அதிமுக - பாஜக கூட்டணி வெற்றி பெறும் - மக்களவையில் எம்.பி. ரவீந்திரநாத் பேச்சு
பதிவு : பிப்ரவரி 12, 2021, 08:43 AM
சட்டமன்ற தேர்தலில் அதிமுக - பாஜக கூட்டணி மீண்டும் வெற்றி பெற்று, வெற்றி நடை போடும் என மக்களவையில் அதிமுக எம்பி ரவீந்திரநாத் தெரிவித்துள்ளார்.
சட்டமன்ற தேர்தலில் அதிமுக - பாஜக கூட்டணி மீண்டும் வெற்றி பெற்று, வெற்றி நடை போடும் என மக்களவையில் அதிமுக எம்பி ரவீந்திரநாத் தெரிவித்துள்ளார். ஜல்லிக்கட்டு தடையை நீக்கி உரிமையை மீட்டு கொடுத்தது அதிமுக அரசு தான் என்று கூறிய அவர், தமிழகத்தில் 1.3 லட்சம் கோடி ரூபாய் செலவில் மத்திய அரசு அமைக்க இருக்கும் சாலை உள்கட்டமைப்பு திட்டத்தால், தமிழகத்தில் தொழில் வளர்ச்சி மேம்படும் என பாராட்டு தெரிவித்தார். தமிழகத்திற்கு அதிமுக அரசு எதையும் செய்யவில்லை என்று எதிர்க்கட்சி உறுப்பினர்கள் வெற்று கூச்சல் போடுவதாகவும் அவர் குற்றம் சாட்டினர். 


மத்திய பட்ஜெட்டில் அண்மையில் ஏற்றப்பட்ட வேளாண் சட்டங்கள் குறித்து ஒரு வார்த்தை கூட குறிப்பிடப்படவில்லை என திமுக எம்.பி. கதிர் ஆனந்த் விமர்சனம் செய்துள்ளார். மத்திய பட்ஜெட் மீதான விவாதத்தில், மக்களவையில் பேசிய அவர்,
வேலைவாய்ப்பை உருவாக்கவோ, தொழிலாளர்கள் பற்றியோ மத்திய பட்ஜெட்டில் எந்த திட்டங்களும் இல்லை என்றும் குறிப்பிட்டார். மத்திய பட்ஜெட்டில் கல்வித் துறைக்கான ஒதுக்கீடு மற்றும் பள்ளி கல்வி, மதிய உணவு சட்டத்திற்கான ஒதுக்கீடு வெகுவாக குறைக்கப்பட்டுள்ளதாகவும் அவர் தெரிவித்துள்ளார். 

மக்களவையில் பட்ஜெட் மீதான விவாதத்தில் பேசிய விடுதலை சிறுத்தைகள் கட்சி தலைவரும், எம்.பி.யுமான திருமாவளவன், தலித் மற்றும் பிற்படுத்தப்பட்ட மக்களுக்கு எதிரான பட்ஜெட்டாக இது அமைந்துள்ளதாக விமர்சித்தார். 15 லட்சம் கோடி ரூபாய் நிதி பற்றாக்குறையை ஈடுகட்ட, ஏழை மக்கள் மீது கூடுதல் வரி விதிக்கப்பட்டுள்ளதாக கண்டனம் தெரிவித்தார். விவசாயிகள் பயன்படுத்தக்கூடிய யூரியா போன்றவற்றின் மீது கூடுதல் வரி விதிக்கப்பட்டிருப்பது கொடுமையான செயல் என சாடிய திருமாவளவன், கூடுதல் வரிச் சுமையை உடனடியாக கை விடுவதோடு பொதுத்துறை நிறுவனங்களை விற்கும் முடிவையும் முற்றிலுமாக கைவிட வேண்டும் என வலியுறுத்தினார். 

மக்களவையில் காங்கிரஸ் எம்பி ஜோதிமணி பட்ஜெட் மீதான உரையில் பேசிய காங்கிரஸ் எம்பி ஜோதிமணி, மதுரையில் எய்ம்ஸ் மருத்துவமனைக்கு ஒரே ஒரு கல் மட்டும் நட்டுவிட்டு, இன்றுவரை கட்டிக் கொண்டே இருப்பதாக குற்றம்சாட்டினார். விவசாய கடன்களை தள்ளுபடி செய்ய மனமில்லாத மத்திய அரசு, அம்பானி, அதானி போன்ற செல்வந்தர்களுக்கு 20 லட்சம் கோடி வரி சலுகை செய்துள்ளதாக குற்றம்சாட்டினார். தமிழகத்திற்கு 15 ஆயிரத்து 400 கோடி ரூபாய் ஜிஎஸ்டி  நிலுவை உள்ளதாக சுட்டிக்காட்டிய ஜோதிமணி, பாரதிய ஜனதாவோடு சேர்ந்து அதிமுகவும் அரியணையில் இருந்து அகற்றப்படும் என சாடினார். 

