அமெரிக்காவிடம் இருந்து இந்தியா வாங்கும் அதி நவீன ட்ரோன்கள்
பதிவு : அக்டோபர் 28, 2021, 07:36 PM
இந்தியா - அமெரிக்கா இடையிலான டூ பிளஸ் டூ பேச்சுவார்த்தையின் போது, எம்.கியூ. 9பி பிரிடேட்டர் ரக தாக்குதல் ட்ரோன்களை வாங்குவது தொடர்பான ஒப்பந்தம் கையெழுத்தாகலாம் என எதிர்பார்க்கப்படுகிறது.
இந்தியா - அமெரிக்கா இடையிலான டூ பிளஸ் டூ பேச்சுவார்த்தையின் போது, எம்.கியூ. 9பி பிரிடேட்டர் ரக தாக்குதல் ட்ரோன்களை வாங்குவது தொடர்பான ஒப்பந்தம் கையெழுத்தாகலாம் என எதிர்பார்க்கப்படுகிறது.

பாகிஸ்தான், சீனா என இருமுனைப் போர் வந்தாலும், அதனை சமாளிக்கும் வகையில் இந்தியா எல்லையில் ராணுவ கட்டமைப்புகளையும், உள்கட்டமைப்புகளையும் பலப்படுத்தி வருகிறது.

சீனா ஏற்கனவே தனது ராணுவத்தில் விங்-லூங் 2 ரக ஆளில்லா விமானங்களான ட்ரோன்களை பயன்படுத்தும் நிலையில், பாகிஸ்தானோ சீனாவிடம் இருந்தும், துருக்கியிடம் இருந்தும் ட்ரோன்களை வாங்கி குவிக்கிறது.
 
இந்நிலையில் நவீன ரக ட்ரோன்களின் எண்ணிக்கையை அதிகரிக்க திட்டமிட்டுள்ள இந்தியா, 22 ஆயிரம் கோடி ரூபாயில் மதிப்பில் அமெரிக்காவிடம் இருந்து 30 எம். கியூ. 9பி பிரிடேட்டர் ரக ட்ரோன்களை வாங்க ஆர்வம் காட்டுகிறது.
 
வரும் டிசம்பரில் இந்தியா மற்றும் அமெரிக்க வெளியுறவுத்துறை மற்றும் பாதுகாப்புத்துறை அமைச்சர்கள் மட்டத்திலான டு பிளஸ் டு பேச்சுவார்த்தை வாஷிங்டன்னில் நடைபெற உள்ளதாக தகவல்கள் வெளியாகியுள்ளன. 

இந்நிலையில் எம். கியூ. 9பி பிரிடேட்டர் ரக ட்ரோன்களை வாங்குவது தொடர்பான அறிவிப்பை வெளியிட இந்திய கடற்படை, பாதுகாப்பு கொள்முதல் கவுன்சிலை நாடலாம் எனவும் தகவல்கள் வெளியாகியுள்ளன. 

ஏற்கனவே இந்த ரக ட்ரோன்கள் 2, இந்திய கடற்படையில் குத்தகை அடிப்படையில் சேவையில் உள்ளன. எம். கியூ. 9பி பிரிடேட்டர் ரக ட்ரோன்களை அமெரிக்காவின் ஜெனரல் அடாமிக்ஸ் நிறுவனம் தயாரிக்கிறது.

கடந்த செப்டம்பர் மாதம் பிரதமர் மோடி அமெரிக்கா சென்றிருந்த போது இந்நிறுவனத்தின் தலைமை செயல் அதிகாரி விவேக் லாலை சந்தித்து பேசியிருந்தார் என்பது குறிப்பிடத்தக்கது. 

அமெரிக்காவின் எம்.கியூ. 9பி பிரிடேட்டர் ட்ரோன் எதிரிகளை வேட்டையாடுவதில் துல்லியமானது மற்றும் அபாயகரமானது. 

ஈராக்கில் கடந்த 2020 ஆம் ஆண்டு ஈரான் ராணுவ தளபதி காசிம் சுலைமானியை கொல்ல இந்த ரக ட்ரோனையே அமெரிக்கா பயன்படுத்தியிருந்தது. கட்டுப்பாட்டு அறையிலிருந்து இயக்கப்படும் இந்த ட்ரோன் 2 ஆயிரத்து 223 கிலோ எடை கொடண்டது.

மணிக்கு 482 கிலோமீட்டர் வேகத்தில் பயணிக்கும் இந்த ட்ரோன், 50 ஆயிரம் அடி உயரத்தில் பறக்க வல்லது.  செயற்கைகோளுடன் நேரடியாக இணைக்கப்படும் ட்ரோன் தாக்குதல் இலக்கை துல்லியமாக படம் எடுத்து அனுப்பும். தாக்குதல் கட்டளை பிறப்பிக்கப்பட்டதும் சத்தம் எழுப்பாமல் 800 அடி உயரம் வரையில் கீழ் இறங்கி ஏவுகணைகளை வீசிவிட்டு மேல் எழும்பும்.

