"சுதந்திர தினத்திற்கு இணையான நாள்" - பிரதமர் மோடி

அயோத்தியில் ராமர் கோவிலுக்கு அடிக்கல் நாட்டிய  பின், நிகழ்ச்சியில் பேசிய பிரதமர் மோடி,  ராமர் கோவில் பூமி பூஜையில் கலந்து கொண்டதை எனது பாக்கியமாக கருதுகிறேன் என்றும், ராமர் கோவிலுக்கு அடிக்கல் நாட்டுவோம் என்று யாரும் நினைத்து கூட பார்த்திருக்கமாட்டார்கள் என்றார். இந்தியா முழுவதும்  ராம மயமாக இருக்கிறது என்றும் இந்த நாளில், நாடு முழுவதும் உணர்வுப் பூர்வமாகவும் மகிழ்ச்சியாகவும் இருக்கிறது என்றும் தெரிவித்தார். நாடு முழுவதும் ராமர் பக்தி கீதங்கள் ஒலிக்கின்றன என்றும், ராமரின் வரலாற்றை அழிக்கும் முயற்சி தோல்வியடைந்துள்ளதாக கூறியுள்ளார். சுதந்திர போராட்டத்தில் மகாத்மாக காந்திக்கு எவ்வளவு முக்கியத்துவம் மக்கள் எவ்வளவு முக்கியத்துவம் கொடுத்தார்களோ, அவ்வளவு முக்கியத்துவம் ராமர்கோவிலுக்கு தருவதாக கூறினார். ராமர் கோவிலுக்கு அடிக்கல் நாட்டிய நாள், சுதந்திர தினத்திற்கு இணையாக கொண்டாடப்படும் நாள் என்றும் சுட்டிக்காட்டினார். இந்திய கலாசாரத்தின் நவீன சின்னமாக ராமர் கோவில் திகழும் என கூறிய பிரதமர் மோடி, தொடர்ந்து ராமர் குறித்து புகழாரம் சூட்டிய பிரதமர் மோடி, தமிழில் கம்பராமாயணத்தை மேற்கோள் காட்டி பெருமிதமாக பேசினார்.