நகைக்கடையில் 7 கிலோ தங்கம், ரூ.30 லட்சம் கொள்ளை - 6 மணி நேரத்தில் கொள்ளையர்களை பிடித்த போலீஸ்

ஆந்திர மாநிலம், விஜயவாடாவில் உள்ள நகைக்கடைக்குள் புகுந்த கொள்ளையர், அங்கிருந்த ஊழியரை கட்டிப் போட்டிவிட்டு நகைகளை கொள்ளையடித்து சென்றனர். இதையடுத்து, கடை உரிமையாளர் போலீசாருக்கு தகவல் தெரிவித்தார். 7 கிலோ தங்க நகைகள் மற்றும் 30 லட்சம் ரொக்கம் கொள்ளை போனதாக தெரிவிக்கப்பட்டது. இதையடுத்து, விஜயவாடாவில் இருந்து, வெளியூர்களுக்கு செல்லும் வாகனங்களை சோதனையிட்ட போலீசார்,  நகைகளை கொள்ளையடித்த ராஜஸ்தானை சேர்ந்த 4 பேரை மடக்கி பிடித்தனர். அவர்களிடம் இருந்து நகை மற்றும் பணத்தையும் போலீசார் பறிமுதல் செய்தனர். இதனிடையே, கொள்ளை நடந்த போது, கடையில் இருந்த ஊழியர் ராஜஸ்தானை சேர்ந்தவர் என்பதால், அவருக்கும் கொள்ளையில் தொடர்பு உள்ளதா என விசாரித்து வருகின்றனர்.