கருணாநிதி உடல்நிலை : நேற்று இரவு நடந்தது என்ன?
பதிவு : ஜூலை 28, 2018, 09:39 AM
மாற்றம் : ஜூலை 29, 2018, 07:02 AM
திமுக தலைவர் கருணாநிதி, மீண்டும் காவேரி மருத்துவமனையில் அனுமதிக்கப்பட்டுள்ளார்.
வயது மூப்பு காரணமாக கோபாலபுரம் இல்லத்தில் ஓய்வு எடுத்து வந்த கருணாநிதிக்கு, சிறுநீரக தொற்று காரணமாக காய்ச்சல் ஏற்பட்டது. இதையடுத்து, வீட்டிலேயே அவருக்கு மருத்துவர்கள் சிகிச்சை அளித்தனர். நேற்று மாலையில் கருணாநிதி உடல் நிலையில் முன்னேற்றம் ஏற்பட்டு உள்ளதாக அந்த கட்சியின் செயல் தலைவர் ஸ்டாலின் தெரிவித்து இருந்தார். இந்த நிலையில் நள்ளிரவு 12 மணி அளவில் கருணாநிதிக்கு திடீரென உடல்நலம் குன்றியதால் அவரது தனி மருத்துவர் கோபால், கோபாலபுரம் இல்லத்திற்கு வந்தார். அவரை தொடர்ந்து காவேரி மருத்துவமனையில் இருந்து மருந்துகள் கோபாலபுரம் இல்லத்திற்கு கொண்டு வரப்பட்டன. அதன் பின்னர், ஸ்டாலின், துரைமுருகன் மற்றும் கட்சியின் மூத்த நிர்வாகிகள் கோபாலபுரம் இல்லம் வந்தனர். தகவல் அறிந்த திமுக தொண்டர்கள் கோபாலபுரம் இல்லம் முன்பு குவிந்தனர். பின்னர் கருணாநிதியை மருத்துவமனைக்கு அழைத்து சென்று சிகிச்சை அளிக்க முடிவு செய்யப்பட்டது. இதைடுத்து ஆம்புலன்ஸ் வாகனத்தில் கருணாநிதி மருத்துவமனைக்கு அழைத்து செல்லப்பட்டார்.

மருத்துவமனை முன்பு குவிந்த திமுக தொண்டர்கள் - மருத்துவமனை முன்பு ஏராளமான போலீசார் குவிப்பு

ஆம்புலன்ஸ் வருவதற்குள் ஆழ்வார்பேட்டையில் உள்ள காவேரி மருத்துவமனை முன்பு திமுக தொண்டர்கள் குவிந்தனர். இதனால் அங்கு ஏராளமான போலீசார் குவிக்கப்பட்டு, பாதுகாப்பு பலத்தப்பட்டது. இந்த நிலையில், ஆம்புலன்ஸ் மருத்துவமனைக்கு வந்தது.

20 நிமிட சிகிச்சைக்கு பின் ரத்த அழுத்தம் சீரானது; தொண்டர்கள் அமைதி காக்க வேண்டும் - ஆ.ராசா

தீவிர சிகிச்சை பிரிவில் அனுமதிக்கப்பட்ட கருணாநிதிக்கு அங்கு மருத்துவர்கள் தீவிர சிகிச்சை அளித்தனர். இந்த நிலையில், ஸ்டாலின், அழகிரி,  துரைமுருகன், கனிமொழி, ராசாத்தியம்மாள், ஆ.ராசா உள்ளிட்டோர் திமுக நிர்வாகிகள் அடுத்தடுத்து மருத்துவமனைக்குள் சென்றனர். 20 நிமிட சிகிச்சைக்கு பிறகு கருணாநிதியின் உடல் நிலை சீரானதாக முன்னாள் மத்திய அமைச்சர் ஆ.ராசா செய்தியாளர்களிடம் கூறினார். திமுக தலைவர் நலமுடன் உள்ளதால், தொண்டர்கள் அமைதி காக்க வேண்டும் என ஆ.ராசா கேட்டுக்கொண்டார்.


