ஹாத்ராஸ் இளம்பெண் பாலியல் வன்கொடுமை வழக்கு - பாதிக்கப்பட்ட பெண்ணின் உறவினர்கள், அதிகாரிகளிடம் விசாரணை

 உத்தரபிரதேச மாநிலம் ஹாத்ராஸில் இளம்பெண் பாலியல் வன்கொடுமை செய்யப்பட்டு, கொலை செய்யப்பட்ட வழக்கை அலகாபாத் உயர்நீதிமன்ற லக்னோ கிளை விசாரித்து வருகிறது. நீதிமன்ற சம்மனை ஏற்று ஆஜரான பாதிக்கப்பட்ட பெண்ணின் உறவினர்கள், எங்களுடைய சம்மதமின்றி சடலத்தை அதிகாரிகள் எரித்தனர் என வாக்குமூலத்தை பதிவு செய்துள்ளனர். இதற்கிடையே இந்த வழக்கு விசாரணையை வேறு மாநிலத்திற்கு மாற்ற வேண்டும் என அவர்கள் தரப்பு வழக்கறிஞர் கேட்டுக்கொண்டுள்ளார். இந்த வழக்கு மீதான அடுத்த விசாரணை நவம்பர் 2-ம் தேதி நடக்கும் என நீதிமன்றம் தெரிவித்துள்ளது.