ஐஐடியில் ஓபிசி இடஒதுக்கீடு நீக்கப்படவில்லை - ஜோதிமணி எம்.பி. கேள்விக்கு அமைச்சர் பதில்
பதிவு : பிப்ரவரி 10, 2021, 08:24 AM
நீட், ஐஐடி, ஐஐஎம் போன்றவற்றில் ஓ.பி.சி. பிரிவில் இட ஒதுக்கீடு நீக்கப்படவில்லை என சமூக நீதித்துறை இணையமைச்சர் கிருஷ்ணன் பால் விளக்கம் அளித்துள்ளார்.
நீட், ஐஐடி, ஐஐஎம் போன்றவற்றில் ஓ.பி.சி. பிரிவில் இட ஒதுக்கீடு நீக்கப்படவில்லை என சமூக நீதித்துறை இணையமைச்சர் கிருஷ்ணன் பால் விளக்கம் அளித்துள்ளார். பொருளாதாரத்தில் பின்தங்கிய முன்னேறிய வகுப்பினருக்கான இடஒதுக்கீட்டை அமல்படுத்துவதற்காக, ஐஐடி, ஐஐஎம் நிறுவனங்களில் ஓபிசி பிரிவில் இடஒதுக்கீடு நீக்கப்பட்டுள்ளதா என காங்கிரஸ் எம்.பி ஜோதிமணி கேள்வி எழுப்பியிருந்தார். இதற்கு மறுப்பு தெரிவித்து மத்திய அமைச்சர் எழுத்துப்பூர்வமாக பதிலளித்துள்ளார்.


மின் உற்பத்தி திட்டங்களை தொடங்குவதற்கு, பல்வேறு தீவுகளை சீனாவுக்கு இலங்கை வழங்கியதை மத்திய அரசு தடுத்து நிறுத்த வேண்டும் என்று விடுதலை சிறுத்தைகள் கட்சி தலைவர் தொல்.திருமாவளவன் வலியுறுத்தியுள்ளார். நாடாளுமன்றத்தில் நடந்த குடியரசுத் தலைவர் உரை மீதான விவாதத்தில், அவர் இதனை தெரிவித்தார். மேலும் பேசிய அவர், டெல்லியில் போராடும் விவசாயிகளை போராட்ட ஜீவிகள் என்று பிரதமர் மோடி அழைப்பது, அவர்களை கொச்சைப்படுத்தும் விதமாக உள்ளது என்று திருமாவளவன் கண்டித்துள்ளார்.

சட்டம் ஒழுங்கை பாதுகாப்பது மாநில அரசின் பொறுப்பாகும் என திருமாவளவன் எம்.பி. கேள்விக்கு மத்திய இணை அமைச்சர் பதிலளித்துள்ளார். தலித் பெண்களுக்கு எதிரான பாலியல் கொடுமைகளை கட்டுப்படுத்துவது தொடர்பாக மத்திய அரசுக்கு திருமாவளவன் எம்.பி. கேள்வி எழுப்பியிருந்தார். இதற்கு, குற்றவியல் சட்டத்தில் சிறுமிகள் மீதான பாலியல் குற்றங்களுக்கு மரண தண்டனை உள்ளதையும், பாலியல் வழக்குகளை 2 மாதங்களில் முடிக்க வேண்டும் என்ற விதிகள் இருப்பதை சுட்டிக்காட்டி மத்திய இணை அமைச்சர் கிஷன் ரெட்டி எழுத்துப்பூர்வமாக பதிலளித்துள்ளார்.

தமிழகத்தில் உள்ள 108 அகதிகள் முகாமில் மொத்தம் 58,843 இலங்கை தமிழர்கள் வசித்து வருவதாக மத்திய உள்துறை இணை அமைச்சர் மக்களவையில் தெரிவித்துள்ளார். இலங்கை அகதிகள் எண்ணிக்கை குறித்து மக்களவை உறுப்பினர் செல்வராஜ் கேள்வி எழுப்பியிருந்தார். இதற்கு எழுத்துப்பூர்வமாக பதிலளித்துள்ள உள்துறை இணை அமைச்சர் நித்யானந்த் ராய், முகாம்களை தவிர்த்து காவல் துறை அனுமதியுடன் 34,134 பேர் அகதிகளாக வசித்து வருவதாக குறிப்பிட்டுள்ளார். ஒடிசாவில் உள்ள முகாவில் 58 பேர் வசித்து வருவதாகவும் குறிப்பிடப்பட்டுள்ளது.

தொகுப்பு வீடுகள் கட்டுவதற்கான நிதியை வீடு ஒன்றுக்கு 3 லட்சம் ரூபாயாக உயர்த்த வேண்டும் என்று நாடாளுமன்றத்தில் விடுதலை சிறுத்தைகள் கட்சி எம்.பி ரவிக்குமார் வலியுறுத்தியுள்ளார். நாடாளுமன்றத்தில் குடியரசுத் தலைவர் உரைக்கு நன்றி தெரிவிக்கும் தீர்மானத்தின் மீது உரையாற்றிய அவர், தலித் சமூகத்தைச் சேர்ந்த விஞ்ஞானி மேக்நாத் சாஹாவுக்கு பாரத ரத்னா விருது வழங்கவேண்டும் என்றும், விழுப்புரத்தில் சைனிக் பள்ளி, ஏகலவ்யா பள்ளி துவங்க வேண்டும் என்றும் வலியுறுத்தினார். 

