கேரளாவில் தொடரும் கனமழை - உயிரிழப்பு 37ஆக அதிகரிப்பு
பதிவு : ஆகஸ்ட் 12, 2018, 08:05 AM
மாற்றம் : ஆகஸ்ட் 12, 2018, 12:15 PM
கேரளா கனமழைக்கு உயிரிழந்தவர்களின் எண்ணிக்கை 37ஆக அதிகரித்துள்ளது.
கேரளாவில் தென்மேற்கு பருவமழை தீவிரமடைந்துள்ளது. கடந்த 3 நாட்களாக தொடர்ந்து கனமழை பெய்து வருகிறது.இடுக்கி, வயநாடு, பாலக்காடு, கோழிக்கோடு உள்ளிட்ட  11 மாவட்டங்கள் வெள்ளக்காடாக காட்சியளிக்கின்றன.  இதில் உயிரிழந்தோர்களின் எண்ணிக்கை தற்போது 37 ஆக அதிகரித்துள்ளது. மேலும் 11 ஆயிரத்திற்கு மேற்பட்டோர் 73 நிவாரண முகாம்களில் தங்க வைக்கப்பட்டுள்ளனர்.

கேரளாவின் பல மாவட்டங்களில் அதிகபட்ச மழை பெய்யும் - இந்திய வானிலை மையம் எச்சரிக்கை



எர்ணாகுளம், பாலக்காடு, மலப்புரம், கோழிக்கோடு ஆகிய மாவட்டங்களுக்கு அதிக பட்ச எச்சரிக்கையான ரெட் அலர்ட் விடுக்கப்பட்டுள்ளது. இதுதொடர்பாக இந்திய வானிலை மையம் விடுத்துள்ள எச்சரிக்கையில், ஆகஸ்ட் 12 வரை ரெட் அலர்ட்டும், அதன் பின்பு ஆகஸ்ட் 14ஆம் தேதி வரை ஆரஞ்ச் அலர்ட்டும் விடுக்கப்பட்டுள்ளது. ரெட் அலர்ட் என்பது வானிலை குறித்த அதிகபட்ச எச்சரிக்கை என்பது குறிப்பிடத்தக்கது. 

செருதோணி அணையிலிருந்து வினாடிக்கு 8.5 லட்சம் லிட்டர் வெளியேற்றம்



தென்மேற்கு பருவமழை தீவிரமடைந்ததையடுத்து, இடுக்கியில் உள்ள செருதோணி அணையில் இருந்து  வினாடிக்கு எட்டரை லட்சம் கன அடி நீர் வெளியேற்றப்படுகிறது. நீர்வரத்து அதிகரித்திருப்பதால், நேற்று மதியம் முதல்முறையாக 5 மதகுகள் திறக்கப்பட்டன. வினாடிக்கு எட்டரை லட்சம் லிட்டர் தண்ணீர் வெளியேற்றப்பட்டு வரும் நிலையில் ஒன்றரை லட்சம் நீர் மின் நிலையத்திற்கு கொண்டு செல்லப்படுகிறது. அணைக்கு படிப்படியாக நீர் வரத்து குறையும் போது, நீர் வெளியேற்றப்படுவது குறைக்கப்படும் என, கேரள மின்துறை அமைச்சர் எம்.எம்.மணி தெரிவித்துள்ளார். 

வெள்ளக்காடாக காட்சியளிக்கும் வயநாடு

கேரள மாநிலத்தில் வயநாடு மாவட்டத்தில் பல்வேறு இடங்களில் பலத்த மழை பெய்து வருகிறது. இந்நிலையில் வயநாடு அருகே உள்ள பனமரம் பகுதி முழுவதும் வெள்ளக்காடாக காட்சியளிக்கிறது. மேலும் முக்கிய சாலையான பத்தேரி, பனமரம் சாலை முழுவதும் துண்டிக்கப்பட்டுள்ளது. அந்த இடத்தில் உள்ள வீடுகள் அனைத்தும் வெள்ளத்தில் மூழ்கியுள்ளன. இதனால் அப்பகுதியில் உள்ள மக்கள் பாதுகாப்பாக அரசு பள்ளிகளில் தங்க வைக்கப்பட்டுள்ளனர்


மீட்பு பணிகள் குறித்து ஆய்வு செய்ய எதிர்க்கட்சி தவைரையும் கேரள முதலமைச்சர் பினராயி விஜயன் அழைத்துச் சென்றார்

