41 லட்சம் பேருக்கு கொரோனா தடுப்பூசி - இந்தியா சாதனை

உலகளவில் அதிவிரைவாக, இதுவரை 41 லட்சம் பேருக்கு கொரோனா தடுப்பூசிகளை வழங்கி இந்தியா சாதனை படைத்துள்ளது. பிப்ரவரி 1-ஆம் தேதி வரை அதிக எண்ணிக்கையிலான கொரோனா தடுப்பூசிகளை, பயனாளிகளுக்கு வழங்கிய முதல் ஐந்து நாடுகளுள், இந்தியாவும் ஒன்றாக திகழ்கிறது. இதனிடையே, தடுப்பூசிகளை வழங்கும் பணியில் இந்தியா தொடர்ந்து மிக வேகமாக செயல்பட்டு வருவதாக மத்திய அரசு தெரிவித்துள்ளது. இதில் தமிழ்நாட்டில் மட்டும் இதுவரை 1 லட்சத்து 20 ஆயிரத்து 745 பேருக்கு தடுப்பூசி போடப்பட்டுள்ளதாக மத்திய சுகாதாரத்துறை தெரிவித்துள்ளது.