'சக்கா ஜாம்' போராட்டத்தை நடத்திய விவசாயிகள் - நாட்டின் பல பகுதிகளில் மறியல் போராட்டம்
பதிவு : பிப்ரவரி 06, 2021, 03:16 PM
நாட்டின் பல்வேறு பகுதிகளில் சக்கா ஜாம் போராட்டம் நடத்திய விவசாயிகள் கைது செய்யப்பட்டனர். பஞ்சாப்பில் உள்ள அமிர்தசரஸ்-டெல்லி தேசிய நெடுஞ்சாலையில் விவசாயிகள் மறியல் போராட்டத்தில் ஈடுபட்டனர்.
நாட்டின் பல்வேறு பகுதிகளில் சக்கா ஜாம் போராட்டம் நடத்திய விவசாயிகள் கைது செய்யப்பட்டனர். பஞ்சாப்பில் உள்ள அமிர்தசரஸ்-டெல்லி தேசிய நெடுஞ்சாலையில் விவசாயிகள் மறியல் போராட்டத்தில் ஈடுபட்டனர். வேளாண் சட்டங்களை ரத்து செய்ய கோரி முழக்கங்களை எழுப்பிய அவர்களை போலீசார் கைது செய்தனர். இதேபோல் கர்நாடக மாநிலம் பெங்களூரூவில் உள்ள எலஹன்கா காவல்நிலையம் முன்பு மறியலில் ஈடுபட்ட விவசாயிகளை போலீசார் கைது செய்தனர். மேலும் ராஜஸ்தான் மற்றும் ஹரியானவின் பல இடங்களில் விவசாயிகள் சக்கா ஜாம் போராட்டத்தை நடத்தினர்.

"போராட்டத்தில் அப்பாவி இளைஞர்கள் கைது"

டெல்லியில் கைதான அப்பாவி பஞ்சாப் இளைஞர்களை விடுவிப்பது தொடர்பாக மத்திய அரசிடம் முதல்வர் அம்ரீந்தர் சிங் வலியுறுத்த வேண்டும் என முன்னாள் மத்திய அமைச்சர் ஹர்ஷிம்ராத் கவுர் வலியுறுத்தியுள்ளார். வேளாண் சட்டங்களுக்கு பஞ்சாப் மட்டுமின்றி அனைத்து மாநிலங்களிலும் எதிர்ப்பு உள்ளதாக தெரிவித்தார். குடியரசு தினத்தில் நடைபெற்ற போராட்டத்தில் அப்பாவி இளைஞர்கள் கைதானதாக கூறிய ஹர்ஷிம்ராத் கவுர், அவர்களை விடுவிக்க எடுத்த நடவடிக்கை என்ன என பஞ்சாப் அரசுக்கு கேள்வி எழுப்பியுள்ளார்.

விவசாயிகள் சக்கா ஜாம் போராட்டம் - பாதுகாப்பு வளையத்திற்குள் டெல்லி

விவசாயிகளின் சக்கா ஜாம் போராட்டம் நடத்துவதையொட்டி டெல்லியில் பாதுகாப்பு பலப்படுத்தப்பட்டு உள்ளது. டெல்லி மற்றும் சுற்றுவட்டாரப் பகுதிகளில் 50 ஆயிரம் போலீசார் நிறுத்தப்பட்டு உள்ளனர். பதற்றமான பகுதிகளில் சிசிடிவி கேமராக்கள் பொருத்தி கண்காணிப்பதாக போலீஸ் தெரிவித்துள்ளது. ஆளில்லா குட்டி விமானங்களுக்கும் கண்காணிப்பு பணியில் ஈடுபடுத்தப்பட்டுள்ளன. 

விவசாயிகள் போராட்டம் - ராகுல் ஆதரவு : நாட்டின் நலனுக்காகவே போராட்டம்

 வேளாண் சட்டங்களை வாபஸ் பெற வலியுறுத்தி நாடு முழுவதும் விவசாயிகள் நடத்தும் போராட்டத்திற்கு காங்கிரஸ் எம்.பி. ராகுல் காந்தி முழு ஆதரவு தெரிவித்துள்ளார். இதுகுறித்து ட்விட்டரில் கருத்து பதிவிட்டுள்ள அவர், புதிய வேளாண் சட்டங்கள் விவசாயிகள், விவசாய கூலிகளுக்கு மட்டுமின்றி ஒட்டுமொத்த தேசத்திற்கு ஆபத்தானது என குறிப்பிட்டுள்ளார். 

குஜராத் உயர்நீதிமன்ற வைரவிழா - காணொலி காட்சி வாயிலாக பிரதமர் பங்கேற்பு

குஜராத் உயர்நீதிமன்ற வைரவிழா நிகழ்ச்சியில் பிரதமர் மோடி காணொலி காட்சி வாயிலாக கலந்துக்கொண்டார். விழாவில் நீதிமன்ற நினைவு தபால் தலையை வெளியிட்டார். அப்போது அவர் பேசுகையில், இந்திய நீதித்துறை அரசியலைமைப்பை வலுப்படுத்த ஆக்கப்பூர்வமாகவும் நேர்மையாகவும் செய்யப்பட்டுள்ளது என்றார். மேலும், மக்களின் உரிமையை பாதுகாத்தல், தேசிய நலனுக்கு முன்னுரிமை வழங்குதல் என எந்த சூழலிலும் தனது கடமையை சிறப்பாக செய்வதாக பிரதமர் கூறினார்.