ஆலுவாவில் உள்ள முகாம்களில் தங்க வைக்கப்பட்டுள்ள மக்களை கேரள முதலமைச்சர்  பினராயி விஜயன் நேரில் சந்தித்து ஆறுதல் கூறினார். அமைச்சர்கள் சந்திரசேகரன், கடன்னப்பள்ளி ராமச்சந்திரன், எதிர்க்கட்சித் தலைவர் ரமேஷ் சென்னிதலா ஆகியோர் முதல்வருடன் சென்றிருந்தனர். முகாம்களில் செய்துள்ள வசதிகள் குறித்து அவர்கள் கேட்டு தெரிந்து கொண்டனர். பின்னர் ஆலுவாவில் அரசு உயர் அதிகாரிகளுடன் ஆலோசனை கூட்டத்தில் பங்கேற்று முன்னெச்சரிக்கை நடவடிக்கைகள் மற்றும் மீட்பு பணிகள் குறித்தும் ஆலோசனை நடத்தினர்

தொடர்புடைய செய்திகள்

சபரிமலையில் பெண்கள் நுழைய எதிர்ப்பு தெரிவித்து, கோவையில் பேரணி...

புகழ்பெற்ற சபரிமலை அய்யப்பன் கோவிலுக்கு அனைத்து தரப்பு பெண்களும் செல்ல உச்சநீதிமன்றம் அனுமதி அளித்துள்ளதற்கு எதிர்ப்பு தெரிவித்து, கோவையில், ஐயப்ப பக்தர்கள் சேவா சங்கம் சார்பில் நடைபெற்ற பேரணியில் சுமார் 3 ஆயிரம் பேர் பங்கேற்றனர்.

223 views

கேரள வெள்ள பாதிப்பு குறித்து கர்நாடக பா.ஜ.க. எம்.எல்.ஏ. பேச்சால் சர்ச்சை

கேரள வெள்ள பாதிப்பு குறித்து கர்நாடகாவை சேர்ந்த பாஜக எம்.எல்.ஏ. பசன்ன கவுடா பாட்டீல் கூறிய கருத்து சர்ச்சையை ஏற்படுத்தி உள்ளது.

1670 views

மக்களவை முன்னாள் சபாநாயகர் சோம்நாத் சட்டர்ஜி மரணம்

மார்க்சிஸ்ட் கம்யூனிஸ்ட் கட்சியின் மூத்த தலைவரும், நாடாளுமன்ற மக்களவையின் முன்னாள் சபாநாயகருமான சோம்நாத் சட்டர்ஜி காலமானார்.

227 views

புறநகர் ரயில்களில் கதவுகளை பொருத்தக்கோரி வழக்கு

பயணிகளின் பாதுகாப்பு கருதி, சென்னை புறநகர் ரயில்களில் தானியங்கி கதவுகளை அமைக்க உத்தரவிட வேண்டும் என்று உயர்நீதிமன்றத்தில் வழக்கு தொடரப்பட்டுள்ளது.

248 views

பிற செய்திகள்

குஜராத்தில் களைகட்டிய கேரள திருவிழா

குஜராத்தில் உள்ள அய்யப்பன் கோயிலில் நிலம்பூர் பட்டு திருவிழா கோலாகலமாக நடைபெற்றது.

50 views

சபரிமலை விவகாரம் தொடர்பாக இதுவரை 19 மறு ஆய்வு மனுக்கள் தாக்கல் - உச்ச நீதிமன்றம்

சபரிமலை விவகாரம் தொடர்பாக சில ரிட் மனுக்களும் தாக்கல் செய்யப்பட்டுள்ளதாக உச்ச நீதிமன்றம் தகவல்.

65 views

சபரிமலை கோயில் நடை இன்று அடைப்பு

ஐப்பசி மாத பூஜை நிறைவு பெற்றதும் சபரிமலை ஐயப்பன் கோயில் நடை இன்றிரவு அடைக்கப்படுகிறது.

163 views

தாலாட்டு பாடி யானையை தூங்க வைக்கும் காட்சி

கேரளாவில் யானையை அதன் பாகன் தாலாட்டு பாடி தூங்கவைக்கும் காட்சி சமூக வலைதளங்களில் பரவி வருகிறது

1331 views

மேள தாளங்களுடன் துர்கா சிலைகள் ஊர்வலம்..!

நவராத்திரியை முன்னிட்டு, திரிபுராவில் ஆற்றில் துர்கா சிலைகளை கரைக்கும் நிகழ்ச்சி நடைபெற்றது.

30 views

சிபிஐ சிறப்பு புலனாய்வுப் பிரிவின் இயக்குனர் மீதே சிபிஐ வழக்கு பதிவு..!

லஞ்சப் புகார் எதிரொலியாக சிபிஐ சிறப்பு புலனாய்வுப் பிரிவின் இயக்குனர் மீதே சிபிஐ வழக்கு பதிவு செய்துள்ள சம்பவம் பரபரப்பை ஏற்படுத்தியுள்ளது.

106 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.