வீசிய ஏவுகணையில் எதிரியின் இலக்கு தாக்கப்பட்டுவிட்டதாக என்பதை தெளிவு செய்ய பாதிப்பையும் புகைப்படம் எடுத்துவிடும். எதிரிகளின் ஆயுத பலத்தை கண்டறிய உளவு விமானமாகவும் செயல்படும். தொலைபேசி உரையாடல்களையும் இடைமறித்து ஒட்டுக்கேட்கும் என்றும்  மோசமான வானிலையிலும் செயல்பட வல்லது என்றும் அமெரிக்க விமானப்படை கூறுகிறது. உலகின் மிகவும் அபாயகரமான ட்ரோனாக பார்க்கப்படும், எம்.கியூ. 9பி பிரிடேட்டர் ட்ரோன்கள் இந்திய படைகளுக்கு மேலும் வலுசேர்க்கும் என்றே பார்க்கப்படுகிறது.

தொடர்புடைய செய்திகள்

உகாண்டாவில் வெடிகுண்டு தாக்குதல் - நூலிழையில் உயிர் தப்பிய இந்திய வீர‌ர்கள்

உகாண்டாவில் நடந்த வெடிகுண்டு தாக்குதலில் 9 தமிழக வீர‌ர்கள் உள்பட 54 இந்திய வீர‌ர்கள் நூலிழையில் உயிர் தப்பியுள்ளனர்.

544 views

நம்பி நாராயணன் வழக்கு - உளவுத்துறைக்கு உத்தரவு

இஸ்ரோ முன்னாள் விஞ்ஞானி நம்பி நாராயணனை உளவு வழக்கில் சிக்க வைத்ததாக குற்றம்சாட்டப்பட்டவர்களுக்கு ஜாமின் வழங்கப்பட்டதை எதிர்த்து, சிபிஐ தாக்கல் செய்த மனுவிற்கு பதில் அளிக்குமாறு உளவுத்துறைக்கு உச்சநீதிமன்றம் உத்தரவிட்டு உள்ளது.

102 views

பிற செய்திகள்

முதலீட்டு செயலி மூலம் பல கோடி ரூபாய் மோசடி - கும்பலின் தலைவனுக்கு 2 நாள் சி.பி.சி.ஐ.டி காவல்

ஆன்லைன் முதலீட்டு செயலி மூலம் லட்ச கணக்கில் மோசடி செய்த, கும்பல் தலைவனுக்கு 2 நாள் போலீஸ் காவல் வழங்கி சைதாப்பேட்டை கோர்ட்டு உத்தரவு.

5 views

"2020-ல் சைபர் குற்றங்கள் அதிகரிப்பு"

கடந்த 2020ம் ஆண்டில், நாடு முழுவதும் 50 ஆயிரத்து 35 சைபர் குற்றங்கள் பதிவு செய்யப்பட்டுள்ளதாக, மக்களவையில், மத்திய உள்துறை அமைச்சகம் தெரிவித்துள்ளது.

8 views

ஒமிக்ரானை கண்டறிவது எப்படி?

"ஒமிக்ரான்" வகை கொரோனாவை, ஆர்.டி.பி.சி.ஆர் மற்றும் ரேட் பரிசோதனை மூலம் கண்டறிய முடியும் என்று, மத்திய சுகாதாரத்துறை செயலாளர் ராஜேஷ் பூஷன் தெரிவித்துள்ளார்.

10 views

3 ஆண்டுகளில் இத்தனை விவசாயிகள் தற்கொலையா..? அதிர்ச்சி ரிப்போர்ட்

கடந்த 3 ஆண்டுகளில் 17,299 விவசாயிகள் தற்கொலை செய்து கொண்டுள்ளனர் என மத்திய அரசு மக்களவையில் தெரிவித்துள்ளது.

8 views

"ஒமிக்ரானை எதிர்கொள்ள தயார்" - முன்னெச்சரிக்கை நடவடிக்கைகள் தீவிரம்

இந்தியாவில் இதுவரை யாருக்கும் ஒமிக்ரான் வகை தொற்று கண்டறியப்படவில்லை என்றும் புதிய உருமாறிய கொரோனாவை எதிர்கொள்ள அனைத்து விதமான முன்னெச்சரிக்கை நடவடிக்கைகளும் தீவிரப்படுத்தப்பட்டுள்ளதாக மத்திய சுகாதார அமைச்சர் மன்சுக் மாண்டவியா தெரிவித்துள்ளார்.

13 views

திவாலாகும் அனில் அம்பானியின் நிறுவனம்

திவால் நிலையில் உள்ள நிதி நிறுவனமான ரிலையன்ஸ் கேப்பிடல் நிறுவனம், ரிசர்வ் வங்கியின் கட்டுப்பாட்டுக்குள் கொண்டு வரப்பட்டுள்ளது.

39 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.