சூரரைப் போற்று படக்குழுவினருக்கு இந்தியாவின் முதல் பட்ஜெட் விமானத்தை உருவாக்கிய ஜி.ஆர்.கோபிநாத் வாழ்த்து

சூரரைப் போற்று படத்தை பார்த்துவிட்டு படக்குழுவினருக்கு இந்தியாவின் முதல் பட்ஜெட் விமானத்தை உருவாக்கிய ஜி.ஆர்.கோபிநாத் வாழ்த்துகளை தெரிவித்து உள்ளார்.
சூரரைப் போற்று படக்குழுவினருக்கு இந்தியாவின் முதல் பட்ஜெட் விமானத்தை உருவாக்கிய ஜி.ஆர்.கோபிநாத் வாழ்த்து
x
சூர்யா நடிப்பில் சுதா கொங்கரா இயக்கத்தில் உருவாகிய சூரரைப் போற்று படம் அமேசான் ஓடிடியில் வெளியாகி உள்ளது. படத்தை பார்த்துவிட்டு கோபிநாத் தன்னுடைய டுவிட்டரில் படக்குழுக்கு வாழ்த்துக்களை தெரிவித்து உள்ளார். அவர் தன்னுடைய டுவிட்டர் பதிவில், சூரரைப் போற்று படத்தில் நிறையக் கற்பனைகள் இருந்தாலும், என்னுடைய புத்தகத்தின் மைய கருவை அற்புதமாக படம் பிடித்துள்ளது. நேற்றிரவு படத்தை பார்த்தேன். உண்மையான ரோலர் கோஸ்டர் அனுபவமாகும்.  நினைவுகளை தூண்டிய பல குடும்ப காட்சிகளில் என்னால் சிரிப்பையும் அழுகையையும் கட்டுப்படுத்த முடியவில்லை எனக் கூறி உள்ளார். மேலும், என்னுடைய மனைவி பார்கவியாக சித்தரிக்கப்பட்டு இருக்கும் அபர்ணா சரியான தேர்வு என்றும்  தொழில்முனைவோர் கதாபாத்திரத்தில் நடிகர் சூர்யா சக்திவாய்ந்த நடிப்பை வெளிப்படுத்தி உள்ளார் என்றும் கூறியுள்ளார்.  சுதா கொங்கராவுக்கு மிகப்பெரிய சலூட்டை வைப்பதாக கூறியிருக்கும் அவர், இருண்ட காலங்களில் உத்வேகம் அளிக்கக் கூடிய திரைப்படம் எனக் குறிப்பிட்டு உள்ளார்.  இதற்கு பதில் டுவிட் செய்துள்ள நடிகர் சூர்யா, மிகவும் மகிழ்ச்சியளிக்கிறது கேப்டன்.. இந்த நாட்டிற்காக நீங்கள் செய்த பணிக்காக எங்களுடைய சிறிய வழியில் மரியாதை செலுத்தியுள்ளோம். பலரும் உத்வேகம் அடைவார்கள் என நம்புகிறோம் எனக் குறிப்பிட்டு உள்ளார்.
---


Next Story

மேலும் செய்திகள்