தமிழக அரசியலில் உதயமாகிறதா புதிய கூட்டணி?
பதிவு : ஆகஸ்ட் 24, 2018, 12:26 PM
மாற்றம் : ஆகஸ்ட் 24, 2018, 01:33 PM
அண்மைக்கால தமிழக அரசியல் நிகழ்வுகள், புதிய கூட்டணி சமன்பாடுகள் உருவாகின்றனவோ என்ற எண்ணத்தை அரசியல் பார்வையாளர்கள் மத்தியில் ஏற்படுத்தி உள்ளது.
முன்னாள் முதலமைச்சர்கள் ஜெயலலிதா மற்றும்  கருணாநிதி உள்ளிட்ட தலைவர்களின்  மரணம் மாநில அளவில் சில மாற்றங்களை உருவாக்கி உள்ளதாக அரசியல் நோக்கர்கள் கருதுகின்றனர் ஜெயலலிதா மறைவின் போது திமுக பொதுக் குழுவில் அவருக்கு ,  இரங்கல் தெரிவித்து தீர்மானம் நிறைவேற்றப்பட்டது.  சென்னையில்  நடைபெற்ற அதிமுக செயற்குழு கூட்டத்தில் திமுக தலைவர் கருணாநிதிக்கு இரங்கல் தெரிவித்து தீர்மானம் நிறைவேற்றப்பட்டது. 

சமீப காலமாக,  தமிழகத்தில் திமுகவுக்கும் பாஜகவுக்கும் இடையே கருத்து மோதல் உச்சத்தில் இருந்தது. கடந்த 2007ம் ஆண்டு செப்டம்பர் மாதம்,தியாகராய நகரில் உள்ள பாஜக தலைமை அலுவலகம் திமுக தொண்டர்கள் சிலரால் தாக்கப்பட்டது. ஆனால் தற்போது, அந்த அலுவலகத்தில் வைக்கப்பட்டிருந்த முன்னாள் பிரதமர் வாஜ்பாயின் அஸ்திக்கு திமுக செயல் தலைவர் ஸ்டாலின், அந்த கட்சியின் நாடாளுமன்ற உறுப்பினர் கனிமொழி உள்ளிட்ட நிர்வாகிகள் நேரில் வந்து அஞ்சலி செலுத்தி உள்ளனர்.இதற்கிடையில் திமுக தலைவர் கருணாநிதிக்கு புகழஞ்சலி செலுத்தும் கூட்டங்கள் சென்னையில் வருகிற 30ஆம் தேதி நடைபெறுகிறது. இந்த கூட்டத்தில் தேசிய தலைவர்கள் பங்கேற்பார்கள் என்று அறிவிக்கப் பட்டிருந்தது. திமுகவுடன்  தோழமையாக உள்ள  தேசிய கட்சிகளின் தலைவர்கள் அதில் பங்கேற்பார்கள் என்று கருதி வந்த நிலையில் எதிர்பாராத திருப்பமாக அந்த கூட்டத்தில் பாஜக தேசிய தலைவர் அமித்ஷா கலந்து கொள்வார் என்று அறிவிக்கப்பட்டுள்ளது.ஸ்டாலின் விடுத்த அழைப்பை,  நேரில் சென்று தெரிவித்த முன்னாள் அமைச்சர் டி.ஆர்.பாலுவிடம், அமித்ஷா,  தனது சென்னை வருகையை உறுதி செய்துள்ளார். காங்கிரஸ் கட்சித்தலைவர் ராகுல்காந்தி வெளிநாட்டு சுற்றுப் பயணத்தில் இருப்பதால், அவருக்கு பதில் கட்சியின் மூத்த தலைவர்  குலாம் நபி ஆசாத் இந்த கூட்டத்தில் பங்கேற்பார் என்று அறிவிக்கப்பட்டுள்ளது. தேசிய அளவில் எதிரும் புதிருமாக இருக்கும் காங்கிரஸ் மற்றும் பாஜக தலைவர்கள் இந்த கூட்டத்தில் பங்கேற்பது தமிழகத்தில் துளிர்த்துள்ள மாற்று அரசியல் , தேசியத்தை நோக்கியும் திரும்பியுள்ளதோ என்று எண்ணத் தோன்றுகிறது... இதனிடையே, அதிமுக செயற்குழுவில் பேசிய துணை முதல்வர் பன்னீர்செல்வம், டெல்லியில் ராணுவ அமைச்சர் நிர்மலா சீதாராமனை சந்திக்க அனுமதி மறுக்கப்பட்ட சம்பவம், தனக்கு ஏற்பட்ட அவமானம் அல்ல, அதிமுகவுக்கு ஏற்பட்ட அவமானமாகவே பார்ப்பதாகவும் குறிப்பிட்டிருந்தார்.இதனால் அதிமுக ஆதரவு என்ற நிலைப்பாட்​டை கைவிட்டு,  திமுகவுக்கு ஆதரவு என்ற நிலைப்பாட்டை பாஜக கையில் எடுக்கத் தொடங்கி உள்ளதாக அரசியல் பார்வையாளர்கள் கருதுகின்றனர்.நாடாளுமன்ற தேர்தல் விரைவில் வர உள்ள நிலையில் , தமிழக அரசியலில் ஏற்பட்டு வரும் இந்த அரசியல் திருப்பங்கள் அணி மாற்றத்திற்கு வித்திட வாய்ப்புள்ளது என அரசியல் பார்வையாளர்கள் கருதுகின்றனர்.