பட்ஜெட்டில் சுகாதாரத்துறைக்கு முக்கியம் : இரட்டை இலக்க பொருளாதார வளர்ச்சி - மத்திய அமைச்சர் ஜெய்சங்கர் பேட்டி

முன்பைவிட கொரோனாவுக்கு பிறகு இந்தியாவில் மாற்றம் அதிகம் காணப்படுகிறது என மத்திய வெளியுறவுத்துறை அமைச்சர் ஜெய்சங்கர் கூறியுள்ளார். விஜயவாடாவில் செய்தியாளர்களிடம் பேசிய அவர், தற்போது ஆரோக்கியம் முக்கியத்துவம் பெற்றுள்ளது என்றும் அதனால்தான் அரசு பட்ஜெட்டில் சுகாதாரத்துறைக்கு முக்கியத்துவம் கொடுத்துள்ளது என்றும் கூறியுள்ளார். மேலும், வரும் ஆண்டில் இரட்டை இலக்க வளர்ச்சியை எட்டுவதே அரசின் இலக்கு எனவும் கூறியுள்ளார்.

தொடர்புடைய செய்திகள்

"ஆஞ்சியோ பிளாஸ்டிக் சிகிச்சைக்கு பின் கங்குலி நலமாக உள்ளார்" - மூத்த சகோதரர் சினேகாஷ் கங்குலி தகவல்

ஆஞ்சியோபிளாஸ்டிக் சிகிச்சைக்கு பிறகு கங்குலி நலமுடன் இருப்பதாக, அவரது மூத்த சகோதரர் சினேகாஷ் கங்குலி தெரிவித்துள்ளார்.

399 views

தனியார் துறைக்கு ஆதரவு - மக்களவையில் கொந்தளித்த பிரதமர் மோடி

நாட்டுக்கு, பொதுத்துறை நிறுவனங்களின் பங்கு அவசியம் எனவும், அதே சமயம் தனியார் துறை நிறுவனங்களும் பங்கும் முக்கியத்துவம் வாய்ந்தது என பிரதமர் மோடி தெரிவித்திருக்கிறார்.

208 views

(10-02-2021) ஏழரை

(10-02-2021) ஏழரை

55 views

தலைவாசலில் ஒருங்கிணைந்த கால்நடை பூங்கா - முதலமைச்சர் திறந்து வைத்தார்

விவசாயிகளின் நலனை காக்க அதிமுக அரசு தொடர்ந்து பல்வேறு திட்டங்களை அறிமுகப்படுத்தி வருவதாக முதலமைச்சர் கூறினார்.

47 views

பிற செய்திகள்

மொட்டேரா மைதானம் பெயர் மாற்றம் - திரிஷ்யம் 2 க்ளைமேக்ஸை ஒப்பிட்டு விமர்சனம்

உலகின் மிகப்பெரிய கிரிக்கெட் மைதானத்திற்கு பிரதமர் நரேந்திர மோடி பெயர் சூட்டப்பட்டுள்ளது பேசுபொருளாகியுள்ளது.

139 views

பல கவிஞர்களின் தாய்வீடு புதுச்சேரி - பிரதமர் நரேந்திர மோடி

புதுச்சேரி மக்கள் மிகவும் திறமைசாலிகள் என்றும், புதுச்சேரியின் வளர்ச்சிக்கு உதவ உறுதி அளிப்பதாகவும் பிரதமர் நரேந்திர மோடி கூறி உள்ளார்.

69 views

கோயில் வளாகத்தில் யானைகள் பந்தயம் - துள்ளி குதித்து ஓடிய யானைகள்

கேரள மாநிலம் குருவாயூர் கோயிலில் யானை பந்தயம் உற்சாகமாக நடத்தப்பட்டது.

22 views

ராகுல்காந்தி பேசியது தவறு- காங்கிரஸ் எம்.எல்.ஏ. அதிதி சிங்

கேரளா மாநிலம் வயநாடு தொகுதி மக்கள், தங்கள் பிரச்சினைகளை தெளிவாக எடுத்து வைப்பதாகவும், அதன் மீது நல்ல புரிதலுடன் இருப்பதாகவும் ராகுல்காந்தி தெரிவித்தார்.

33 views

புதுச்சேரியில் குடியரசுத்தலைவர் ஆட்சி - மத்திய அமைச்சரவை கூட்டத்தில் ஒப்புதல்

புதுச்சேரியில் குடியரசுத்தலைவர் ஆட்சியை அமைக்க மத்திய அமைச்சரவை கூட்டத்தில் ஒப்புதல் அளிக்கப்பட்டுள்ளது.

67 views

இந்திய கிரிக்கெட் வீரர் மனோஜ் திவாரி மம்தா முன்னிலையில் திரிணாமுல் காங்கிரஸ் கட்சியில் இணைந்தார்

மேற்கு வங்க மாநிலத்தை சேர்ந்த இந்திய கிரிக்கெட் வீரர் மனோஜ் திவாரி, திரிணாமுல் காங்கிரஸ் கட்சியில் இணைந்து உள்ளார்

20 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.