மக்களவையில் பட்ஜெட் மீதான விவாதத்தில் பேசிய ரவிக்குமார் எம்.பி, இந்தியாவில் மறு குடியேற்றம் செய்யப்பட்ட இந்திய வம்சாவளியினர் ஒரு லட்சத்திற்கும் மேற்பட்டோர் தற்போது முகாம்களில் வசித்து வருவதாக குறிப்பிட்டார். அவர்களை இந்தியர்களாக மத்திய அரசு அங்கீகரிக்க வேண்டும் என கேட்டுக்கொண்ட ரவிக்குமார், பட்ஜெட்டில் மகளிருக்கான நிதி ஒதுக்கீடு குறைக்கப்பட்டதை சுட்டிக்காட்டி, உடனடியாக நிதி ஒதுக்கீட்டை உயர்த்தி அறிவிக்க வேண்டும் என வலியுறுத்தினார். எஸ்சி எஸ்டி மக்களுக்கான நிதியும் பெருமளவு குறைக்கப்பட்டுள்ளதாக ரவிக்குமார் தெரிவித்தார். 

தொடர்புடைய செய்திகள்

"ஆஞ்சியோ பிளாஸ்டிக் சிகிச்சைக்கு பின் கங்குலி நலமாக உள்ளார்" - மூத்த சகோதரர் சினேகாஷ் கங்குலி தகவல்

ஆஞ்சியோபிளாஸ்டிக் சிகிச்சைக்கு பிறகு கங்குலி நலமுடன் இருப்பதாக, அவரது மூத்த சகோதரர் சினேகாஷ் கங்குலி தெரிவித்துள்ளார்.

409 views

தனியார் துறைக்கு ஆதரவு - மக்களவையில் கொந்தளித்த பிரதமர் மோடி

நாட்டுக்கு, பொதுத்துறை நிறுவனங்களின் பங்கு அவசியம் எனவும், அதே சமயம் தனியார் துறை நிறுவனங்களும் பங்கும் முக்கியத்துவம் வாய்ந்தது என பிரதமர் மோடி தெரிவித்திருக்கிறார்.

250 views

(10-02-2021) ஏழரை

(10-02-2021) ஏழரை

70 views

தலைவாசலில் ஒருங்கிணைந்த கால்நடை பூங்கா - முதலமைச்சர் திறந்து வைத்தார்

விவசாயிகளின் நலனை காக்க அதிமுக அரசு தொடர்ந்து பல்வேறு திட்டங்களை அறிமுகப்படுத்தி வருவதாக முதலமைச்சர் கூறினார்.

57 views

பிற செய்திகள்

காடையாம்பட்டி ஆட்டு சந்தை - திருவிழா என்பதால் விற்பனை அமோகம்

சேலம் மாவட்டம் ஓமலூர் அருகே காடையாம்பட்டி ஆட்டு சந்தையில், நல்ல விலைக்கு ஆடுகள் விற்பனையானதால் வியாபாரிகள் மகிழ்ச்சியடைந்தனர்.

7 views

மக்கள் நீதி மய்யம் பிரசார திட்டங்களை வகுக்கும் WAR ROOM

கமல்ஹாசனின் மக்கள் நீதி மய்யம் கட்சி அலுவலகம் சர்கார் திரைப்பட காட்சிகள் போல் பரபரப்பாக காணப்படுகிறது . அது குறித்து பார்ப்போம்.

260 views

ராஜேஷ்தாஸ் மீதான பாலியல் புகார் விசாரணை சிபிசிஐடிக்கு மாற்றம் - டிஜிபி திரிபாதி உத்தரவு

முன்னாள் சிறப்பு டிஜிபி ராஜேஷ் தாஸ் மீதான பாலியல் புகார் சிபிசிஐடி விசாரணைக்கு மாற்றப்பட்டுள்ளது.

11 views

அப்பவே அப்படி... தமிழகத்தின் சுவாரஸ்ய முதல்வர்கள்

சட்டப் பேரவையை கடந்து நாடாளுமன்றத்திலும் தடம் பதித்த முதல்வர்கள், எம்எல்ஏ ஆகாமலேயே முதல்வர் பதவியை வகித்தவர்கள் பற்றிய சுவாரஸ்ய தகவல்களை இன்றைய அப்பவே அப்படி தொகுப்பில் பார்க்கலாம்.

80 views

தேர்தல் நடத்தை விதிமுறைகள் அமல் - அரசு வாகனங்களை பயன்படுத்த தடை

சட்டமன்ற தேர்தல் தேதி அறிவிப்பை தொடர்ந்து புதுக்கோட்டை மாவட்டத்தில் தேர்தல் நடத்தை விதிமுறைகள் முழுமையாக அமல்படுத்தப்பட்டுள்ளது,.

8 views

வாங்கவும் ஆள் இல்லை, விற்கவும் வழி இல்லை - நலிவடைந்து வரும் கல்யாண பெட்டி தொழில்

வாங்கவும் ஆள் இல்லாமல், விற்கவும் வழி இல்லாமல் நலிவடைந்து வரும் கல்யாண பெட்டி தொழில் குறித்து இந்த செய்தி தொகுப்பில் பார்க்கலாம்.

8 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.