தமிழக அரசியலில் புதிய கூட்டணி உதயமாகிறதா ? -அரசியல் விமர்சகர் 'தராசு' ஷ்யாம், பத்திரிகையாளர் கருத்து




தமிழக அரசியலில் புதிய கூட்டணி உதயமாகிறதா ? -அரசியல் விமர்சகர் ரவீந்திரன் துரைசாமி கருத்து




தமிழக அரசியலில் புதிய கூட்டணி உதயமாகிறதா ? -அரசியல் விமர்சகர் கல்கி பிரியன் கருத்து


தொடர்புடைய செய்திகள்

அனந்தகுமார் உடலுக்கு வெங்கய்யா நாயுடு அஞ்சலி

மறைந்த மத்திய அமைச்சர் அனந்தகுமார் உடலுக்கு குடியரசு துணைத் தலைவர் வெங்கய்யா நாயுடு அஞ்சலி செலுத்தினார்.

221 views

கருணாநிதி நினைவு நிகழ்ச்சி - பாரதிராஜா, வைரமுத்து உள்ளிட்டோர் பங்கேற்பு...

மறைந்த திமுக தலைவர் கருணாநிதிக்கு அஞ்சலி செலுத்தும் வகையில் கவிஞர் வைரமுத்து தலைமையில் கலைஞர் புகழ் வணக்கம் என்ற நிகழ்ச்சி சென்னையில் நடைபெற்றது.

1100 views

கருணாநிதியின் உடல் நலம் விசாரித்தார்- கமல்ஹாசன்

மக்கள் நீதி மய்யம் கட்சியின் நிறுவனர் கமல்ஹாசன், மாலையில் சென்னை - ஆழ்வார்பேட்டை காவேரி மருத்துவமனைக்கு வந்து, திமுக தலைவர் கருணாநிதியின் உடல் நலம் குறித்து விசாரித்தறிந்தார்.

636 views

பிற செய்திகள்

போர் விமானங்களின் மெய்சிலிர்க்கும் சாகசங்கள் : முன்னாள் கிரிக்கெட் வீரர் சச்சின் பார்வையிட்டார்

ராஜஸ்தான் மாநிலம், பொக்ரான் பகுதியில், விமானப்படை ஆற்றலை பறைசாற்றும் வகையில் 'வாயு சக்தி' என்று போர் சாகசப் பயிற்சிகள் நடைபெற்றன.

1 views

தீவிரவாத தாக்குதலுக்கு கண்டனம் : ஐதராபாத் கல்லூரி மாணவர்கள் மெழுகுவர்த்தி அஞ்சலி

தெலங்கானா மாநிலம் ஐதராபாத்தில் திரண்ட கல்லூரி மாணவர்கள், புல்வாமா தீவிரவாத தாக்குதலுக்கு எதிர்ப்பு தெரிவித்து போராட்டம் நடத்தினர்.

7 views

தீவிரவாத தாக்குதலுக்கு கண்டனம் : கயாவில் ஆட்டோ ஓட்டுனர்கள் பேரணி

பீகார் மாநிலம் கயாவில், ஆட்டோ ஓட்டுனர்கள், புல்வாமா தீவிரவாத தாக்குதலுக்கு தங்களது எதிர்ப்பை தெரிவிக்கும் வகையில் பேரணியாகச் சென்றனர்.

12 views

இந்திய யூனியன் முஸ்லிம் லீக் மாநில மாநாடு : திமுக, இடதுசாரிகள், காங்கிரஸ் பங்கேற்பு...

மதுரையில் நடைபெற்ற இந்திய யூனியன் முஸ்லிம் லீக் மாநில மாநாட்டில் பேசிய திமுக தலைவர் ஸ்டாலின், தேச பக்தர்கள் என சொல்பவர்கள் நாட்டை துண்டாட நினைப்பதாகத் தெரிவித்தார்.

44 views

கும்பகோணம் : விஷம் அருந்தி காதலர்கள் தற்கொலை முயற்சி

கும்பகோணம் அருகே குடும்பத்தினர் எதிர்ப்பு தெரிவித்ததால் காதலர்கள் விஷம் அருந்தி தற்கொலை முயற்சியில் ஈடுபட்டுள்ளனர்.

7 views

காளையார்கோவில் திமுக கிராமசபை கூட்டத்தில் கோஷ்டி மோதல்

சிவகங்கை மாவட்டம், காளையார்கோவில் பகுதியில் திமுக சார்பில் கிராம சபை கூட்டம் நடத்த ஏற்பாடு செய்யப்பட்டது.

65 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.