மேலும் 3 ரபேல் விமானங்கள் இந்தியா வருகை - 8 ஆயிரம் கிலோ மீட்டர் தொடர் பயணம்

பிரான்சில் இருந்து மேலும் 3 ரபேல் விமானங்கள் இந்தியா வந்தடைந்தன. பிரான்ஸ் நாட்டின் டசால்ட் நிறுவனத்திடம் இருந்து 36 ரபேல் விமானங்கள் வாங்க 2016 ஆம் இந்தியா ஒப்பந்தம் மேற்கொண்டது. இதன்படி பல்வேறு கட்டங்களாக ரபேல் விமானங்கள் இந்திய விமானப்படை இடம் ஒப்படைக்கப்பட்டு வருகிறது. இந்நிலையில் 7ஆவது கட்டமாக மேலும் 3 ரபேல் விமானங்கள் பிரான்ஸ் நாட்டு விமானப்படை தளத்தில் இருந்து நேரடியாக இந்தியா வந்தடைந்தன. சுமார் 8 ஆயிரம் கிலோமீட்டர் இடைவிடாமல் பறந்த ரபேல் விமானங்களுக்கு, ஐக்கிய அரபு அமீரகத்தின் விமானம் நடுவானில் எரிபொருள் நிரப்பியதாக இந்திய விமானப்படை தெரிவித்து உள்ளது.