நாட்டை உலுக்கிய ஹத்ராஸ் பாலியல் வன்கொடுமை - 2000 பக்க குற்றப்பத்திரிகை தாக்கல் செய்த சிபிஐ
பதிவு : டிசம்பர் 19, 2020, 01:29 PM
நாட்டையே அதிர வைத்த ஹத்ராஸ் பாலியல் வன்கொடுமை வழக்கில் சிபிஐ குற்றப்பத்திரிக்கை தாக்கல் செய்துள்ளது.
செப்டம்பர் 30, இரவு 2.30 மணி... உத்தர பிரதேச மாநிலம், ஹத்ராஸ் நகர் அருகே சிறிய கிராமம். 19 வயது அப்பாவி இளம்பெண் ஒருவரின் சடலம், காவல் துறையினரால் அனாதை பிணம் போல எரியூட்டப்பட, வீட்டுக்காவலில் இருந்த  அவரின் குடும்பத்தினர்  செய்வதறியாமல் கதற, அந்த காட்சிகள், நாட்டின் மனசாட்சியை உலுக்கின. 

கடந்த செப்டம்பர் 14ஆம் தேதி, பட்டியலினத்தை சேர்ந்த அந்த இளம்பெண், உயர்சாதி வகுப்பை சேர்ந்த நால்வரால் சாதிய வன்மத்துடன் கற்பழிக்கப்பட்டு, அந்த போராட்டத்தில் அந்த பெண்ணின் கழுத்து துப்பட்டாவால் நெரிக்கப்பட, அதனால் தண்டுவடத்தில் அடிபட்டு படுத்த படுக்கையாகி, உயிருக்கு ஆபத்தான நிலையில் மருத்துவமனையில் அனுமதிக்கப்பட்டார். மேல்சிகிச்சைக்காக டெல்லி அழைத்து சென்றும், சிகிச்சை பலனில்லாமல் பரிதாபமாக உயிரிழந்தார். 

இளம்பெண்ணின் உயிரிழப்பிற்கு காரணமான நால்வரும் கைது செய்யப்பட்டாலும், பெண்ணின் உடலை பெற்றோரிடம் கூட காட்டாமல் அவசரகதியில் உ.பி., போலீசார் எரிக்க, விவகாரம் பெரும் விவாதப்பொருளானது.தொடர்ந்து, அம்மாவட்ட ஆட்சியர் பெண்ணின் குடும்பத்தினரை நேரில் சந்தித்து, அவர்களின் வாக்குமூலத்தை மாற்றச்சொல்ல, அந்த வீடியோவும் வெளியாகி பரபரப்பை ஏற்படுத்தியது.

மேலும், உத்தரபிரதேச காவல்துறை அந்த பெண் கற்பழிக்கப்படவில்லை என்றும், இது அம்மாநிலத்தில் கலவரம் நிகழ்த்த செய்யப்பட்ட சதி என்றும் கூறி கேட்போரை கதிகலங்க வைத்தது. நடப்பவற்றை கண்டு சமூகவலைத்தளங்கள் தகிக்க, எதிர்க்கட்சிகளும் போராட்டத்தை முன்னெடுக்க, குற்றம்சாட்டப்பட்டவர்களுக்கு ஆதரவாகவும் ராஷ்ட்ரிய சவர்ண சங்கத் உள்ளிட்ட அமைப்புகள் போராட்டத்தில் இறங்கின.

ஒருபுறம், இந்த விவகாரம் மாநிலத்தின் பெயரை கெடுக்க நடக்கும் சர்வதேச சதி என சந்தேகம் கிளப்ப, மற்றொருபுறம், கற்பழிப்பு குற்றச்சாட்டு பொய் என்றும், இது ஆணவ கொலை என்றும், உயிரிழந்த பெண்ணின் நடத்தை குறித்தும் தொடர்ச்சியாக விமர்சித்தனர், குற்றம்சாட்டப்பட்டவர்களின் ஊர்மக்கள்.

தொடர் அழுத்தங்கள் காரணமாக, இவ்வழக்கின் விசாரணை சிபிஐக்கு மாற்றப்பட்ட நிலையில், இவ்வழக்கில் குற்றம்சாட்டப்பட்ட நால்வருக்கும் எதிராக, 376, 376-A, 376-D, 302 மற்றும் வன்கொடுமை தடுப்பு சட்டங்களின்கீழ் வழக்குப் பதிந்து,  2000 பக்கம் கொண்ட குற்றப்பத்திரிகையை சிபிஐ தாக்கல் செய்துள்ளது. 

அதில், அந்த இளம்பெண் கற்பழிக்கப்பட்டதும், கொடூரமாக தாக்கப்பட்டதால் உயிரிழந்ததையும் உறுதி செய்திருக்கிறது சிபிஐ. அப்பாவி பெண்ணின் மீது சுமத்தப்பட்ட அபாண்ட குற்றச்சாட்டுகளுக்கு முற்றுப்புள்ளி வைத்திருக்கிறது இந்த குற்றப்பத்திரிக்கை என்ற ஆறுதல் ஒருபுறம் இருந்தாலும், மகளின் மரணத்திற்கு  நியாயம் வேண்டி காத்திருக்கும் குடும்பத்திற்கு நீதி கிடைப்பது எப்போது? என்ற கேள்வியே இங்கு பிரதானம்.