எஸ்.சி, எஸ்.டி இடஒதுக்கீட்டு உரிமையை அடிப்படை உரிமையாக மாற்ற சட்டத் திருத்தம் கொண்டுவரும் திட்டம் மத்திய அரசிடம் உள்ளதா என ரவிக்குமார் எம்.பி மக்களவையில் கேள்வி எழுப்பினார். இட ஒதுக்கீடு அடிப்படை உரிமை என உச்சநீதிமன்றம் கூறி வரும் நிலையில், அதனை பாதுக்காக அரசு நடவடிக்கை எடுத்தது  குறித்து ரவிக்குமார் கேள்வி எழுப்பினார். இதற்கு பதிலளித்த சமூக நீதித்துறை அமைச்சர் ரட்டன்லால் கட்டாரியா, பதவி உயர்வில் எஸ்.சி. எஸ்.டி பிரிவினருக்கு இட ஒதுக்கீடு அளிக்க கோரி உச்சநீதிமன்றத்தில் மேல்முறையீடு செய்துள்ளதாக குறிப்பிட்டார்.

தொடர்புடைய செய்திகள்

"ஆஞ்சியோ பிளாஸ்டிக் சிகிச்சைக்கு பின் கங்குலி நலமாக உள்ளார்" - மூத்த சகோதரர் சினேகாஷ் கங்குலி தகவல்

ஆஞ்சியோபிளாஸ்டிக் சிகிச்சைக்கு பிறகு கங்குலி நலமுடன் இருப்பதாக, அவரது மூத்த சகோதரர் சினேகாஷ் கங்குலி தெரிவித்துள்ளார்.

410 views

தனியார் துறைக்கு ஆதரவு - மக்களவையில் கொந்தளித்த பிரதமர் மோடி

நாட்டுக்கு, பொதுத்துறை நிறுவனங்களின் பங்கு அவசியம் எனவும், அதே சமயம் தனியார் துறை நிறுவனங்களும் பங்கும் முக்கியத்துவம் வாய்ந்தது என பிரதமர் மோடி தெரிவித்திருக்கிறார்.

254 views

(10-02-2021) ஏழரை

(10-02-2021) ஏழரை

70 views

தலைவாசலில் ஒருங்கிணைந்த கால்நடை பூங்கா - முதலமைச்சர் திறந்து வைத்தார்

விவசாயிகளின் நலனை காக்க அதிமுக அரசு தொடர்ந்து பல்வேறு திட்டங்களை அறிமுகப்படுத்தி வருவதாக முதலமைச்சர் கூறினார்.

62 views

பிற செய்திகள்

ஒரே குடும்பத்தை சேர்ந்த 5 பேர் பலி - ஒரே இருசக்கர வாகனத்தில் 5 பேர் பயணம்

பெரம்பலூர் மாவட்டம் வேப்பூர் அருகே சாலை விபத்தில் ஒரே குடும்பத்தை சேந்த 2 குழந்தைகள் உட்பட5 பேர் உயிரிழந்துள்ளனர்.

20 views

திமுக - தொகுதி பங்கீடு - உத்தேச பட்டியல்

திமுக மற்றும் அதன் கூட்டணி கட்சிகள் தொகுதி பங்கீடு தொடர்பான உத்தேச பட்டியல் வெளியாகி உள்ளது.

153 views

கண்டெய்னர் லாரியில் போதைப்பொருள் கடத்தல் - மூட்டை மூட்டையாக போதைப்பொருட்கள் பறிமுதல்

புதுச்சேரியில் 10 லட்சம் ரூபாய் மதிப்பிலான தடை செய்யப்பட்ட போதை பொருட்களை போலீசார் பறிமுதல் செய்தனர்..

11 views

காடையாம்பட்டி ஆட்டு சந்தை - திருவிழா என்பதால் விற்பனை அமோகம்

சேலம் மாவட்டம் ஓமலூர் அருகே காடையாம்பட்டி ஆட்டு சந்தையில், நல்ல விலைக்கு ஆடுகள் விற்பனையானதால் வியாபாரிகள் மகிழ்ச்சியடைந்தனர்.

14 views

மக்கள் நீதி மய்யம் பிரசார திட்டங்களை வகுக்கும் WAR ROOM

கமல்ஹாசனின் மக்கள் நீதி மய்யம் கட்சி அலுவலகம் சர்கார் திரைப்பட காட்சிகள் போல் பரபரப்பாக காணப்படுகிறது . அது குறித்து பார்ப்போம்.

617 views

ராஜேஷ்தாஸ் மீதான பாலியல் புகார் விசாரணை சிபிசிஐடிக்கு மாற்றம் - டிஜிபி திரிபாதி உத்தரவு

முன்னாள் சிறப்பு டிஜிபி ராஜேஷ் தாஸ் மீதான பாலியல் புகார் சிபிசிஐடி விசாரணைக்கு மாற்றப்பட்டுள்ளது.

18 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.