"நாட்டில் கொரோனா வைரஸ் மீட்பு விகிதம் உயர்ந்து வருகிறது" - சுகாதாரத்துறை அமைச்சக இணைச்செயலாளர் லாவ் அகர்வால் தகவல்

டெல்லியில் செய்தியாளர்களிடம் பேசிய அவர் தொற்றால் பாதிக்கப்பட்ட 61 ஆயிரத்து 149 பேர் மருத்துவக் கண்காணிப்பில் சிகிச்சை பெற்று வருவதாக கூறினார். இந்தியாவில் ஒரு லட்சம் மக்களுக்கு 7 புள்ளி 9 பேர் கொரோனாவால்  பாதிக்கப்பட்டுள்ளதாக அவர் கூறினார். உலகம் முழுவதும் கொரோனாவால் ஒரு லட்சம் மக்களுக்கு 4 புள்ளி 2 சதவீதம் பேர் இறந்துள்ளனர் என்றும் இந்தியாவில் ஒரு லட்சம் மக்கள்தொகைக்கு புள்ளி 2 சதவீதம் உயிரிழப்புகள் இருந்ததாக அகர்வால் கூறினார். முதல் ஊரடங்கு தொடங்கியபோது மீட்பு வீதம் 7புள்ளி 1 சவீதமாக இருந்தது என்றும் 2 வது ஊரடங்கு  போது மீட்பு விகிதம் 11 புள்ளி 42 சதவீதமாக இருந்ததாகவும் கூறினார்.  பின்னர் அது 26 புள்ளி 59 சதவீதமாக உயர்ந்ததாகவும் தெரிவித்தார்.  தற்போது மீட்பு விகிதம் 39புள்ளி 62 சதவீதம் என்றும்  லாவ் அகர்வால் தெரிவித்தார்.