கருணாநிதியின் உடல்நிலை குறித்த மருத்துவ அறிக்கை



அடுத்த சில நிமிடங்களில் காவேரி மருத்துவமனை தரப்பில், கருணாநிதியின் உடல்நிலை குறித்த மருத்துவ அறிக்கை வெளியிடப்பட்டது. அதில், கருணாநிதிக்கு ரத்த அழுத்த குறைவு ஏற்பட்டதால் அதிகாலை 1.30 மணி அளவில் தீவிர சிகிச்சை பிரிவில் அனுமதிக்கப்பட்டதாக குறிப்பிடப்பட்டது. சிகிச்சைக்கு பிறகு அவருக்கு ரத்த அழுத்தம் சீராக உள்ளதாகவும், கருணாநிதியின் உடல் நிலையை மருத்துவர் குழு தொடர்ந்து கண்காணித்து வருவதாகவும் மருத்துவமனை விளக்கம் அளித்தது. 


தொடர்புடைய செய்திகள்

"பேருந்து இல்லாததால் திருமணம் ஆகவில்லை"

நெல்லை மாவட்டம் வடக்குகழுவூர் கிராமத்திற்கு பேருந்து உள்ளிட்ட அடிப்படை வசதியின்றி அப்பகுதி மக்கள் அவதியுறுகின்றனர்.

1596 views

எம்.எல்.ஏக்கள் தகுதி நீக்க வழக்கை உச்ச நீதிமன்றத்திற்கு மாற்ற கோரி மனு தாக்கல்

எம்.எல்.ஏக்கள் தகுதி நீக்க வழக்கை உச்ச நீதிமன்றத்திற்கு மாற்ற கோரி மனு தாக்கல்

3729 views

பிற செய்திகள்

" 142 அடிக்கு கீழ் குறைக்க முடியாது" - துணை முதல்வர் ஓ. பன்னீர் செல்வம் திட்டவட்டம்

முல்லைப்பெரியாறு அணையின் நீர் மட்டத்தை 139 அடியாக குறைக்குமாறு, கேரள அரசு விடுத்த கோரிக்கைக்கு, தமிழக அரசு பதில் அளித்துள்ளது.

59 views

"எம்.எல்.ஏ.க்கள் வழக்கில் உடனடியாக தீர்ப்பு" - தங்கத் தமிழ்செல்வன் வலியுறுத்தல்

18 எம்.எல்.ஏக்கள் வழக்கில் உடனடியாக ஒரு பதிலை அளிக்க வேண்டும், தொகுதிக்கு சென்று பணியாற்ற வேண்டும் என, தினகரன் ஆதரவாளர் தங்க தமிழ்ச் செல்வன் தெரிவித்துள்ளார்.

49 views

இந்தியாவிற்கே எடுத்துக்காட்டாக கேரளா இருக்கிறது - அமைச்சர் ஜெயக்குமார்

கேரளாவில் ஆளும்கட்சியினரும், எதிர்க்கட்சியினரும் இணைந்து, இயற்கை இடர்பாடுகளை எதிர்கொள்ளும் தன்மை, நாட்டிற்கே எடுத்துக்காட்டாக விளங்குவதாக அமைச்சர் டி. ஜெயக்குமார் தெரிவித்துள்ளார்.

937 views

இம்மாதம் முதல் இலவச ஆடுகள் வழங்கப்படும் - அமைச்சர் உடுமலை ராதாகிருஷ்ணன்

விலையில்லா ஆடுகள் வழங்கும் திட்டம் குறித்த புள்ளிவிவரங்களையும் கூறினார்

189 views

"ஜெயலலிதா நினைவிட வழக்குகளை எதிர்க்காதது ஏன்?"- ரஜினிகாந்துக்கு அமைச்சர் ஓ.எஸ்.மணியன் கேள்வி

ஜெயலலிதா நினைவிடத்துக்கு எதிராக வழக்குகள் போடப்பட்டபோது, ரஜினிகாந்த் எதிர்க்காதது ஏன் என அமைச்சர் ஓ.எஸ்.மணியன் கேள்வி எழுப்பி உள்ளார்.

506 views

"வாஜ்பாய் உணர்வுகள் நமக்கு வழிகாட்டும்" - பிரதமர் மோடி உருக்கம்

புதிய இந்தியாவை நாம் உருவாக்க வாஜ்பாய் உணர்வுகள் நமக்கு தொடர்ந்து வழிகாட்டும் என்று பிரதமர் மோடி குறிப்பிட்டுள்ளார்.

194 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.