துவ படிப்புகளில் 25 % இடங்கள் : உயர்த்தி கொள்ள தமிழக அரசுக்கு அனுமதி

மருத்துவ படிப்புகளில் 25% இடங்களை அதிகரித்துக் கொள்ள தமிழகத்திற்கு மத்திய அரசு அனுமதி அளித்துள்ளது.

38 views

திருட்டுத்தனமாக குடிநீர் உறிஞ்சப்படுவதாக புகார் : நகராட்சி ஊழியர்கள் வீடு வீடாக சென்று சோதனை

கடலூரில் திருட்டுத்தனமாக குடிநீர் உறிஞ்ச பயன்படுத்தப்பட்ட 15 மின்மோட்டர்களை நகராட்சி ஊழியர்கள் பறிமுதல் செய்தனர்.

6 views

பள்ளிப்பாடப்புத்தகத்தில் உள்ள தேசிய கீதத்தில் பிழை... ஆசிரியர்கள், மாணவர்கள் கடும் அதிர்ச்சி

பள்ளிப் பாடப்புத்தகத்தில், தேசிய கீதம் பாடல் பிழையுடன் அச்சாகி இருப்பது அதிர்ச்சியை ஏற்படுத்தி உள்ளது.

259 views

பெங்களூருக்கு அனுப்பப்படும் நுங்குகள் : வறட்சியின் காரணமாக விலை உயர்வு

சேலம் மாவட்டம், ஓமலூர் சுற்று வட்டார பகுதிகளில் இருந்து பெங்களூருக்கு அனுப்பப்படும் நுங்குகள், வறட்சியின் காரணமாக விலை அதிகரித்துள்ளது.

13 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.