காமராஜர் மணிமண்டபத்தை பிரதமர் மோடி இன்று திறந்து வைக்கிறார்

புதுச்சேரியில் 122 கோடி ரூபாய் மதிப்பீட்டில் அமைக்கப்பட்டுள்ள தொழில்நுட்ப மையத்தை பிரதமர் மோடி திறந்து வைக்கிறார்.
x
புதுச்சேரியில் 122 கோடி ரூபாய் மதிப்பீட்டில் அமைக்கப்பட்டுள்ள தொழில்நுட்ப மையத்தை பிரதமர் மோடி திறந்து வைக்கிறார். புதுச்சேரியில், விவேகானந்தர் பிறந்த நாளையொட்டி 25வது தேசிய இளைஞர் விழா, அரவிந்தரின் 150வது பிறந்த நாள் விழா கொண்டாடப்படுகிறது. இந்த நிகழ்ச்சியில் பிரதமர் மோடி கலந்து கொள்வதாக இருந்தது. இந்தநிலையில் கொரோனா பாதிப்பு காரணமாக பிரதமர் பயணம் ரத்து செய்யப்பட்டது. இதனையடுத்து காணொளி காட்சி மூலம் நடைபெறும் நிகழ்ச்சியில் பிரதமர் மோடி கலந்து கொள்கிறார். அப்போது சிறு, குறு மற்றும் நடுத்தர தொழில்கள் துறை  சார்பில் புதுச்சேரி, காலப்பட்டு பகுதியில் 122 கோடி ரூபாய் மதிப்பீட்டில் கட்டப்பட்டுள்ள தொழில்நுட்ப மையத்தையும், கருவடிக்குப்பம் கிழக்கு கடற்கரை சாலையில் 23 கோடி ரூபாய் மதிப்பீட்டில்  அமைக்கப்பட்டுள்ள காமராஜர் மணிமண்டபத்தையும் பிரதமர் மோடி திறந்து வைக்கிறார்.

Next Story

மேலும் செய்திகள்