தொடர்புடைய செய்திகள்

(19/11/2020) ஆயுத எழுத்து - ஆவேச குற்றச்சாட்டுகள் : அரசியலா? ஆதாரமா?

(19/11/2020) ஆயுத எழுத்து - ஆவேச குற்றச்சாட்டுகள் : அரசியலா? ஆதாரமா? | சிறப்பு விருந்தினர்களாக : மகேஸ்வரி - அ.தி.மு.க || மனுஷ்யப்புத்திரன் - தி.மு.க || விஜயதாரணி - காங்கிரஸ் || யுவராஜா - த.மா.கா

234 views

சொல்லைக் காட்டிலும் செயல் பெரிது என்பதற்கு இலக்கணம் - மநீம தலைவர் கமல்ஹாசன் கருத்து

ஊரடங்கு காலத்தில், இலவச கற்பித்தலில் ஈடுபட்டு வரும் இளைஞர்களை மக்கள் நீதி மய்யம் தலைவர் கமல்ஹாசன் பாராட்டி உள்ளார்.

198 views

"ஆஞ்சியோ பிளாஸ்டிக் சிகிச்சைக்கு பின் கங்குலி நலமாக உள்ளார்" - மூத்த சகோதரர் சினேகாஷ் கங்குலி தகவல்

ஆஞ்சியோபிளாஸ்டிக் சிகிச்சைக்கு பிறகு கங்குலி நலமுடன் இருப்பதாக, அவரது மூத்த சகோதரர் சினேகாஷ் கங்குலி தெரிவித்துள்ளார்.

184 views

"முன்னோடி மாநிலம் தமிழகம்" ராகுல் காந்தி புகழாரம்

அனைத்து விஷயத்திலும் இந்தியாவுக்கு முன்னோடியாக தமிழகம் இருப்பதாக காங்கிரஸ் எம்பி ராகுல்காந்தி தெரிவித்துள்ளார்.

144 views

பிற செய்திகள்

தமிழகத்துடன் நல்லுறவை ஏற்படுத்தவே பதவி - இலங்கை அமைச்சர்

இந்தியாவுடனும், குறிப்பாக தமிழகத்துடன் நல்லுறவை ஏற்படுத்துவதற்காகவே, தனக்கு இந்த மீன்வளத்துறை அமைச்சர் பதவியை வழங்கியுள்ளதாக, இலங்கை மீன்வளத்துறை அமைச்சர் டக்ளஸ் தேவானந்தா தெரிவித்துள்ளார்.

11 views

அடுத்தடுத்து 21 பெண்கள் கொலை - சீரியல் கில்லரை கைது செய்த போலீசார்

தெலங்கானாவில் 21 பெண்களை கொலை செய்த சீரியல் கில்லரை போலீசார் கைது செய்துள்ளனர்.. கொலைக்கான காரணம் என்ன? கொலையாளியின் நோக்கம் என்ன?

205 views

கொடி சர்ச்சை தீப் சித்து - யார்?

டெல்லி செங்கோட்டையில் சீக்கிய மதக்கொடி ஏற்றப்பட்ட விவகாரத்தில் பாஜக எம்.பி.க்கு பிரசாரம் செய்த நடிகர் தீப் சித்துவே காரணம் எனக் குற்றம் சாட்டு எழுந்துள்ளது.

70 views

வேளாண் சட்டம்; விவசாயிகள் வருமானம் உயரும் - கீதா கோபிநாத்,பொருளாதார வல்லுநர்

இந்தியாவில் வேளாண் துறையில் சீர்த்திருத்தம் தேவைப்படுவதாக சர்வதேச நிதியத்தின் பொருளாதார வல்லுநர் கீதா கோபிநாத் தெரிவித்துள்ளார்.

67 views

விவசாயிகள் நடத்திய பேரணியில் வன்முறை; காவல்துறையினர் 394 பேர் காயம்

டெல்லியில் விவசாயிகள் நடத்திய டிராக்டர் பேரணியின் போது ஏற்பட்ட வன்முறையில் காவல்துறையினர் 394 பேர் காயமடைந்ததாக டெல்லி காவல் ஆணையர் தெரிவித்துள்ளார்.

46 views

"மும்பை நீதிமன்ற தீர்ப்புக்கு இடைக்கால தடை" பாலியல் வன்கொடுமை தொடர்பான தீர்ப்பு

பாலியல் வன்கொடுமை தொடர்பான மும்பை நீதிமன்றத்தின் வினோத தீர்ப்புக்கு உச்சநீதிமன்றம் இடைக்கால தடைவிதித்துள்ளது.

10 views

ஒரு கட்டுரையை முறையான தலைப்புடன், குறைந்தபட்சம் 250 சொற்களுடன் பதிவேற்றவும்.

ஒற்றை படத்தில் ஒரு ஆயிரம் வார்த்தைகள் பேசுகிற ஒரு அழகான புகைப்படத்தை பொருத்தமான தலைப்பு மூலம் பதிவேற்றவும்.

குறைந்தபட்சம் 100 சொற்கள் கொண்ட ஒரு கட்டுரையை வீடியோ செய்தி மூலம் பதிவேற்றவும்.