இணையத்தில் பரவும் தெருச்சண்டை காட்சி - இணைய பிரபலமான "ஐன்ஸ்டீன் " சாச்சா

உத்தர பிரதேச மாநிலம் பக்பட் நகரில் உள்ள பானி பூரி கடைக்காரர்கள் மத்தியில் நடைபெற்ற மோதல் இணையத்தில் பரவி வருகிறது. 

நீங்கள் பார்க்கும் காட்சிகள் ஏதோ திரைப்படத்தில் வரும் சண்டைக்காட்சிகள் அல்ல. உத்தர பிரதேச மாநிலத்தில் உள்ள பக்பட் என்ற சிறு நகரில் நடந்த தெருச்சண்டை தான் இது. 

இவ்வளவு ஆக்ரோஷமாக தாக்கிக்கொள்கிறார்களே... என்ன காரணமோ என பார்ப்பவர்கள் பதைபதைக்க, சண்டைக்கு காரணம் தெரிந்ததும் கொஞ்சம் ஜெர்க் ஆகித்தான் போனார்கள். 

பார்ப்பதற்கு ஐன்ஸ்டீன் போன்றே பரட்டை தலையுடன், கர்லிங்காக ஆரஞ்சு முடியுடன், சோக் ஸ்லாம் போடும் இந்த முதியவர் "ஹரீந்தர்" தான் சண்டையின் நாயகன். 

அந்த ஊரில் பல வருடங்களாக பானி பூரி கடை நடத்தி வருகிறார், ஹரீந்தர். தனக்கு போட்டியாக புதிதாக பானி பூரி கடை போட்டவர்கள், திட்டமிட்டு தன்னை பற்றியும், தன்  கடை பாணி பூரியை பற்றியும் அவதூறு பரப்புகிறார்கள் என்று ஆரம்பித்த வாய்த்தகராறு தான், இன்று தெருச்சண்டையில் வந்து முடிந்திருக்கிறது. 

வீடியோ வைரலானதைத் தொடர்ந்து, பக்பட் போலீசார் சண்டையிட்டவர்கள் 8 பேரையும் கொத்தாக அள்ளி கைது செய்து புகைப்படத்தை வெளியிட, இணையத்தில் பற்றிக்கொண்டார் "ஐன்ஸ்டீன் சாச்சா". 

பிறகென்ன? ஐன்ஸ்டீன் சாச்சா பற்றி மீம்கள் அடைமழையாய் இணையத்தை கலக்கி வருகின்றன.